Европа
(Од минута во минута) Зеленски се закани дека ќе ги прекине преговорите, Русите ја променија тактиката
Специјалната операција на руската армија во Украина денеска влезе во својот 59. ден
Клучни настани
Зеленски се закани дека ќе ги прекине преговорите
Гранатирана зграда во Одеса – шестмина загинати, меѓу кои и едно бебе
Украинските сили тврдат дека Русија ја променила тактиката, почнала нов напад
Слетување на британските специјални сили во западна Украина
Молдавија го покани рускиот амбасадор на разговор
Премиерот на Украина: Мариупол е катастрофа на векот
Гутереш во посета на Украина
Од минута во минута:
20:53 (Видео) Зеленски се закани дека ќе ги прекине преговорите со Русија
Украинскиот претседател Володимир Зеленски одржа прес-конференција во Киев во подземната метро станица.
Тој изјави дека Киев ќе ги прекине разговорите со Москва доколку Русија го уништи украинскиот народ во Мариупол и одржи „псевдореферендуми“ за создавање „псевдорепублики“ во областите окупирани од Русија, објави „Ројтерс“.
Од внатрешноста на опколената челичарница Азовстал во Мариупол се појави видео, на кое се гледаат жени и деца кои велат дека немаат сила и дека мора итно да се евакуираат на територијата што ја контролира Украина.
Inside the Azovstal steel plant in #Mariupol, where more than 1,000 civilians (children, women, elderly) were hiding in the basement for almost two months.
Children are playing and keeping each other company but they are saying they want to go home, go outside in the sun ? pic.twitter.com/W108b6nNZY
— Asami Terajima (@AsamiTerajima) April 23, 2022
20:09 Полициски час во Украина поради можни руски напади за Велигден
Полицискиот час ќе биде во сила од вечерва во 19 часот до 5 часот наутро во недела во областите Доњецк, Луганск, Харков, Запорожје, Миколаев и Керсон, каде што се водат интензивни борби, најави Кирило Тимошенко, заменик началникот на кабинетот на украинскиот претседател.
19:25 Турција го затвори воздушниот простор за руските авиони кои летаат за Сирија
Тримесечната дозвола за користење на турскиот воздушен простор истече во април, рече Чавушоглу.
19:00 (Видео) Гранатирана зграда во Одеса – шестмина загинати, меѓу кои и едно бебе
Русија извршила ракетен напад врз јужниот пристанишен град Одеса, изјави шефот на кабинетот на украинскиот претседател Володимир Зеленски.
Меѓу загинатите има и тримесечно бебе, објави на Телеграм, Андриј Јермак. Повредени се 18 лица, додаде тој.
#Ukraine ??: for the first time since the start of the invasion Russian shelling hit a residential area of #Odesa, killing three civilians. pic.twitter.com/BQkmPy17ck
— Thomas van Linge (@ThomasVLinge) April 23, 2022
17:13 Рускиот патријарх сака да има мир, но не ја осудува војната во Украина
Поглаварот на Руската православна црква, чија поддршка за „специјалната воена операција“ на Москва во Украина вознемири многу христијани, рече дека се надева оти конфликтот наскоро ќе заврши, но овој пат не го осуди ниту критикуваше.
17:00 Украинските сили тврдат дека Русија ја променила тактиката, почнала нов напад
Руските војници го обновиле нападот врз металуршката фабрика Азовстал во Мариупол, изјави советникот на украинскиот претседател Володимир Зеленски.
14.50 Руски генерал тврди: Украински дрон пукал со отровни материи
Руското Министерство за одбрана извести дека позициите на руските војници во Украина биле нападнати со дрон во кој имало контејнер со отровни материи, изјави денеска шефот на руските сили за радијациона, хемиска и биолошка заштита, Игор Кирилов.
14.40 Русија објави планови за ракети кои би можеле да изведат нуклеарен напад врз САД
Русија планира најдоцна до есен да ја распореди првата воена единица вооружена со нуклеарни балистички ракети „Сармат“, изјави денеска генералниот директор на руската вселенска агенција Роскосмос, Дмитриј Рогозин.
13.55 Руските сили се обидуваат да се пробијат до железарницата Азовстал
Руските сили продолжија со воздушните напади и се обидуваат да се пробијат до железарницата Азовстал, во која се сместени преостанатите украински ловци во Мариупол, изјави денеска советникот на украинскиот претседател Олексеј Арестович.
