Македонија
Next Chapter кампањата на АУЕ-ФОН е вистински избор за секој иден студент
Американскиот универзитет на Европа–ФОН применува најсовремени образовни програми кои нудат флексибилни и просперитетни студии, ставајќи го студентот секогаш во фокус на интересот. Со новата кампања „Студирај на АУЕ-ФОН, плати како на државен“, кампања креирана согласно интересот и потребите на младите луѓе, АУЕ – ФОН продолжува со примена на холистичкиот систем за рано пријавување на сите заинтересирани кандидати.
Холистичкиот систем претставува пристап во кој заедно со постигнатиот успех од средното училиште, дополнително се вреднуваат индивидуалните квалитети на секоја личност, нивните амбиции, интегритетот во однесувањето, познавање на странски јазици, компјутерски вештини, или пак други лични остварувања во различни спортски дисциплини, натпревари или останати воншколски активности.
Повеќе од јасно е дека, доброто образование првенствено има клучна улога во развојот на вештините на една личност, кој подоцна се пренесуваат во бизнисот, но и за развојот на општеството во целина. Од овие причини, Американскиот универзитет на Европа–ФОН го применува мултидисциплинарниот пристап кој има стратешка улога во пресретнување на потребите на претприемништвото и за приспособување на студентите со промените, со кои светот се соочува денес.
Оттука, студентите кои ќе се одлучат да студираат на Факултетот за правни и политички науки, Факултетот за економски науки, Факултетот за детективи и безбедност, Факултетот за дизајн и мултимедија или на Факултетот за информатика, освен теоријата која ја добиваат од престижниот наставен кадар со
богата истражувачка дејност, имаат можност за пракса и работа, која е дел од програмата „Work and study“ која што Американскиот универзитет на Европа-ФОН ја применува во текот на едукативниот процес на студентите, со што ја покажува грижата за нивен комплетен професионален развој.
Но, дополнително АУЕ–ФОН овозможува неформално образование кое вклучува и кратки курсеви од различни области, со што кандидатите се надоградуваат со знаење и вештини за унапредување на нивниот професионален и кариерен развој. Затоа, NEXT CHAPTER е одлична можност за секој амбициозен и млад човек со јасна визија за својата иднина!
ПР
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
„Колку повеќе не напаѓаат посилни не прават“ – Работниците дадоа црвен картон на судот поради обидите за притисоците врз синдикатите
Претседателот на ССМ Слободан Трендафилов на денешниот протест порача дека работниците даваат црвен картон на Врховниот судот за неговата одлука да им биде одземен Работничкиот дом, појаснувајќи дека со тоа се направени обиди за притисок врз синдикатите.
„Денеска ние работниците се собравме пред работничкиот дом, домот кој сакаат да го конфискуваат од нас за да го уништат синдикалното движење. Работничкиот дом пред кој повеќе од 70 години ги започнуваме сите протести, сите штрајкови и денеска го започнуваме со големиот работнилки протест. Ние работниците дадовме црвен картон на судот заради тоа што направи обид да изврши притисок врз синдикатите да ги уништи, дозволи функционерска чизма на вратот на работниците за да молчат, да бидат понизни, тоа што го направија денеска го гледаме на дело. Ние синдикатите, ние работинците, ние граѓаните, пензионерите сме тука за да покажеме дека колку повеќе не напаѓаат, не прават посилни и коку повеќе пробуваат да ги уништат синдикатите ние се повеќе сме силни“, изјави Трендафиловски.
Пред зградата на Работничкиот дом, каде е сместено седиштето на ССМ во Скопје почна протестот на Сојузот на синдикати организиран по повод Меѓународниот ден на трудот.
Пораст на платите во приватниот и во јавниот сектор, минимална плата во износ од најмалку 450 евра во првите 100 дена од новата влада, исплата на трошоците за храна во висина од 20 проценти од просечната плата и исплата на трошоците за превоз, се дел од барањата што Сојузот на синдикати ќе ги испорача на протестот организиран по повод Меѓународниот ден на трудот.
Македонија
Европски фронт: Ветингот, услов за нова Влада
Арта Билали Зендели, претставник на Европскиот фронт на прес- конференција истакна дека ветингот ќе биде услов за новата Влада.
Според неа, без воспоставување на ефикасен механизам и објективен скенер на чистотата на личностите кои преземаат јавна одговорност, како што е проверката, не може да се постигне оптимален напредок во борбата против криминалот и корупцијата.
„Денеска ви ја претставуваме една од заложбите на политичката програма „Европа 2030“ на Европскиот фронт, спроведување на процесот на проверка за сите носители на политички функции и носители на големи одговорности во областа на судството и борбата против криминалот и корупцијата. Без воспоставување на ефикасен механизам и објективен скенер на чистотата на личностите кои преземаат јавна одговорност, како што е проверката, не може да се постигне оптимален напредок во борбата против криминалот и корупцијата. Владеењето на правото, правдата и доброто владеење гарантираат еднаква лојалност и одговорност за секој граѓанин пред законот. Борбата против корупцијата и организираниот криминал ќе продолжи да биде бескомпромисна, со нулта толеранција, но овојпат засилена со точноста на системот за проверка во законодавната, извршната, судската, обвинителството и секоја друга функција во централно и локално ниво, за именувани или избрани лица“, вели Арта Билали Зендели.
Како што вели, ветингот ќе овозможи поголема транспарентност на богатството на кандидатите кои сакаат да преземат јавна одговорност и како се постигнува тоа богатство.
„Ова објективно следење ќе биде поттик за сите и можност за чесни човечки капацитети да излезат на површина за да им служат на потребите на луѓето. Ветингот за корупција е неопходна категорија која еднаш засекогаш ќе ја затвори вратата за поединци кои го ставаат личниот интерес над општото. Европскиот фронт за првпат инсистира и на примена на проверка на руското влијание и антидржавните служби за да се елиминира ризикот од дестабилизација и дезориентација на земјата од евро-американската ориентација. Донесувањето на посебен закон за ветинг ќе биде најсилниот одговор против секоја тенденција за манипулација и злоупотреба на јавната положба“, завршува Арта Билали Зендели.
Македонија
СДСМ не ја прифаќа понудата на Максим Димитриевски
Граѓаните и гласачите на СДСМ веќе ја препознаваат измамата која им е сервирана од страна на ЗНАМ и непринципиелните коалиции. За разлика од субјектите како ЗНАМ, кои се човек-партија СДСМ е државничка партија со длабоки и силни корени, се вели во одговорот на социјалдемократите на вчерашната понуда на ЗНАМ.
Вчера Максим Димитриевски, претседателот на ЗНМ рече дека единствен услов за евентуална соработка со СДСМ е оставка на раководството на партијата во рок од 24 часа, а носителите и ко-носителите на кандидатските листи на нотар да изјават дека нема да прифатат пратенички мандати.