Европа
Шојгу: САД имаат намера да се борат до последниот Украинец
САД и западните земји кои ги контролираат прават сè за да ја продолжат специјалната операција на руските вооружени сили и да ја поттикнат борбата до последниот Украинец, изјави денеска рускиот министер за одбрана, Сергеј Шојгу.
Тој на колегиум на военото раководство рече дека зголемените испораки на странско оружје јасно ги покажуваат намерите на западните земји да го испровоцираат режимот во Киев да се бори до последниот Украинец, пренесува РИА Новости.
Шојгу оцени дека акциите на руските војници и квалитетот на употребеното оружје уште еднаш покажале дека воено-политичкото раководство на Русија правилно ги одредило приоритетите за зајакнување на вооружените сили.
„Руската армија систематски го спроведува планот за ослободување на самопрогласените Народни републики Донецк и Луганск“, изјави денеска рускиот министер за одбрана на одборот на Министерството за одбрана.
„За време на специјалната воена операција руската армија ги извршува задачите определени од врховниот командант. Планот за ослободување на Донечката и Луганската народна република се спроведува систематски и се преземаат мерки за враќање на нормалниот живот таму“, рече Шојгу, а пренесува ТАСС.
66-годишниот Шојгу беше прикажан на рускиот државен ТВ-канал „Росија 24“. Засега не е јасно дали состанокот бил пренесуван во живо или претходно снимен.
Доколку биде потврдено, ова ќе биде прво јавно појавување на Шојгу по подолг период и по информациите дека тој можеби да има здравствени проблеми.
Имаше неколку теории за тоа што му се случило. Пред неколку дена руско-израелскиот бизнисмен и противник на рускиот претседател, Леонид Невзлин на „Фејсбук“ објави дека рускиот министер за одбрана Сергеј Шојгу одеднаш доживеал тежок срцев удар.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц ја откажа изборната кампања и ги посети поплавените региони во Германија
Германскиот канцелар Олаф Шолц денеска ги посети поплавените региони во западната германска сојузна покраина Сарланд, каде обилните дождови предизвикаа поплави и лизгање на земјиштето, а неколку згради беа евакуирани.
Шолц ја откажа својата изборна кампања во Сар, на границата со Франција, и наместо тоа, го обиколи делумно поплавениот пат во селото Клајнблитерсдорф заедно со регионалниот гувернер Анке Релингер.
Тој ја потврди солидарноста на сојузната влада со Сарланд.
„За жал, не е првпат да треба да се справиме со голема природна катастрофа, па ќе разгледаме што треба да се направи овде и што е неопходно“, им рече Шолц на новинарите.
Службите за итни случаи одговорија на илјадници повици за помош во главниот град на покраината, Сарбрикен.
Европа
Напаѓачот на Фицо доби мерка притвор за да не побегне и да не го повтори делото
Специјалниот кривичен суд во словачкиот град Пезинок, со силно полициско обезбедување денеска му одреди притвор на 71-годишниот Словак Јурај Цинтула, кој на 15 мај годинава во градот Хандлова со пет истрели го застрела премиерот Роберт Фицо и тешко го рани во стомакот.
Притворот за осомничениот е побаран поради опасност да не избега или да го повтори делото.
Осомничениот за нападот врз словенечкиот премиер Јурај Цинтула денеска призна вина.
Адвокатите предупредија дека признавањето на вината е спорно, бидејќи Цинтула веднаш по атентатот и апсењето бил сослушан во шок, без присуство на адвокат.
Европа
Премиерот Фицо уште е во животна опасност, напаѓачот призна вина
Осомничениот за нападот врз словенечкиот премиер Јурај Цинтула денеска пред Специјализираниот кривичен суд во градот Пежинок призна вина. Состојбата на премиерот Фицо и понатаму е сериозна.
Обвинителството вчера побара притвор за 71-годишниот Цинтула поради евентуално бегство или повторување на кривичното дело. Напаѓачот беше спроведен под силно полициско обезбедување, а ниту на новинарите им беше дозволен влез во Судот.
Премиерот на Словачка, Роберт Фицо на 15 мај беше застрелан во градот Хандалова додека се поздравуваше со насобраниот народ. Цинтула веднаш по нападот е приведен.
Тој се соочува со обвинение за обид за убиство од одмазда, за што е предвидена казна од 25 години до доживотен затвор.
Словачките политичари изјавија дека нападот врз Фицо не е политички мотивиран.