13.50 Захарова откри зошто ескалирал конфликтот меѓу Русија и Западот
Сегашните недоразбирања меѓу Русија и САД и Европа настанаа како резултат на тоа што долго време едноставно беа игнорирани безбедносните интереси на нашата земја.
13.00 Русија: САД лажно ќе ја обвинат Русија за употреба на оружје за масовно уништување
„САД подготвуваат провокации и имаат намера да ја обвинат руската страна за употреба на оружје за масовно уништување во Украина“, тврди шефот на рускиот тим за заштита од радијација, хемиско и биолошко оружје, Игор Кирилов.
12.00 Пентагон тврди: Украинците во моментов имаат повеќе тенкови од руската армија
Според британски Телеграф, два месеци по почетокот на инвазијата, експертите тврдат дека предноста на Русија во основа се стопила, поради испораката на советските тенкови Т-72 донирани на Киев од Чешка и благодарение на оклопните пратки од другите членки на НАТО.
11.00 Канада испраќа тешка артилерија во Украина
Канада денеска објави дека обезбедила тешка артилерија на украинските вооружени сили, откако премиерот Џастин Трудо на почетокот на неделава вети дека ќе испрати таква помош на барање на украинскиот претседател Володимир Зеленски.
09.45 Молдавија го покани рускиот амбасадор на разговор
Министерството за надворешни работи на Молдавија го повика московскиот амбасадор да изрази „длабока загриженост“ поради коментарите на високиот воен командант, кој укажа на угнетувањето на населението во земјата што зборува руски.
09.40 Премиерот на Украина: Мариупол е катастрофа на векот
Украинскиот премиер Денис Шмихал ја нарече ситуацијата во Мариупол „најголемата хуманитарна катастрофа“ од почетокот на руската специјална операција во Украина.
09.30 Гутереш во посета на Украина
Генералниот секретар на ОН Антонио Гутереш следната недела ќе го посети Киев, соопшти прес-службата на Светската организација
Најмалку две групи од околу 20 експерти за диверзантска и партизанска борба од Специјалната воздушна служба на британските воздухопловни сили слетаа над регионот Лавов во Украина, изјави неименуван претставник на руската армија
Поранешниот руски претседател Дмитриј Медведев и актуелниот заменик-претседател на Советот за безбедност на Руската Федерација на апликацијата Телеграм порачаа дека Европа, доколку воведе ембарго за увоз на руски гас, нема да издржи ниту седум дена без тој извор на енергија
08.10 Градоначалникот на Мариупол: Застрашувачки е бројот на убиени во опколениот град
Градоначалникот на Мариупол, Вадим Бојченко, зборуваше за извештаите за злосторствата што се случуваат во опколениот град.
08.00 Зеленски: Ќе се браниме се додека е потребно за да ја разбиеме оваа амбиција на Русија
Украинскиот претседател Володимир Зеленски ги коментираше изјавите на рускиот командант, кој рече дека Москва сака да ја преземе контролата врз јужна Украина бидејќи тоа ќе овозможи пристап до сепаратистичкиот регион Придњестровје во Молдавија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Медведев: Мојата тажна шега изгледа се претвора во застрашувачка реалност
Поранешниот руски претседател и актуелен заменик-шеф на рускиот совет за безбедност Дмитриј Медведев испрати предупредување до САД во објава на Телеграм. Тој ги критикуваше наводите што се појавија во Русија, според кои се подготвува трансфер на нуклеарно оружје од САД во Украина. „Немаме планови да ја опремиме Украина со нуклеарно оружје“, изјави Белата куќа за Њузвик како одговор на овие извештаи и коментарите на Медведев.
„Американските политичари и новинари сериозно разговараат за последиците од префрлањето на нуклеарното оружје во Киев. Се чини дека мојата тажна шега за лудиот, сенилен Бајден, кој реши достоинствено да го напушти овој свет, земајќи со себе значаен дел од човештвото. се претвора во застрашувачка реалност“, напиша Медведев.
„Да се даде нуклеарно оружје на земја во војна со најголемата нуклеарна сила? Идејата е толку апсурдна што предизвикува сомнеж за параноична психоза кај Џо и кај секој кој би советувал таков потег“, додаде тој.
Тој продолжи: „Сепак, морам да ја коментирам оваа глупост:
Самата закана за пренос на нуклеарно оружје на режимот во Киев може да се смета за подготовка за нуклеарен конфликт со Русија. Преносот на ваквото оружје може да се поистоветува со акт на напад врз нашата земја според член 19. Основата на државната политика во областа на нуклеарното одвраќање. Последиците ќе бидат очигледни“, напиша тој.
