Свет
Бајден: Нема докази дека Мариупол e целосно освоен, руски санкции за Цукерберг и Камала Харис
Ја следиме руската инвазија на Украина.
Клучни настани:
Путин го откажа нападот на фабриката за челик „Азовстал“
Руските сили ги окупираа Рубижне и Кремина во областа Луганск
ЕУ подготвува шести пакет санкции против Русија
САД и сојузниците испратија предупредување: Русија планира голем кибернапад
На Украина ѝ се испорачани делови за воените авиони, но никој не испраќа МиГ-29 кои Зеленски ги бара
Кадиров: До ручек ќе имаме целосна контрола над „Азовстал“
Русија објави четири услови за прекин на огнот во Украина
Русија лансираше интерконтинентална балистичка ракета, објавија руските прорежимски медиуми
Пентагон соопшти дека Русија „правилно го информирала за лансирањето“
Од минута во минута:
22:20 Бајден: Нема докази дека Мариупол e целосно освоен
Русија денеска објави дека го ослободила Мариупол, иако стотици украински борци и натаму се во фабриката за челик „Азовстал“.
Американскиот претседател Џо Бајден, пак, вели дека е сомнително дали Путин навистина целосно го контролира градот во јужна Украина.
Во оваа линија е и изјавата на еден од командантите и заменик-врховен командант на Азов, Свјатослав Паламар, кој за „Вашингтон пост“ се јавил директно од Мариупол.
Тој вели дека украинските маринци и Азов биле опколени во фабриката за челик „Азовстал“, која е последното упориште на бранителите на Мариупол, но дека тие продолжуваат да пружаат отпор и да се бранат.
22:15 Во два дена пронајдени мртви двајца руски олигарси и нивните сопруги и ќерки
Двајца руски олигарси се пронајдени мртви во два дена, заедно со нивните сопруги и ќерки.
За нив не биле воведени санкции од западните земји.
21:30 Познат британски архитект сака да го обнови Харков
Британскиот архитект Норман Фостер, познат по обновата на германскиот Рајхстаг и по Милениускиот мост во Лондон, понуди да помогне во обновата на Харков, град што беше делумно уништен во руската инвазија.
Фондацијата на 86-годишниот архитект објави дека Фостер во понеделникот преку видеоконференција разговарал со Игор Терехов, градоначалникот на вториот по големина украински град, кој се наоѓа на истокот на земјата.
20:30 Објавени нови сателитски снимки: „Русите прават масовни гробици во Мариупол“
Компанијата „Максар“ објави нови сателитски снимки на кои наведува дека е прикажана голема масовна гробница во близина на опколениот украински град Мариупол.
Американската компанија соопшти дека повеќе од 200 нови гробови се појавиле на местото во последните недели, а руските трупи продолжуваат да го бомбардираат регионот. Во горниот дел на сликите се гледаат ископувањата за кои станува збор.
20:00 Украина: Русите се обидоа да ја нападнат фабриката „Азовстал“
Украинските вооружени сили тврдат дека руски војници денеска се обиделе да упаднат во фабриката за челик „Азовстал“ во Мариупол.
Претходно денеска, претседателот Владимир Путин рече дека наредил руската војска да ги откаже плановите за упад во комплексот „Азовстал“, во кој се сместени преостанатите украински војници во Мариупол.
Наместо да нападне, Путин наредил челичарницата да се блокира на тој начин што „ни мува не може да излезе“.
Не е јасно дали наводниот обид за пробив се случил пред или по наредбата на Путин.
19:50 Естонија е првата земја што официјално ја нарече руската инвазија геноцид
Естонија е една од првите земји во ЕУ што ја означи руската инвазија на Украина како геноцид, пишува Euro News.
Естонскиот парламент гласаше за означување на рускиот напад како „геноцид врз украинскиот народ“ и ги повика другите влади и меѓународните организации да го сторат истото.
Маријана Беца, естонската амбасадорка во Украина, го опиша потегот на нејзината земја на како навистина историска одлука.
„Русија мора да сноси целосна одговорност за своите ужасни злосторства“, напиша Беца на „Твитер“.
19:40 Премиерите на Данска и Шпанија ветија повеќе оружје за Украина
Премиерите на Шпанија и на Данска, Педро Санчез и Мете Фредериксен денеска ветија дека ќе испратат повеќе оружје во Украина при посетата на Киев, каде во знак на поддршка се сретнаа со претседателот на Украина, Володимир Зеленски.
