Европа
Русија има моќно оружје – Пентагон е во паника
И покрај обидите да ја прикрие својата реакција со видна смиреност, Пентагон е крајно вознемирен од успешното тестирање на најновата руска ракета „Сармат“.
Овој заклучок го донесе воениот аналитичар Виктор Баранец. Тој зборуваше за скриената реакција на САД на лансирањето на најновата интерконтинентална ракета, а објасни и зошто Сармат предизвика вистинска паника во Пентагон.
Виктор Баранец го привлече вниманието на фактот дека САД реагираа на многу чуден начин на новите тестови на руската ракета „Сармат“. Вашингтон никогаш не го остави воено-индустрискиот напредок на Русија без остри коментари, но сега се обиде да игнорира таков настан.
Воениот експерт е сигурен дека ваквата прикриена реакција на САД на лансирањето на руската ракета „Сармат“ укажува дека Пентагон е во вистинска паника.
Американските воени експерти се добро информирани за можностите на новиот комплекс, па сфаќаат дека тој претставува голема опасност за Вашингтон во позадината на новата геополитичка реалност.
Според аналитичарите, ракетата „Сармат“ ги загрижува Американците бидејќи може да биде опремена со борбениот модул „Авангард“, кој е неранлив за противничките системи за противвоздушна одбрана, а има и неограничен дострел.
Тоа е уникатен развој, против кој САД едноставно немаат што да се спротивстават.
„За оваа ракета нема точка на земјината топка што не би можела да ја погоди, имајќи предвид дека во главата има уникатен лизгачки модул Авангард, за кој нема проблеми со растојанието. Нема концепт за дострел за оваа ракета“, објасни Баранец.
Специјалистот истакна дека Вашингтон почнал да сфаќа дека стратешкото оружје на Русија претставува сериозна закана за САД. Американците, пак, не се во можност да развијат системи и комплекси кои ќе им овозможат да се бранат од руските сармати.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц ја откажа изборната кампања и ги посети поплавените региони во Германија
Германскиот канцелар Олаф Шолц денеска ги посети поплавените региони во западната германска сојузна покраина Сарланд, каде обилните дождови предизвикаа поплави и лизгање на земјиштето, а неколку згради беа евакуирани.
Шолц ја откажа својата изборна кампања во Сар, на границата со Франција, и наместо тоа, го обиколи делумно поплавениот пат во селото Клајнблитерсдорф заедно со регионалниот гувернер Анке Релингер.
Тој ја потврди солидарноста на сојузната влада со Сарланд.
„За жал, не е првпат да треба да се справиме со голема природна катастрофа, па ќе разгледаме што треба да се направи овде и што е неопходно“, им рече Шолц на новинарите.
Службите за итни случаи одговорија на илјадници повици за помош во главниот град на покраината, Сарбрикен.
Европа
Напаѓачот на Фицо доби мерка притвор за да не побегне и да не го повтори делото
Специјалниот кривичен суд во словачкиот град Пезинок, со силно полициско обезбедување денеска му одреди притвор на 71-годишниот Словак Јурај Цинтула, кој на 15 мај годинава во градот Хандлова со пет истрели го застрела премиерот Роберт Фицо и тешко го рани во стомакот.
Притворот за осомничениот е побаран поради опасност да не избега или да го повтори делото.
Осомничениот за нападот врз словенечкиот премиер Јурај Цинтула денеска призна вина.
Адвокатите предупредија дека признавањето на вината е спорно, бидејќи Цинтула веднаш по атентатот и апсењето бил сослушан во шок, без присуство на адвокат.
Европа
Премиерот Фицо уште е во животна опасност, напаѓачот призна вина
Осомничениот за нападот врз словенечкиот премиер Јурај Цинтула денеска пред Специјализираниот кривичен суд во градот Пежинок призна вина. Состојбата на премиерот Фицо и понатаму е сериозна.
Обвинителството вчера побара притвор за 71-годишниот Цинтула поради евентуално бегство или повторување на кривичното дело. Напаѓачот беше спроведен под силно полициско обезбедување, а ниту на новинарите им беше дозволен влез во Судот.
Премиерот на Словачка, Роберт Фицо на 15 мај беше застрелан во градот Хандалова додека се поздравуваше со насобраниот народ. Цинтула веднаш по нападот е приведен.
Тој се соочува со обвинение за обид за убиство од одмазда, за што е предвидена казна од 25 години до доживотен затвор.
Словачките политичари изјавија дека нападот врз Фицо не е политички мотивиран.