Според членот 19 од Основата на државната политика на Руската Федерација за нуклеарно одвраќање, на која се повика Медведев, од 2020 година „условите што ја специфицираат можноста за употреба на нуклеарно оружје од страна на Руската Федерација вклучуваат добивање на веродостојни информации за можното лансирање балистички ракети на територијата на Руската Федерација и/или нејзините сојузници“.
Рускиот претседател Владимир Путин неодамна потпиша ажурирана нуклеарна доктрина, која нагласува дека Русија ќе направи „се што е потребно за да ја намали нуклеарната закана“ и се обидува да спречи ескалација на тензиите меѓу државите што може да доведе до „воени конфликти, вклучително и нуклеарно“.
Доктрината, исто така, наведува „неизбежна одмазда во случај на агресија против Руската Федерација и/или нејзините сојузници“.
Европа
Украинците: Целосно го исчистивме Купјанск од руски војници
Украинците тврдат дека ги истуркале Русите од Купјанск во областа Харков и дека сега ја контролираат ситуацијата на периферијата на градот.
„Тие се обидуваат да се инфилтрираат преку мали напаѓачки групи, а потоа се натрупуваат. Тоа го прават без ангажман на голем број оклопни возила. Успеавме да ја стабилизираме ситуацијата на тој фронт, а непријателот беше одбиен“, рече Назар Волошин, портпарол на Оперативната стратешка група на силите.
„Непријателската опрема и обидите за преминување на другата страна веднаш се спречени со акција на артилерија и беспилотни летала. Се е под контрола на нашата одбрана. Дури и ако некои групи преминат со 8 или 10 лица, двајца или тројца од нив стигнуваат до брегот“, додаде Волошин, пренесува „Украинска правда“.
Олех Синехубов, шеф на воената администрација на Харковската област, исто така изјави дека руските сили со брод го минуваат десниот брег на реката Оскил во областа Купјанск, но нагласи дека украинските бранители ги уништуваат овие групи.
„Да, имаше такви случаи. Диверзантско-извидувачките групи постојано ги тестираат одбранбените позиции на нашата армија и користат различни тактики. Тие го минуваат Оскил со чамци. Тие всушност шетаат низ мински полиња. А нашите војници ги откриваат сите овие случаи и се обидуваат да го уништат непријателот што е можно повеќе на приодите на Ќупјанск и други области“, рече тој.
Проукраинскиот телеграмски канал DeepState објави и дека украинските војници ја завршиле операцијата за расчистување на Купјанск. Купјанск беше заземен од руските сили на почетокот на инвазијата во февруари 2022 година, но беше повторно преземен од украинските сили подоцна истата година.
Европа
Британски министер: Нашите војници нема да одат во Украина
Британскиот министер за надворешни работи Дејвид Лами изјави дека Обединетото Кралство нема да испрати војници во Украина откако вестите сугерираа дека Британија и Франција ја разгледуваат оваа опција.
Тензиите меѓу Русија и Западот значително ескалираа во последните денови откога американскиот претседател Џо Бајден ја овласти Украина да користи ракети со долг дострел доставени од САД за напад на цели во Русија.
„Монд“ вчера објави дека Франција и Велика Британија не ја исклучуваат можноста за испраќање војници и приватни одбранбени компании во Украина повикувајќи се на неименувани извори.
Дебатата за испраќање војници во Украина беше повторно поведена по посетата на британскиот премиер Кир Стармер на Франција на 11 ноември, пишуваат француските весници.
Но, на прашањето за извештајот во интервју британскиот министер за надворешни работи рече дека ставот на ОК да не испраќа војници во Украина не е променет.
„Јасно е дека сме подготвени и дека продолжуваме да ги поддржуваме Украинците, особено со тренинзи, но постои долгогодишен став дека не испраќаме британски војници на местото на настанот“, изјави Лами за весниците „Ла Република“, „Ле Монд“ и „Ди Велт“ на состанокот на министрите за надворешни работи на Г7 во Италија.
Трендафилов: Со мизерни плати работниците имаат пари само за билет во еден правец, и тоа надвор од Македонија
Главна причина поради која има недостиг на работна сила во земјата се ниските плати и злоупотребите што ги прават газдите...