Шпанија испрати нова пратка од 200 тони муниција и воени залихи во Украина, што го зголеми повеќе од двојно износот на воената помош што земјата го испрати досега, изјави шпанскиот премиер Педро Санчез за новинарите во Киев, а пренесе „Ројтерс“.
Данската премиерка Мете Фредериксен рече дека нејзината земја ќе го зголеми својот придонес во оружје за Украина за 600 милиони дански круни (87,60 милиони долари).
19:00 Русија забрани влез во земјата за Марк Цукерберг и Камала Харис
Москва денеска го прошири списокот на лица на кои им е забранет влез во Русија. Тоа е одговор на санкциите воведени од Западот, кои им забрануваат на многу руски функционери и олигарси да влезат во западните земји.
Последната мерка на Русија вклучува забрана за американската потпретседателка Камала Харис и основачот на „Фејсбук“, Марк Цукерберг. На портпаролот на Пентагон, Џон Кирби, исто така му е забранет влез во Русија.
18:45 Украина ја продолжи воената состојба за уште 30 дена
Украинскиот парламент, Врховната рада, денеска ја продолжи воената состојба во земјата, која истекува на 25 април, за уште 30 дена, изјави пратеникот Алексеј Гончаренко.
„Парламентот ја продолжи воената состојба во Украина за уште 30 дена, од 25 април“, објави Гончаренко на „Телеграм“, а пренесува ТАСС.
Воената состојба во Украина беше воведена на 24 .февруари, а парламентот ја продолжи за уште 30 дена на 15 март.
Велика Британија воведе нови санкции за руски воени челници и компании поврзани со воени активности.
Британските власти истакнаа дека санкциите се насочени против руските генерали што вршеле злосторства на првите линии на фронтот, како и поединци и компании што ја поддржуваат армијата на Владимир Путин.
17:50 (Видео) Бајден: Во Украина ќе испратиме оружје во вредност од 800 милиони долари
Соединетите Американски Држави ќе испратат уште оружје во Украина во вредност од 800 милиони долари, изјави американскиот претседател, Џо Бајден.
Бајден рече дека безбедносниот пакет за Украина вклучува тешка артилерија, десетици хаубици и 144.000 парчиња муниција за тие хаубици, пренесе Си-ен-би-си.
17:00 Русија го обвини ОБСЕ: Шпионираат за Киев и ги прикриваат украинските злосторства
Организацијата за безбедност и соработка на Европа (ОБСЕ) соработува со украинската влада и се обидува да ги прикрие злосторствата на украинските екстремистички сили, изјави рускиот заменик-претставник во ОН на состанокот на Советот за безбедност.
Дмитриј Полјански ги критикува западните сили велејќи дека се лицемерни во врска со безбедносната криза во Украина.
13.40 Русија: Операцијата во Украина ќе биде завршена кога ќе се отстрани заканата од НАТО
Специјалната воена операција на Русија во Украина ќе заврши кога ќе бидат отстранети заканите дека НАТО ќе ја освои таа земја, изјави денеска за агенцијата ТАСС високиот руски дипломат Алексеј Полчук.
13.20 Русија ги затвора конзулатите на Летонија, Литванија и Естонија
Русија нареди затворање на конзулатите на Летонија, Литванија и Естонија и побара од нивните вработени да ја напуштат земјата како реципрочна мерка, соопшти денеска Министерството за надворешни работи.
13.50 Подољак: Во наредната недела многу работи ќе станат појасни
Советникот на Зеленски, Михаил Подољак, рече дека војната во Украина може да заврши со директни преговори меѓу украинскиот и рускиот претседател.
12.45 Градоначалникот на Харков: Градот е под силно руско бомбардирање
Вториот по големина украински град Харков, на североистокот на земјата, денеска е под интензивно руско гранатирање, изјави градоначалникот Игор Терехов, пренесува „Ројтерс“.
⚡️Людмила Денісова: Російська загарбницька армія продовжує масовані удари по мирних містах та цивільній інфраструктурі.
20 квітня обстрілювали Донецьку, Луганську, Дніпропетровську, Харківську області і місто Харків.
Про наслідки ➡️https://t.co/P3DSvCSAty pic.twitter.com/h4dYqomBYZ— Верховна Рада України (@verkhovna_rada) April 21, 2022
12.40 Зеленски: Русија мора да биде прогласена за држава која го спонзорира тероризмот
Украинскиот претседател Володимир Зеленски истакна дека Руската Федерација мора да биде прогласена за држава која го спонзорира тероризмот, а нејзините вооружени сили за терористичка организација.
