Спорт
На следниот меч на Мејведер ќе има само 20 гледачи, билет чини над 150.000 долари!
![](https://makfax.com.mk/wp-content/uploads/2022/04/ezgif-1-c17c3de39d.jpg)
Флојд Мејведер Јуниор, едно од најголемите боксерски имиња во историјата на спортот, уште еднаш го потврди својот прекар „Money“ (Пари) најавувајќи го својот следен меч на 14 мај против Дон Мур, уште еден непоразен фајтер.
Мечот ќе се оддржи на хелипа на врвот на Бурж Ал Араб хотелот во Дубаи, и на него ќе можат да присуствуват само 20 најверни гледачи, кои ќе можат да ги купат своите билети само како НФТ токен (non-fungible token), дигитална вредност која не може да се реплицира. Според „Сан“, половина од 20-те билети веќе се продале за 65 етереум (ethereum), дигитална валута, во против-вредност од околу 150.000 долари.
Мејведер се пензионираше од боксот со совршен 50-0 скор, но продолжи да прави „луди“ пари со два егзибициски меча – го декласираше јапонскиот кик-боксер Теншин Насукава во Токио, заработувајќи 9 милиони долари за три минути во рингот, пред во јуни да влезе во рингот со Јутјуберот Логан Пол во Мајами, за што доби апсолутно неверојатни 65 милиони долари.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
(Видео) Романија ја прегази Ураина – Спектакуларен гол на Станчу
![](https://makfax.com.mk/wp-content/uploads/2024/06/12305793.jpg)
Романија ја декласира Украина со 3:0 (1:0) во првиот натпревар одигра во Е групата на Европското првенство. Вториот натпревар од оваа група во 18 часот ќе го одиграат Белгија и Словачка.
Украинците подобро влегоа во натпреварот, го држеа поседот, притискаа, но таквата определба не им донесе ништо.
Романците пак играа директен фудбал, откако дбро ги затворија приодите кон својот гол, секоја можност ја користеа брзо да ја пренесат топката пред голот на противникот.
Во 29.минута, грешката на Луин кога лошо исфрли една топка, ја казни Станчу со спектакуларен гол. Капитенот на Романија од 21 метар го погоди спротивниот агол.
Станчу имаше можност и 10 минути подоцна, тогаш се обиде директно од корнер, Луни беше совладан но топката ја погоди гредата.
Украинците целосен дебакл доживеаја на стартото од второто поливреме, кога Ромамците во интервал од четири минути постигнаа два гола.
Во 53.минута Разван Марин одлично се постави на 20 метри од голот, моќен удар. Ништо не можеше да направи Лунин.
Четири минути подоцна, Ман ја измеша одбраната на Украина, нафрли по земја, а Драгуш од пет метри ја смести во голот.
До крајот Романците го чуваа својот гол, Украинците се обидуваа но само еднаш се заканија. Судаков се обиде со удар од 30 метри, но Ница со малку проблеми го скроти неговиот удар.
До карјот на мечот Ромамците два патии може да го совладаат својот голман, а во 90.минута Јаремчук го погоди горниот дел од гредата.
Во второто коло Романија ќе игра против Белгија, а Украина против Словачка.
Спорт
Струга, Шкендија и Тиквеш ги дознаа имињата на потенцијалните ривали во евро-куповите
![](https://makfax.com.mk/wp-content/uploads/2024/06/436240548_1065974915093100_7254917867778344654_n.jpg)
Македонските клубови Струга ТЛ, Шкендија и Тиквеш ги дознаа имињата потенцијалните пртивници во европскте купови. Струга ќе играа во квалификациите во Лигата на шампионите, а Шкендија и Тиквеш во квалификациите во Конференциската лига.
Струга и Тиквеш нема да бидат носители на ждрепката за разлика од Шкенидја која има повластена улога.
Квалификации за Лигата на шампионите, Група 1:
Носители: Слован Братислава, Линколн Ред Импс, Њу Сеинтс, Балкани, Борац Бања Лука
Неносители: Хамрун Спартанс, Струга, Дечиќ, Егнатиа, Санта Колома
Квалификации за Конференциската лига:
Група 1
Носители: Шкендија, Будуќност, Интер Ескалдес, Тирана, Ла Фиорита
Неносители: Вележ, Торпедо Кутаиси, Малишева, Ноах, Ислоч
Група 2
Носители: Бреидаблик, Ф91 Дуделанж, Тре Пене, Сент Јозеф, Крусеидерс
Неносители: Флориана, Шелбурн, Атлетик Клуб Ескалдес, Тиквеш, Каернарфон Таун
Ждрепката е во вторник, за ЛШ во 14.00, а за Конференциската лига во 16.00 часот.
Спорт
Роналдо донел одлука кога ќе се пензионира
![](https://makfax.com.mk/wp-content/uploads/2024/06/cristiano-ronaldo-al-nassr-2023-1692731063-114594.jpg)
Кристијано Роналдо влезе во 40. година од животот, но еден од најдобрите фудбалери на сите времиња се уште не размислува да се пензионира. Тој планира да игра уште неколку години.
„Кристијано Роналдо сака да продолжи да игра на врвно ниво и целта му е да игра на Светското првенство во 2026 година“, открива извор близок до португалската фудбалска легенда за „Релево“.
Значи Роналдо ќе игра уште најмалку две години. За време на Светското првенство во Америка тој ќе има 41 година и вистинското прашање е колку ќе може да понуди на таа возраст.