Дурмиши сака минималната плата да биде 600 евра, но ќе преговара за 450 на почетокот на декември
Во буџетот има пари за зголемување на минималната плата и во декември, како што бара Синдикатот, покрај законското зголемување од...
Tаравари колабирал и бил пренесен во болница
Министерот за здравство Арбен Таравари објави дека колабирал и завршил во болница откога вчера се споделуваше информација дека доживеал срцев...
Една година од убиството на Вања
Денес, се навршува една година од убиството на 14-годишната Вања Ѓорчевска од Скопје. Во тек е судскиот процес, кој треба...
„Влен“ јавно ги прашува ДУИ и Ахмети: Зошто сета оваа носталгија за Груевски?
„На Блерим Ќосето Беџети сите дела му излегуваат на мејдан! Срамот почна да го обзема, а сега се обидува да...
Заев е единствениот политичар од Западен Балкан што Меркел го споменала во мемоарите, пишува германски новинар
Поранешниот македонски премиер Зоран Заев е единствениот жив политичар од Балканот кого поранешната германска канцеларка Ангела Меркел експлицитно го споменува...
Медведев: Мојата тажна шега изгледа се претвора во застрашувачка реалност
Поранешниот руски претседател и актуелен заменик-шеф на рускиот совет за безбедност Дмитриј Медведев испрати предупредување до САД во објава на...
Телата на девојките што починаа од сомнително труење во Лаос пристигнаа во Австралија
Семејствата на двете австралиски тинејџерки кои починаа од сомнително труење со метанол во Лаос, ја коментираа веста дека осум лица...
Еден ден по несреќата во Црвеното Море, пронајдени пет преживеани
Египетските спасувачи пронајдоа четири тела и пет преживеани вчера, за време на потрагата во Црвеното Море, еден ден откако потона...
Макрон гледа шанса за стабилност во Либан во договорот за прекин на огнот
Францускиот претседател Емануел Макрон го опиша договорот за прекин на огнот меѓу Израел и либанската милиција Хезболах како можност за...
Првите часови од примирјето меѓу Израел и Хезболах: жестоко бомбардирање до последен момент
Прекинот на огнот меѓу Израел и либанската милиција Хезболах стапи на сила во раните утрински часови во средата, но му...
(Видео) Филипче до Сиљановска: Огромен ризик е спојувањето на безбедносните агенции
Претседателот на Социјалдемократскиот сојуз на Македонија, Венко Филипче, денеска оствари средба со претседателката на Република Северна Македонија, Гордана Сиљановска Давкова....
Во аптека ќе се оди само со електронски рецепт, хартиените рецепти ќе бидат целосно исфрлени од употреба во јуни следната година
Место со непотребна документација, од јуни следната година матичните лекари ќе имаат повеќе време да се посветат на пациентите оти...
Сиљановска-Давкова им посака успешна работа на новите членови на Комисијата за помилување
Денеска во Кабинетот на претседателката Гордана Сиљановска-Давкова се одржа конститутивна седница на новиот состав на Комисијата за помилување, откако Давкова донесе...
Петар е тежок 2 килограма и 350 грама: 61-годишната мајка, која се породи на ГАК, имала замрзната јајце-клетка
Во светот на медицината повеќе не постојат граници и македонската медицина може да се мери со онаа во светот, изјави...
Раде Штекли бара лично обезбедување, ќе им плаќа 3.000 евра: не е пресудна етничката припадност ниту, пак, полот
Раде Трајковски-Штекли на својот инстаграм-профил објави оглас за вработување лично обезбедување. Бара четворица обезбедувачи, кои мора да имаат воено или...
Арсовска нема повторно да се кандидира за градоначалник на Скопје
Не размислувам за повторна кандидатура, истакна градоначалничката Данела Арсовска одговорајќи на новинарско прашање по промоцијата на донацијата на шесте еколошки...
Европската Унија му донира на ЈСП шест еколошки автобуси
Јавното сообраќајно претпријатие (ЈСП) доби шест нови еколошки автобуси на компримиран природен гас како донација од Европската Унија (ЕУ). Амбасадорот...
61-годишна жена го роди своето прво бебе на Клиниката за гинекологија
61-годишна жена го роди своето прво дете на Клиниката за гинекологија. Жената се породила пред неколку дена и важи за...
Спречен шверц на цигари, облека и хардверски делови, како и нелегален влез на илегални мигранти од Иран и Сиера Леоне
Во текот на изминатата недела мобилни тимови и царински службеници на граничните премини спречија обиди за криумчарење на поголема количина...
