Македонија
Османи-Лирман: ЕУ треба да ја демонстрира улогата на геостратешки играч и да го потврди проширувањето
Министерот за надворешни работи Бујар Османисе сретна со државната министерка на Германија надлежна за Европа, Ана Лирман.
Соговорниците се согласија дека ефектуирањето на одлуката за почетокот на пристапни преговори со Северна Македонија и Албанија од март 2020 година е исклучително неопходно во дадениот момент, доколку Европската унија сака да го задржи својот кредибилитет, пред се во регионот. Соочена со безбедносни ризици во своето непосредно соседство, предизвикани со руската агресија врз Украина, ЕУ треба да ја демонстрира својата зацртана улога на геостратешки играч и да го потврди проширувањето како корисна алатка на нејзината надворешна и безбедносна политика.
„ Северна Македонија одамна ги исполни сите услови за старт на преговорите и дополнително, постигна стопроцентно усогласување со надворешната и безбедносната политика на ЕУ, придружувајќи се кон сите санкции во поглед на руската инвазија на Украина, и време е и Европската унија да покаже подеднакво ниво на посветеност кон државите од Западниот Балкан кои веќе се однесуваат како ЕУ членки“, истакна министерот Османи.
Двајцата министри подвлекоа дека деблокирањето на нашиот пат кон ЕУ, без одлагање, е од првостепена важност, за што Германија ќе продолжи, како и досега, активно да се залага.
„ Германија е наш клучен партнер во остварувањето на европската агенда, која конзистетно не поддржува и ни помага на патот кон ЕУ преку дипломатски напори, но и преку поврзувањата кои ги нуди Берлинскиот процес и 30-годишната билатерална развојна соработка“, подвлече министерот Османи.
Во рамки на работната посета, министерот Османи оствари одвоени средби и со советниците на канцеларот Шолц, за надворешна политика, Јенс Плотнер и за ЕУ прашања, Ундине Руге, на кои стана збор за итноста од деблокирање на евроинтегративниот процес на нашата држава. Министерот Османи се заблагодари за позиционирањето на прашањето за проширувањето на ЕУ со државите од Западен Балкан високо на агендата на германската Влада. Соговорниците од германска страна ја реафирмираа позицијата на Германија во поглед на нашето ЕУ досие и се заложија проактивно да помагаат во остварувањето на првенствениот надворешно-политички приоритет за Северна Македонија, кој истовремено претставува и геостратешка инвестиција на ЕУ во име на безбеден, стабилен и просперитетен регион во срцето на Европа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
АХВ: Водата во Струмица не е безбедна за употреба поради зголемено присуство на манган и колиформни бактерии
Инспектор за храна на Агенцијата за храна и ветеринарство (АХВ) донесе решение со кое ја забрани за употреба водата од струмичкиот водоснабдителен систем.
Како што денеска соопштија од АХВ, решението е донесено врз основа на добиено известување од струмичкото јавно претпријатие „Комуналец“ и од Центарот за јавно здравје – Струмица, дека по извршените лабораториски тестирања утврдено е дека водата во струмичкиот водоснабдителен систем не е безбедна за употреба поради утврдено зголемено присуство на манган и колиформни бактерии.
„На јавното претпријатие, наложено му е да го информира месното население да не ја користи за пиење водата од градскиот водовод, односно, да обезбеди питка вода за граѓаните, се до обезбедување на безбедна вода во градскиот водоснабдителен систем“, соопштија од АХВ.
Што се колиформни бактерии?
Колиформните бактерии често се сметаат за показател дека може да има нешто посериозно што го загадува системот за вода за пиење, конкретно бактеријата Eшерихија коли. Колиформните бактерии се безбојни, без мирис и вкус и единствениот начин да се детектираат во водата за пиење е преку поднесување примерок за лабораториско испитување.
Бактериска контаминација може да произлезе од повеќе извори. Овие извори вклучуваат површинско истекување кое содржи животински отпад од кучиња или други локации каде што е натрупан животински отпад. Човечкиот отпад, исто така, може да биде извор на бактериска контаминација, најчесто од неисправен систем за отпадна вода на лице место, како што се станбени септички јами. Дополнителни извори на контаминација вклучуваат инсекти, глодари или други животни.
Македонија
Ѓорѓиевски и Тошковски на света литургија по повод еден век од осветувањето на црквата „Света Петка”
Градоначалникот Орце Ѓорѓиевски заедно со министерот за внатрешни работи Панче Тошковски присуствуваше на светата литургија по повод еден век од осветувањето на црквата Света Петка во Црниче, со која чиноначалствуваше Архиепископот Oхридски и Mакедонски г.г. Стефан и македонското свештенство. Црквата неодамна беше реновирана. Партерно е уредена, а освежена и е и фасадата.
-Еден век од осветувањето на црквата Света Петка во Црниче – нека е за многу години! Ми беше огромна чест да бидам дел од овој голем ден за сите православни верници, а уште поголема е честа да бидам дел од оваа приказна. Бог благослови да стогодишнината од постоењето ја дочекаме реконструиран храм Света Петка, партерно уреден и со освежена фасада.
Секогаш, колку што се моите можности ќе помагам и ќе се залагам за нашите македонски храмови, бидејќи токму во нив е мирот и сплотеноста на нашиот народ. Во преполниот храм, заедно со министерот за внатрешни работи Панче Тошковски присуствувавме на светата литургија со која чиноначалствуваше Архиепископот Oхридски и Mакедонски г.г. Стефан и македонското свештенство.Овој храм, кој се наоѓа во подножјето на планинита Водно,во населбата Црниче во Скопје, во 1904 е поставен камен темелник за изградба, посветен на преподобна Параскева-Петка. За 20 години бил изграден прекрасен Божји дом. Постои камен плоча на која може да се прочита дека храмот бил довршен и осветен на 3 септември 1923 година. Живописот и иконописот му биле доверени на последниот и најдобар зограф на тоа време Димитар Андонов Папрадишки. Во 1924 година, комплетно го завршил зографирањето и иконографијата на храмот. Црквата е молитвен дом на многу православни христијани кои преку верата во Бога и молитвите на Света Петка добиваат исцеление на многу душевни и телесни болести. Денес, 100 години подоцна, сведочиме на еден прекрасен јубилеј. Нека е за многу години и нека таму, во Божјите храмови се шири љубов и сплотува нашиот народ-изјави градоначалникот Орце Ѓорѓиевски.
Македонија
Љутков: Изградбата на Универзална е стопирана оти не се знае во чие владение е салата
Министерството за култура во минатата влада незаконски ја презело Универзална сала од Град Скопје затоа што по закон тоа не може да гради објект што е локална установа, рече на денешната прес-конференција, министерот за култура и туризам Зоран Љутков.
Тој најави дека против сите инволвирани ќе бидат поднесени кривични пријави „за сите криминали“ што се направени.
Тоа ќе се случи откако работните групи што се формирани ќе ги завршат своите анализи и ќе дадат извештај за целата постапка.
Љутков кажа дека изградбата засега е стопирана оти не се знае во чие владение е салата, но дека Скопје ќе има Универзална сала за 2028 кога ќе биде Европски град на културата.
„Ние ќе го запреме ваквото дивеење и незаконско работење, ќе ја вратиме постапката и најтранспарентен и на најлегален начин Скопје ќе биде Европската престолнина на културата со нова Универзална сала и ќе се гордее со неа затоа што ќе биде изработена законски“ изјави Љутков.