Спорт
„Атомско“ прво полуфинале на ЛШ! Манчестер сити-Реал 4:3!
Манчестер сити и Реал Марид одиграа натпревар за сеќавање во првиот меч од полуфиналето на Лигата на шампиони, по кое тимот на Пеп Гвардиола ќе патува само со гол предност на „Бернабеу“ по трилер 4:3 победата.
Почетокот не ветуваше многу за гостите од Шпанија – Кевин де Брујне го постигна најбрзиот гол во едно полуфинале во ЛШ по само 97 секунди игра по фантастичната асистенција на Ријад Марез, за веќе во 11. минута да му асистира на Габриел Жесус, кој ја искористи лошата реакција на Давид Алаба за 2:0!
Меѓутоа, како што оваа сезона веќе дознаа Пари Сен-Жермен и Челси, никогаш не треба да се отпише Реал кога Карим Бензема е во составот и тој во 33. минута постигна фантастичен гол со глава за намалување на резултатот на 2:1.
Гол-шоуто и отворениот фудбал продолжија и во второто полувреме. Фил Фоден во 53. минута зголеми на 3:1, за само две минути подоцна, Винисус Жуниор со одличен продор да ја намали предноста на 3:2. Бернардо Силва во 74. минута постигна апсолутно фантастичен гол за враќање на предноста од два гола, за во 82. минута од мечот, Бензема повторно да стрела, овојпат од белата точка за 4:3. Ова беше 14. гол на Бензема во Лигата на шампиони оваа сезона, откако претходно немаше дадено повеќе од 7 гола во една сезона.
Совршена најава за реваншот во Мадрид за една недела. Утре во второто полуфинале имаме нов шпанско-англиски дуел помеѓу Ливерпул и Вилјареал.
Графика: Sofascore за Топспорт.мк
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Димитријевиќ од следната сезона ќе игра во Евролигата
Три клуба од Евролигата покажале сериозен интерес за најдобриот македонски кошаркар, Ненад Димитирјевиќ.
Димитријевиќ неодамна ја доби наградата за МВП во регуларниот дел од сезоната, во ВТБ лигата. Сезоната ја заврши со просек од 19 поени, 6,6 асистенции, 3,6 скока и 1,3 украдени топки по натпревар.
Пред две недели турнските медуми објавија дека Фенербахче е сериозно заинтересиран за Димитријевиќ. Во неделата, се појави информацијата на „Република Болоња“ дека за Македонецот се интересираат најдобрите италијански тимови, Олимпија Милано и Виртус Болоња.
Извесно е дека Димитријевиќ следната сезона ќе го гледаме во Евролигата.
Спорт
Хаос во Берлин, повредени 155 полицајци
Најмалку 155 полицајци се повредени во нереди на навивачите на натпреварот меѓу Динамо Берлин и Енерџи Котбус во германската четврта лига, соопшти берлинската полиција.
Полицијата соопшти дека при вдишување на солзавецот испукан од полицијата за да се спречат немирите се повредени 43 градски и 73 федерални полицајци, телесно се повредени 28 федерални полицајци, а 11 од нив се здобиле со рани од пиротехнички средства.
Tog en promenad till Hohenschönhausen för att se BFC Dynamo – Energie Cottbus med ett gäng norrmän. Stökigt både under och efter match. pic.twitter.com/NwSCp3xSeZ
— Ryström | hahohe (@rystromj) May 4, 2024
„Билд“ наведува дека се уапсени 74 навивачи, а против 62 е поднесена кривична пријава, меѓу другото, за „нарушување на мирот, физички напади врз органите на прогонот и давање отпор при апсење“.
Натпреварот беше прекинат во 20. минута поради тепачка на трибините, при што навивачите на Динамо запалија шалови и знамиња со симболите на ривалскиот тим.
Во соопштението се додава дека навивачите пукале со пиротехнички средства кон полициските сили и редарите кои стоеле во близина на теренот, по што припадници на безбедносните сили влегле на трибините и се обиделе да ги приведат навивачите.
04.05.2024🇩🇪BFC Dynamo away against Energie Cottbus https://t.co/Fjy3xrlEmQ pic.twitter.com/8Cbjf0lsh1
— Hooligans.cz Official (@hooliganscz1999) May 4, 2024
Енерџи Котбус победи со 2:0, а судирите меѓу навивачите продолжија и по натпреварот, пишува „Билд“. Котбус остана лидер во поредокот на две кола пред крајот, со два бода повеќе од Грајсвалд, со големи шанси за враќање во третата лига.
Спорт
(Видео) Баер 48 натпревари не знае за пораз
Фудбалерите на Баер Леверкузен одамна ја обезбедија првата титула во Бундес лигата и се на два чекори првенството да го завршат без пораз.
Избраниците на тренерот Чаби Алонсо во 32. коло од Бундеслигата убедливо го совладаа Ајнтрахт со 5:1 на гостински терен и со тоа го забележаа 48. последователен натпревар во сите натпреварувања без пораз.
Баер, да потсетиме, е блиску до пласман во финалето на Лига Европа, а наскоро ги очекува финалето во Купот на Германија против Кајзерслаутерн.
Избраниците на Алонсо последен пат загубија на 27 мај минатата година во последното коло од Бундеслигата против Бохум со 3:0.