Свет
Путин со закон забрани изедначување на СССР и нацистичка Германија
Рускиот претседател Владимир Путин потпиша нов закон со кој се забранува јавно изедначување на улогата на СССР и нацистичка Германија за време на Втората светска војна, пренесува руската агенција РИА.
Изедначувањето на „целите, одлуките и дејствијата“ на цивилната и воената команда на СССР, како и советските војници со нацистичка Германија беше прогласена за прекршок за кој граѓаните се соочуваат со парична казна од 1000 до 2000 рубли или затвор од 15 дена.
За функционерите се пропишани построги казни. Тие се соочуваат со казни од 2.000 до 4.000 рубли, додека казните за правните лица се движат од 10.000 до 50.000 рубли.
Забрането е да се негира ослободителната улога на СССР
Во случај на повторени прекршоци, максималната казна за граѓаните се зголемува до 5.000 рубли, а за службениците до 20.000 рубли. Државните службеници кои ќе го повторат овој прекршок можат да бидат казнети со суспензија од 6 месеци до една година. За правните лица е предвидена глоба во износ од 50.000 до 100.000 рубли или административно запирање на активностите до 90 дена.
Новиот закон забранува и негирање на „одлучувачката улога на советскиот народ во поразот на нацистичка Германија“, како и негирањето на „хуманитарната мисија на СССР во ослободувањето на европските земји“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Господине Трамп, најдете си живот – Бајден лут поради коментарите на експретседателот за ураганот на Флорида
Американскиот претседател, Џо Бајден, одржа брифинг за новинарите за ураганот Милтон.
Тој рече дека обновата на погодената област ќе чини неколку милијарди долари и ќе трае долго.
Американскиот претседател се осврна и на коментарите на експретседателот на САД, Доналд Трамп, кој рече дека погодените од ураганот ќе добијат само 750 долари помош, нарекувајќи ги „бизарни“.
Запрашан дали разговарал со Трамп, Бајден одговори: „Се шегуваш?“, а потоа му понуди совет на републиканскиот претседателски кандидат.
„Господине Трамп, најдете си живот за себе. Помогнете им на овие луѓе“, изјави Бајден од Вашингтон.
Свет
Расте бројот на мртви од ураганот на Флорида
Бројот на загинати во ураганот на Флорида, САД, се искачи на 11 лица, јавува „Ен-би-си њуз“.
Последната жртва е возач на автомобил врз којшто паднало дрво во округот Цитрус.
Претходно, два смртни случаи беа пријавени во округот Пинелас, три во округот Волузија и пет во округот Сент Луси, од кои четири беа предизвикани од торнада.
Регион
Вучиќ го пречека Ердоган на аеродромот: „Добредојдовте во Србија, драг пријателe“
Претседателот на Србија, Александар Вучиќ, вечерва на аеродромот Никола Тесла го пречека претседателот на Турција, Реџеп Таип Ердоган.
Според програмата на посетата, в петок во 11 часот ќе се одржи церемонија на пречек пред палатата „Србија“, по што ќе следи средба на двајцата претседатели, јавуваат српските медиуми.
Потоа ќе се одржи четвртата седница на Високиот совет за соработка меѓу Република Србија и Република Турција, предводена од двајцата претседатели.
„Добредојдевте во Србија драг пријателe. Вашата возвратна посета е уште една можност за дополнително зајакнување на нашите пријателски односи и соработка. Верувам дека за време на вашиот престој во Белград ќе работиме заедно на подобрување на економските, културните и политичките врски меѓу нашите земји“, му порача претседателот Вучиќ на турскиот колега по пристигнувањето во Белград.
View this post on Instagram
Вучиќ и Ердоган ќе присуствуваат и на бизнис форум.