9:54 Путин го откажа нападот на индустриската зона во Мариупол
Рускиот претседател Владимир Путин нападот на индустриската зона во Мариупол го нарече несоодветен и нареди да се откаже.
9:20 ЕУ подготвува шести пакет санкции против Русија, Зеленски: Ќе биде многу болно
Украинскиот претседател Володимир Зеленски изјави дека Европската Унија планира шести пакет санкции против Русија.
„Работиме на тоа да го направиме ова навистина болно за руската воена машина и за руската држава како целина“, рече Зеленски, додавајќи дека имал „многу темелни разговори“ со претседателот на Европскиот совет, Шарл Мишел, за одбранбените и финансиските прашања, како и санкции.
9:12 (Видео) Чеченците и руската војска го окупираа Рубижне, градот е претворен во урнатини
Чеченските борци предводени од Рамзан Кадиров, заедно со другите руски и проруски сили, го зазедоа градот Рубижне и блиската Кремина во украинскиот регион Луганск, според снимките што кружат на социјалните мрежи.
9:05 САД и сојузниците испратија предупредување: Русија планира голем кибернапад
Пет сојузници, вклучително и САД, предупредија дека новите разузнавачки информации покажуваат дека Русија е подготвена да изврши силни кибернапади врз ривалите кои ја поддржуваат Украина.
9:00 На Украина ѝ се испорачани делови за воените авиони, но никој не испраќа МиГ-29 кои Зеленски ги бара
Украинското воено воздухопловство приспособило уште 20-тина борбени авиони благодарение на приливот на резервни делови, изјави висок припадник на американската одбрана.
Иако офицерот не сакаше да прецизира која земја ги испорачала деловите за авионите, тој рече дека САД и другите земји работат на набавка на деловите потребни за украинската авијација.
8:45 Кадиров: До ручек ќе имаме целосна контрола над „Азовстал“
Лидерот на руската република Чеченија, Рамзан Кадиров, изјави дека руските сили денеска ќе имаат целосна контрола над фабриката за челик „Азовстал“ во Мариупол.
8:30 Русија објави четири услови за прекин на огнот во Украина
Висок функционер на руското Министерство за надворешни работи објави четири услови за завршување на војната.
„Руската специјална воена операција ќе заврши кога НАТО ќе престане да ја користи украинската територија за да ѝ се заканува на Русија“, изјави Алексеј Полшчук.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Путин и Макрон разговараа по телефон по три години
Рускиот претседател, Владимир Путин разговараше со францускиот претседател Емануел Макрон за војната во Украина, соопшти денес Кремљ. Се работи за прв телефонски разговор меѓу двајцата лидери од 2022 година.
Во соопштението се наведува дека Путин, коментирајќи ја ситуацијата во Украина, оценил дека сегашниот конфликт е директна последица на политиките на западните земји кои со години ги игнорираа безбедносните интереси на Русија, а сега водат политика на продолжување на непријателствата.
Рускиот претседател ги потврди основните пристапи кон можните мировни договори за Украина, се додава во соопштението, тврдејќи дека договорот треба да биде сеопфатен и долгорочен, да обезбеди отстранување на коренските причини за украинската криза и да се базира на нови територијални реалности.
Двајцата лидери разговараа и за ситуацијата на Блискиот Исток во контекст на конфликтот меѓу Иран и Израел и нападите на САД врз нуклеарните постројки на Иран. Тие ја нагласија посебната одговорност на Русија и Франција како постојани членки на Советот за безбедност на ООН во зачувувањето на мирот и безбедноста и одржувањето на глобалниот режим за неширење на нуклеарно оружје.
„Во овој контекст, важноста од почитување на легитимното право на Техеран да развива мирна нуклеарна енергија и да продолжи да ги исполнува своите обврски според Договорот за неширење на нуклеарно оружје, вклучително и соработката со Меѓународната агенција за атомска енергија (МААЕ)“, се додава во соопштението.
Путин и Макрон се залагаа за решавање на прашањето за иранската нуклеарна програма и другите регионални прашања исклучиво преку политички и дипломатски средства, а беше нагласено дека претседателите се согласиле да продолжат со контактите. „Разговорот меѓу Владимир Путин и Емануел Макрон беше значаен“, се заклучува во соопштението.
Ова е првиот телефонски разговор меѓу двајцата претседатели по повеќе од две години, а последниот познат контакт се одржа во септември 2022 година.
