Свет
(Видео) Украинците тврдат дека го собориле главното оружје на Путин, кое сееше страв и трепет од воздухот
Руската армија има широк арсенал на оружје што го користи за воени цели во Украина, а хеликоптерот „Ка-52 алигатор“ е главното оружје на Путин.
Русија има богата воена техника. Ударните игли се самоодната хаубица 2S35 Coalition-SV, МИГ-31 која носи хиперсонична балистичка ракета воздух-земја, системот Красуха за електронско војување, неодамна потонатиот воен брод Москва, а предводник на руската армија, пред се на воздухопловните сили, е разузнавачкиот и јуришен хеликоптер алигатор Ка-52.
Според украинските медиуми, Командата на воздухопловните сили на Украина соопштила дека пред неколку дена собориле руски хеликоптер Ка-52.
A Russian Ka-52 helicopter was reportedly shot down in Zaporizhzhia Oblast by Ukrainian National Guard troops with a MANPADS. https://t.co/hErVK61yjC pic.twitter.com/MpNxxvzMI8
— Rob Lee (@RALee85) April 21, 2022
Современиот повеќенаменски борбен хеликоптер „Ка-52 алигатор“ е ефикасен во секое време од годината, во најтешки временски услови, и дење и ноќе, на големи надморски височини. Пилотите гледаат ноќе преку термички апарати. Тоа им овозможува на пример да го видат угаснатиот непријателски мотор во тенкот, кој е оддалечен 10 километри“, соопшти руското Министерство за одбрана за време на церемонијата на претставување на „Алигаторот“ по повод Денот на победата 2015 година.
Low-flying Russian Ka-52 helicopter flying in Rostov towards Ukraine. https://t.co/B3XukqRYdF pic.twitter.com/iiU6Kn6UIu
— Rob Lee (@RALee85) April 25, 2022
„Алигаторот“ тежи 7.700 килограми. Дизајниран е во проектантското биро „Камов“, го произведува фабриката „Прогрес“ од Арсењев на истокот на Русија, пишува „Мондо“.
A Russian Ka-52 helicopter was reportedly shot down in Zaporizhzhia Oblast by Ukrainian National Guard troops with a MANPADS. https://t.co/hErVK61yjC pic.twitter.com/MpNxxvzMI8
— Rob Lee (@RALee85) April 21, 2022
Ако е вистина дека украинската војска го собори „алигаторот“, тоа би значело дека им задала нов голем удар на Русите, откако, како што се верува, „Москва“ потонала по ударот на украинскиот проектил.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Кејт Мидлтон миленичка на британската јавност: по популарноста го надмина и принцот Вилијам
Последната анкета на јавното мислење во Велика Британија, објавена денеска, покажа дека принцезата од Велс, Кејт Мидлтон го надмина принцот Вилијам по популарност.
Во истражувањето спроведено од агенцијата за истражување на јавното мислење „Savante for the Independent“, Кејт (42), која моментално се лекува од неодреден облик на рак, ја поддржуваат 62 отсто од испитаниците, додека принцот од Велс (41) е фаворизиран од 61 отсто од британските испитаници.
Принцот Ендру (64), по дружењето со осудениот педофил Џефри Епштајн, е избран за најмалку омилен член на кралското семејство – го поддржуваат само 14 отсто од испитаниците.
Принцот Хари и Меган Маркл, исто така се соочуваат со недостаток на популарност. Хари (39) го поддржуваат само 29 отсто од испитаниците, додека неговата сопруга Меган (42) е уште помалку популарна со само 25 отсто поддршка од испитаниците, пренесува Танјуг.
Свет
ОН: Израелскиот копнен напад врз Рафах може да доведе до масакр
Израелскиот копнеен напад врз Рафах ќе ги доведе во опасност животите на стотици илјади жители на Газа и ќе им нанесе огромен удар на хуманитарните напори низ палестинската енклава, соопшти Канцеларијата на ОН за координација на хуманитарни прашања (OCHA).
Израел се заканува дека ќе изврши копнен напад врз Хамас во Рафах, каде што се засолниле речиси милион луѓе.
„Тоа би можело да биде масакр на цивили и неверојатен удар за хуманитарните операции во целиот појас, бидејќи тие се управуваат претежно од Рафах“, рече портпаролот на OCHA, Јенс Лаерке на брифингот во Женева.
Хуманитарните активности од Рафах вклучуваат медицински клиники и пунктови за дистрибуција на храна и центри за неухранети деца, рече тој.
Претставник на Светската здравствена организација (СЗО) на истиот брифинг изјави дека е подготвен план за копнен напад, кој вклучува нова полска болница, но предупреди дека тоа нема да биде доволно за да се спречат големиот број на жртви.
„Тоа апсолутно нема да спречи значителни дополнителни смртни случаи“, рече Рик Пиперкорн, претставник на СЗО за палестинските територии.
Тој додаде дека е „многу загрижен“ што нападот ќе го затвори граничниот премин Рафах меѓу Појасот Газа и Египет, кој се користи за увоз на лекови и медицинска опрема.
Свет
(Видео) Камион без возач прегази најмалку 29 ученици на фестивал во Киргистан
Камион без возач прегази 29 ученици на фестивал во Киргистан.
Камионот што го користел продавач на сладолед ненадејно тргнал по удолницата и прегазил голем број ученици, од кои многумина биле свртени со грб.
Многумина успеале да побегнат, но 29 лица биле прегазени.
Осумнаесет деца на возраст од девет до 16 години се хоспитализирани, додека кај седум има опасност по живот.
Инцидентот го снимила камерата на дронот која го снимила моментот кога децата го држат големото знаме на Киргистан.
На видеото се гледа како камионот ненадејно се движи по удолницата и минува низ групи деца.
Полицијата покренала истрага, а според една од пријавите, возачот заборавил да ја повлече рачната сопирачка.