Забава
(Видео) Тинејџер примен на 27 факултети, доби стипендии во износ од 4 милиони долари
Матурантот Џонатан Вокер слави откога е примен на 27 колеџи и универзитети, меѓу кои „Харвард“, „Стенфорд“ и МИТ. Покрај тоа, тој добил и стипендии во износ од 4 милиони долари.
„Многу се изненадив кога видов дека сите се заинтересирани за мене и сакаат да студирам на нивната институција“, рече Вокер во интервју за „Еј-би-си њуз“.
Вокер, кој живее во Панама Сити, Флорида, нагласи дека нашол по нешто што му се допаѓа на секој од горенаведените универзитети и аплицирал онаму каде што би можел да биде среќен.
„Најмногу сум заинтересиран за инженерството, како и за претприемаштвото. Исто така, ја истражувам можноста да создадам некоја своја насока бидејќи имам многу интереси“, рече Вокер во интервјуто за Еј-би-си.
„Моите родители ми донесоа сет за хемија пред неколку години… Најдов начин да ја насочам таа љубопитност во наука, што набргу процвета во инженерството. И тогаш навистина научив дека можам да го користам инженерството за да им помагам на луѓето“.
„Станав многу заинтересиран за создавање уреди кои би можеле да им помогнат на ранливите заедници и на луѓето што се соочуваат со тешки проблеми“, вели младиот човек.
Тој со својот партнер работи на рачен уред, кој им овозможува на слепите и на глувите лица подобро да комуницираат со луѓето. Претходно, направи уред што го потсетува корисникот за лекови на рецепт. Вокер е активен во научен клуб, во меѓународна дипломска програма и во универзитетскиот фудбалски тим.
„Бог ме благословил со многу способности и сакам да одвојам време и да го искористам ова што е можно повеќе, да влијаам позитивно и да се обидам да ги инспирирам другите луѓе“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Како изгледа денес Роуз од „Два и пол мажи“ која го демнеше Чарли
Хит серијата „Два и пол мажи“ се емитуваше од 2003 до 2015 година, а во главните улоги беа Чарли Шин, Џон Крајер и Ангус Т. Џонс.
Улогата на композиторот и женкар Чарли ја толкуваше Чарли Шин, се до кавгата со продуцентите кога беше заменет со Ештон Качер, а многумина се сеќаваат и на Роуз која со сите сили се трудеше да го освои неговото срце.
Улогата на Роуз ја толкуваше актерката Мелани Лински, која се прослави по оваа улога. Актерката минатата година постигна голем успех во кариерата со улогата во серијата “Yellowjackets”, но и покрај тоа се бореше со „стандардите за убавина“.
Таа изјави за „Њујорк Тајмс“ дека нејзината кариера првично се засновала на сценарија за „дебела пријателка“ или „смешна дебела жена“.
„Луѓето кои ја оценуваат мојата тежина и здравје се приказна за мојот живот уште од премиерата на “Yellowjackets”, напиша таа на мрежата „Х“ и додаде дека „да се биде слаб не секогаш значи да се биде здрав“.
Нејзиниот сопруг ја поддржал, пишувајќи на мрежата „Икс“: „Ако некој има несакани коментари за нечиј изглед, слободно нека ги напише со трајно мастило на челото и нека излезе директно на сонце“.
Забава
Луѓето родени во овие два хороскопски знаци не сакаат да готват
Готвењето е уметност – барем за некои луѓе. Меѓутоа, други секогаш ја избегнуваат кујната и често може да ги фатите како нарачуваат храна од ресторани. Тие луѓе можеби се родени во овие хороскопски знаци.
Водолија
Водолиите се современи визионери, а нивната имагинација често ги надминува секојдневните задачи како што е готвењето. Наместо да поминуваат време на сечкање зеленчук, тие веројатно се зафатени со создавање револуционерни идеи кои ќе го променат светот. Кујната е едноставно преполна и премногу рестриктивна за нив; тие попрво би откриле нови светови отколку да мешаат сосови.
Стрелец
За Стрелците светот е нивна авантура, а кујната е како темнина која едноставно не сакаат да ја истражуваат. Тие се премногу зафатени со мечтаење за нивната следна дестинација или планирање авантури, па кујната често ја нема на нивната мапа. Стрелците ја сакаат слободата и слободата на движење, а готвењето често ги спречува да истражат се што може да понуди светот.
Забава
Петар Грашо и Хана Хуљиќ го очекуваат своето второ дете
Петар Грашо и Хана Хуљиќ го чекаат своето второ дете.
Ова го потврди пејачката во емисијата Ин Магазин. Парот ќе станат родители по втор пат, откако пред година и девет месеци ја добија малата Алба.
View this post on Instagram
Хана неодамна проговори за мајчинството.
„Толку многу уживам во секој момент со неа, знам дека брзо ќе порасне и можеби сега едвај чекам да порасне, но кога ќе порасне ќе ми биде жал. Убава е, весела е. Таа донесе нешто посебно во нашиот живот“, изјави Хана. Вели дека многу и помагаат двете баби.
Хана е среќна што Алба расте во вљубено семејство.
„Горда сум што детето расте во љубов, што за жал не е толку често во денешно време и секогаш ми е жал за децата кои ја немаат и ми е тешка тема“, додаде таа.
Хана и Петар се венчаа во февруари 2022 година во Сплит.