Македонија
Јанева: Сметаа дека како провинцијалка не знам право и ќе дозволам да влијаат на моите одлуки
Поранешната специјална обвинителка и осуденичка во „Рекет“, Катица Јанева кажа дека трпела притисоци од политичките елити додека била на функцијата во СЈО. Таа посочи дека имала многу влијанија.
„ Јас сум Катица Јанева, единствен специјален јавен обвинител, единствена во Македонија, која од чисто заљубување во правдата самата се пријавив и доследно до последниот ден додека не ме разрешија. Јас сум единствен обвинител кој е веднаш разрешен и отпуштен од работа. Трпев многу влијанија од политичките партии за разни одлуки. Сметаа дека јас како провинцијалка која не познава право, ќе дозволам да влијаат на моите одлуки, па по четири години, ја извртеа работата и го конструираа овој небулозен предмет ‘Рекет’ и со моите драги колешки, за да бидам осудена на казна затвор. Не се срамам да го кажам тоа, бидејќи како и многу други важни личности во историјата, ќе бидам запаметена како специјален јавен обвинител кој не потклекна на никакви притисоци и се одважи да каже дека на правосудството и на Обвинителството и на правобранителството им требаат интегритет, пари и заштита при извршување на нивните работи. И да бидат достојни за својата функција која ја извршуваат. Само така ќе добиеме квалитетна правда, квалитетен суд, квалитетно Обвинителство и правобранителство. Многу ми е жал кога гледам како Ви е избледено знамето зад кое стоиме денес, тоа не треба да се случи во една модерна и просперитетна европска држава. Тоа јас го барав со стапување на функцијата. Барав луѓето кои остануваат покасно на работа да бидат вреднувани за нивните заложби, преданост, нивниот интерес за работа и за нивната визија и смисла во животот“, кажа Јанева.
Таа упати и апел до врховните судии, на кои им порача: „Се надевам дека колегите од Врховен се писмени, бидејќи во ‘Рекет’ нема никаков доказ за никакво незаконско мое постапување“.
„ За жал мене ми се вратија сите неправди, и тоа прво од политичарите, кои едвај чекаа да ме разрешат од функцијата и да ги земат четирите милиони од буџетот на СЈО и да ги искористат за пропагандни цели односно за избори. Бидејќи сум замолчена три години, сакам денеска да чуете. Политичките елити се врзани со економските елити кои јас не сум ги познавала. Како најопечен (најголем) криминалец, иако јас во сите четири години не дозволив ниту еден мој осомничен да биде приведен пред судот во лисици, јас бев врзана со лисици донесена пред судот, на денот на смртта на мојата мајка и да ми биде определен притвор бидејќи ќе сум побегнала, затоа што сум имала многу пријатели во странство. Бев на викенд од мојата казна, па не побегнав. И трето, да ја чујам пресудата, второстепено потврдена, на телевизија, на 21 јули и без никаков налог да бидам киднапирана од дома и донесена во КПУ Идризово, ако не е тоа наршување на човековите права, тогаш не знам што е“, додаде Јанева.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Пендаровски: Резултатите се јасни, им честитам на победниците
Кандидатот за претседател, Стево Пендаровски на прес-конференција вечерва кажа дека резултатите се јасни и им честита на победниците.
„Резултатите се јасни и немам намера подетално да ги разлагам. Согласно резултатите досега им честитам на победниците, да им посакам успешна работа во следните четири, односно пет години. Мојот концепт за мултиетничка Македонија денеска не доби мнозинска поддршка од граѓаните. Јас сум уверен дека само таква Македонија може да биде просперитетна и демократска држава. Мојата совест е мирна, но не сум сигурен дека совеста им е мирна на оние кои тргнувајќи од тесно партиски и лични политички интереси, денеска ефективно спречија илјадници наши граѓани да го земат второто ливче и да гласаат и на претседателските избори“, рече Пендаровски.
Тој се заблагодари на сите учесници во изборниот процес и на медиумите за соработката изминатите пет години.
Македонија
ДУИ очекува над 20 пратеници: „Имаме повеќе од 30.000 гласови предност пред опозицијата“
Од 50 отсто изборјано гласачки ливчиња, имаме над 30.000 гласови разлика пред „Вреди“, изјави Шефот на Изборниот штаб на Европскиот фронт, Арбр Адеми.
„Речиси во сите општини сме во предност: Дебар 2:1, Струга повече од 2:1, Кичево 5:1, Врапчиште повеќе од 2:1. ВО предност сме и во Тетово, Гостивар, Куманово, Липково“, изјави Адеми.
Како што рече, се потврдува дека Европскиот фронт ќе стигне до над 20 пратеници.
Според резултатите објавени на страната на ДИК, од досега пребројаните гласови, Европскиот фронт на ДУИ освоил 90.151 или 16,59 отсто, додека Влен има 73.893 гласа или 13,60 проценти.
Македонија
(Видео) Левица: Имаше нерегуларности, бугарски воз, притисоци од сегашната власт и закани за отпуштање по изборите од опозицијата
Партијата Левица вечерва по затворањето на гласачите места обвини за низа нерегуларности за време на гласањето, но и покрај тоа очекува позитивен резултат од изборите. Портпаролот Амар Мециновиќ обвини за ситуации со бугарски воз, попречено гласање, притисоци од сегашната власт но и закани за отпуштања од работа по изборите од сегашната опозиција.
„Денеска видовме дека имаше многу недоследности и неправилности во текот на целиот ден. Лица што требаше да гласаат како болни и изнемоштени вчера не можеа да гласаат. Денеска имаше ситуации на бугарски возови, имаше ситуации во кои имаше изборен материјал до изборните места и имаше ситуации каде што гласањето беше попречено на моменти. Од друга страна во текот на денот забележавме и дека структури блиски до сегашната власт вршеа притисок на наши активисти и на наши истакнати членови, додека, од друга страна, и најголемата опозициска партија го вршеше овој притисок. Дури се одеше до таму да се заканува со отпуштања по изборите“, рече портпаролот Мециновиќ.
Тој потенцираше дека денес пратеници на ВМРО – ДПМНЕ еклатантно лажеле дека Левица повикува на бојкот.
„Левица веќе два дена повикуваше на одѕив. Медиумите блиски на ВМРО-ДПМНЕ констатираа дека Левица не излегла да гласа. Тоа е лага. Ние повикуваме на гласање. Ние сме најголем непријател на оваа власт која сега си заминува. Го поздравуваме одењето на власт и очекуваме позитивен резултат“, нагласи Мециновиќ.
Од нешто повеќе од половина обработени избирачи, според податоците на Државната изборна комисија, Левица добила 31.012 гласови или 6,44 отсто од досега пребројаните гласови.