Свет
Тесно изгласан „големиот, прекрасен закон“ на Трамп за даноците и трошењето
Сенатот на САД го изгласа законот за даноци и владини трошоци на претседателот на САД, Доналд Трамп, по повеќе од 24 часа преговори.
Гласањето заврши со нерешен резултат 50-50, при што потпретседателот Џ.Д. Венс во просторијата го даде одлучувачкиот глас. Републиканците Том Тилис, Ранд Пол и Сузан Колинс гласаа против законот, заедно со сите демократи.
Таканаречениот Голем прекрасен закон, кој ги спроведува многу од клучните политички цели на Трамп, а воедно го зголемува националниот долг за 3,3 трилиони долари, сега се враќа во Претставничкиот дом за конечно одобрување.
Трамп претходно навести дека можеби ќе биде флексибилен во врска со рокот од 4 јули.
Поради законот, избувна пресметка меѓу недамнешните сојузници, претседателот Доналд Трамп и милијардерот кој ја водеше канцеларијата за ефикасност на владата, Елон Маск. Денес, таа конфронтација повторно се разгоре.
Американскиот претседател Доналд Трамп го нарече усвојувањето на неговиот закон за даноци и владини трошоци во Сенатот „музика за неговите уши“.
За време на дискусијата на тркалезна маса во новоотворениот, многу контроверзен центар за притвор на мигранти во Флорида, кој е наречен „Алигатор Алкатраз“ поради неговите услови и локација, еден новинар го информираше Трамп дека Сенатот штотуку го усвоил законот.
„Ви благодарам, вау. Ви благодарам, чекав, слушајќи ги овие прекрасни зборови што се музика за моите уши, но ме интересираше и како стоиме. Тоа покажува колку ве ценам затоа што сум тука со вас, а веројатно треба да бидам таму“, одговори Трамп.
Трамп, исто така, го пофали својот потпретседател Џ.Д. Венс, кој го даде одлучувачкиот глас во Сенатот.
„Тој добро си ја врши работата“, рече Трамп.
Кога беше прашан што им кажува на републиканските членови на Претставничкиот дом кои не беа задоволни од промените во законодавството усвоени од Сенатот, Трамп рече:
„Тоа ви кажува дека има по нешто за секого… Тоа е одличен закон. Има по нешто за секого и мислам дека ќе помине многу непречено во Претставничкиот дом. Всушност, мислам дека ќе биде полесно таму отколку во Сенатот.“
Свет
Трамп го навреди фаворитот за градоначалник на Њујорк: „Тој е лудак“
Претседателот на САД, Доналд Трамп, денес остро го критикуваше кандидатот за градоначалник на Њујорк, Зохран Мамдани, нарекувајќи го „целосен лудак“, објави Анадолија.
„Искрено, слушнав дека е тотален лудак“, им рече Трамп на новинарите.
„Мислам дека луѓето од Њујорк се луди што гласаат така. Мислам дека се луди. За прв пат ќе имаме комунист, вистински, чист комунист. Тој сака продавници, стоковни куќи. А што е со луѓето што работат таму? Мислам дека е лудо.“
Мамдани го победи поранешниот гувернер на Њујорк, Ендру Куомо, на демократските прелиминарни избори минатата недела, позиционирајќи се себеси како првиот муслимански градоначалник на Њујорк.
Кандидатот на демократите е познат како отворен поддржувач на Палестина и критичар на Израел. Тој е ко-основач на огранокот Студенти за правда во Палестина на колеџот Боудоин, а во 2023 година учествуваше во штрајк со глад пред Белата куќа барајќи прекин на огнот во Појасот Газа.
Трамп го повтори своето тврдење дека Мамдани бил комунист. „Мислам дека е ужасен. Тој е комунист. Последното нешто што ни треба е комунист. Реков дека никогаш нема да има социјализам во Соединетите Држави“, рече тој.
„Мислам дека е лоша вест и мислам дека ќе се забавувам многу со него, гледајќи го, бидејќи мора да дојде тука за своите пари. Не грижете се, нема да се извлече.“
Сиљановска-Давкова се сретна со шпанскиот премиер Педро Санчез
Претседателката Гордана Сиљановска-Давкова, во рамки на учеството на 4. Меѓународна конференција за финансирање на развојот во Севиља оствари средба со...
(Фото) Запленети околу 100 килограми марихуана во Струмица, уапсени три лица
Полициски службеници од Секторот за внатрешни работи Струмица во координација со Агенцијата за национална безбедност, а во согласност со своите...
