Спорт
Пјерлуиџи Колина тврди дека има решение за „спас на фудбалот“
Шефот на судиите во ФИФА, Пјерлуиџи Колина, кој е дел од ИФАБ, телото кое ги одредува правилата на фудбалската игра, зборуваше за потенцијалната сериозна промена пред Светското првенство во Катар, за која смета дека ќе го спаси фудбалот. Се мисли на ефективниот дел од натпреварот, односно судиското продолжување кое на мундијалот во Катар би можело да достигне и до 10 минути, се со цел да се подобри самата игра.
„Денес е прифатливо дека е добро кога ефективното играње фудбал во текот на натпреварот е околу 60 минути. Ние во ФИФА ќе им кажеме на судиите за Светското првенство во Катар како да го надополнат загубеното време дури и по постигнатите голови. Ако во едно полувреме бидат постигнати три гола, просечното славење на тимот трае околу минута и пол, односно пет минути славење и пет минути во кои не се игра фудбал. Ако сакаме да бидеме попрецизни, ќе треба да се подготвиме за временска компензација од девет минути“, изјави Колина.
Италијанецот објасни и на каков начин се губи време во текот на едне фудбалски натпревар.
„Ако ја погледнете статистиката, ќе видите дека некои тимови играат ефективно 52 минути, други 43 минути, а трети 58 минути. Ако сето тоа се собере во текот на една сезона, разликите стануваат големи. Друга работа што треба да се земе в предвид е дека навивачите и на стадионот и во близина на ТВ екранот плаќаат свои пари за да гледаат фудбалски натпревар од 90 минути, но понекогаш гледаат едвај 45 минути игра. Половина од цената на билетот оди за време на неактивност. Го спасивме фудбалот пред 30 години, сега го планираме истото. Во минатото, се трошеше мнопгу повеќе од времето за да се изведе топката од гол-аут. Исто така беше донесена одлука и играчот да не смее намерно да ја шутне топката назад кон голманот, а тој да ја земе во раце, што го направи фудбалот многу поинтересен. И сега размислуваме да направиме нешто слично“, објасни Пјерлуиџи Колина.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Шортс не успеа да спречи пораз на Париз од Црвена звезда
Ти-Џеј Шортс и екипата на Париз со пораз дебитираа во Евролигата. Актуелниот освојувач на Еврокупот загуби на домашен терен од Црвена звезда со 77:80.
Париз ја имаше контролата врз натпреварот две и пол четвртини, во еден момент предноста на домашните изнесуваше 13 поени, но и тоа не им беше доволно да забележат победа.
Шортс натпреварот го заврши со 16 поени, три скока и четири асистенции. Покрај Американецот со македонски пасош, двоцифрени во редовите на Париз беа Хифи и Ло со по 12, односно Хејс со 10 поени.
Кај Црвена звезда блескаше Немања Недовиќ со 21 поен за нешто повече од 21 минута, Кенан постигна 14 поени, Калиниќ и Мекинтаер по девет, првиот имаше и пет скока и три асистенции, вториот шест скока и седум асистенции.
Kalinaaaaaa 🔥🔥🔥#kkcz #WeAreTheTeam
— KK Crvena zvezda Meridianbet (@kkcrvenazvezda) October 4, 2024
Во вториот натпревар кој започна во 21 часот, Анадолу Ефес во Болоња го победи Виртус со 76:67. Во натпревар полн со пресврти гостите ги предводеа Отуру со 14 поени и девет скока, Брајант со 12 поени и пет скока, односно Ларкин со 11 поени, шест скока и три асистенции.
Кај Виртус се истакна Кординие со 16 поени. Поранешниот играч на Ефес, Клајбурн за 18 минути не постигна ниту еден поен, во статистиката запиша пет скока и една асистенција.
Спорт
Голем удар за Фенербахче, Вилбекин тешко се повреди
Кошаркарот на Фенербахче, Скоти Вилбекин се повреди во првото коло од Евролигата. Фенер со победа над Олимпијакос 82:71 ја започна новата сезона во елитното натпреварување.
Крајот на овој натпревар го одбележа расправијата меѓу двајцата тренери Шарунас Јасикевичиус и Јоргос Барцокас, кои имаа што да си кажат и за време на натпреварот.
На овој натпревар, поточно во втората четвртина, се повреди американскиот кошаркар со турски пасош Скоти Вилбекин.
Како што се стравуваше, повредата на Скоти Вилбекин е посериозна и тој ќе ја пропушти целата сезона 2024/25, пренесува новинарот Донатас Урбонас.
Тој вели дека се Вилбекин ги оштетил предните вкрстени лигаменти на коленото.
Спорт
(Видео) Лукаку со гол и две асистенции го водеше Наполи до триумф над Комо
Наполи со победата против Комо со 3:1 во натпреварот од седмото коло во италијанската Серија А ја зголеми предноста пред Јувентус на првото место на првенствената табела. За тимот на Антонио Конте погодија Скот Мектоминеј, Ромелу Лукаку и Давид Нерес, а за гостите од Комо, Габриел Стрефеца.
Наполи одлично го започна натпреварот. Шкотскиот играч за врска Скот Мектоминеј постигна гол во првата минута на асистенција на Лукаку. Гостите израмнија во 43. минута со голот на Габриел Стрефеца.
Во второто полувреме, Лукаку реализираше пенал за 2:1 во 53. минута, а потоа му асистираше на Давид Нерес во 86. минута за конечни 3:1, со што Наполи ја постигна петтата победа во новата сезона во Серија А.
Мектоминеј и Нерес ги постигнаа дебитанските голови во дресот на Наполи.
Тимот под водство на Антонио Конте е на врвот на табелата со 16 бодови, пред Јувентус кој има 12 бодови и натпревар помалку. Комо е на десеттата позиција со осум бодови.