Филипче: Не е време за калкулации, ниту за ситнопартиски интереси, СДСМ останува силен промотор на европската идеја
Претседателот на СДСМ, Венко Филипче, по средбата со еврокомесарката за проширување Марта Кос, изјави дека поддршката од Европската Унија за...
Уписот во средно в година ќе биде подигитален од годинешниот: родителите нема да трчаат да ги скенираат свидетелствата, тие дигитално ќе се преземаат
Годинешното дигитално пријавување во средните училишта значеше само повеќе мака и ангажман на родителите во споредба со претходните уписи. Иако...
(Видео) Мицкоски: Не прифаќаме наметнувања под маска на европскиот процес
Не прифаќаме наметнувања под маска на европскиот процес, изјави премиерот Христијан Мицкоски, на заедничката прес – конференција со еврокомесарката за...
Го удрил со тупаница докторот што му давал лекарска помош, а потоа тепал и полицајци: предложен притвор за 28-годишник
Основното јавно обвинителство Битола поведе постапка против едно лице за кое постои основано сомнение дека сторило дело – Напад врз...
Арсовска со отворено писмо до Михалис Рокас: Во секоја држава има мафија, само во Македонија мафијата си има своја држава
Градоначалничката на Град Скопје, Данела Арсовска упати отворено писмо до Михалис Рокас, Амбасадор на Европската Унија во Македонија. „Почитуван господин...
Трамп остро му одговори на Маск: Без субвенции, би се вратил дома, во Јужна Африка
Американскиот претседател Доналд Трамп повторно јавно го нападна Илон Маск, тврдејќи дека без владини субвенции, шефот на „Тесла“, „Спејс Екс“...
Маск жестоко го нападна законот на Трамп: „Ќе изгубат, дури и ако ми е последно“
По објавувањето на неговото повлекување од политичкиот свет, милијардерот и основач на Тесла, Илон Маск, речиси веднаш се врати во...
Трамп потпиша укинување на санкциите против Сирија
Американскиот претседател Доналд Трамп вчера потпиша извршна наредба со која се укинуваат санкциите на САД врз Сирија, со што се...
Палестинците во Газа протестираа со фотографии од убиени израелски деца
Група Палестинци во Појасот Газа покажаа слики од израелски деца убиени од Хамас на 7 октомври 2023 година, за време...
Мицкоски-Кос: нагласена определбата на Владата за интеграција во ЕУ, достоинствено и преку спроведување на суштински реформи
Премиерот Христијан Мицкоски, денес во Скопје оствари средба со еврокомесарката за проширување и добрососедска политика, Марта Кос, која престојува во...
Достапни се лековите за третман на онколошки заболувања, сите пациенти ја добиваат потребната терапија, вели директорот
Од Клиниката за радиотерапија и онкологија информираат дека сите пациенти ја добиваат потребната терапија и дека се достапни лековите за...
Нема повредени лица во запалениот глисер во Охридското Езеро
Денеска во 10,30 часот, во полициската станица за граничен надзор „Охридско езеро“, пријавено е дека на пловен објект глисер кој...
(Видео) Филипче: Македонија заложник на туѓи агенди – ЕУ алармира на влијание од Србија, Унгарија, Русија и Кина
СДСМ од првиот ден предупредуваше дека Владата на ВМРО ДПМНЕ ја става државата во заложништво на други држави – наместо...
Директор и вработени во Општината и во Министерството пустошеле во Националниот парк Маврово, заработиле над 3 милиони денари
Полицијата поднесе кривична пријава за вработен во Општина Маврово Ростуше, директор во ЈУ Национален парк Маврово, раководител на одделение за одржливо...
Пожар на глисер во Охрид
Утрово се запали глисер во Студенчишкиот Канал во Охрид. Според првичните информации, пламенот се појавил кога сопственикот го стартувал моторот,...
Муртезани: 150 институции и над 800 експерти ќе учествуваат во подготовката на преговарачките позиции со ЕУ
Пред една година започнавме со јасна цел: да ѝ дадеме нов импулс на европската агенда на земјава. Денес, по 12...
Опасен пожар во близина на границата со Грција: се слуша пукање од муниција, постои опасност од неоткопани гранати
Пожар се шири во близина на границата со Грција. Од Центарот за управување со кризи велат дека пожарот се развива на...
Латас го спомена таткото на Костадин Костадинов, па доби закана: „Цела фамилија те чекаме, со наш суд“
Навреди и закани помеѓу Драган Павловиќ-Латас и струмичкиот градоначалник од СДСМ, Костдин Костадинов, откога новинарот во јавно излагање на поткаст...
