Спорт
Арсенал го продава најскапиот играч во клупската историја
Арсенал сака да го продаде крилниот напаѓач Николас Пепе (26), кого го донесе од Лил пред три години за рекордни 80 милиони евра. Пепе не е во стартниот тим на Арсенал во Премиер лигата повеќе од шест месеци и не е во долгорочните планови на тренерот Микел Артета. Поради тоа е фрустриран, а неговиот договор со Арсенал е обврзувачки за уште две години, објавија британските медиуми.
“Мојата цел е да играм повеќе. Сакам да добијам повеќе минути на теренот. Фудбалер кој игра е среќен и би сакал повторно да се радувам. Разочарувачки е кога пред секој натпревар дознавам дека ќе бидам резерва. Ме фрустрира тоа што седам на клупата за резерви. Од мене е да го докажам своето место на теренот “, изјави Пепе за „Скај спорт“ кон крајот на 2020 година.
Оттогаш помина цела 2021 година и третина од 2022 година, а Пепе се уште не се изборил за место во првиот тим. Арсенал е подготвен да ги слушне понудите за Пепе кој годишно заработува 8.300.000 евра.
Според „Трансфермаркт“, неговата моментална вредност е 30 милиони евра.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Далас без Дончиќ падна во Мајами, Кливленд не знае за пораз на домашен терен
Кливленд Кавалирс против Торонто Репторс ја забележаа 17. победа во 18.натпревар сезонава. Кавалирс славеа над Репторс со 122:108.
Ова е десетта јубилејна победа за Кливленд на домашен терен. Кавалирс ја презедоа контролата од самиот старт и успеаја да одржат двоцифрена предност во поголемиот дел од натпреварот.
Исто така, ова е 18-ти натпревар сезонава во кој тие постигнаа повеќе од 100 поени. Донован Мичел доминираше со 26 поени, од кои 11 постигна во последната четвртина, со што дефинитивно ги згаснаа надежите на гостите за пресврт.
Тај Џером исто така уфрли 26 поени, додека Џерет Ален доминираше во рекетот со 23 поени и 13 скока.
На другата страна Торонто имаше шест кошаркари со двоцифрен број на поени: Скоти Барнс и Грејди Дик ги предводеа Репторс со по 18 поени, Џејлен Барет додаде 16.
Мајами Хит го победи Далас без Лука Дончиќ со 123:118. Мајами славеа по едно продолжение, кое со кош на четири секунди до крајот го избори Џими Батлер.
Батлер го одигра најдобриот меч од почетокот на сезоната со 33 поени, девет скока и шест асистенции. Одлична поддршка му дадоа Бем Адебајо со 19 поени и 11 скока и Тајлер Хиро со 18 поени и 10 скока. Кајри Ирвинг постигна 27 поени за Мавс (14 во последната четвртина), на кои се уште им недостасува Лука Дончиќ поради повреда на зглобот.
Во другите дуели, ЛА Клиперс ја декласираа сезнава очајна Филаделфија со 125:99 на гостински терен, додека Бруклин во Калифорнија го совлада Сакраменто Кингс со 108:103.
Спорт
Лестер го отпушти тренерот
Англискиот фудбалски клуб Лестер го отпушти менаџерот Стив Купер.
Како што е соопштено, Купер (44) добил отказ поради низа лоши резултати по само пет месеци како шеф на стручниот штаб на „лисиците“.
Лестер освои само еден бод во претходните четири кола во Премиер лигата и е 16-ти со 10 бода, два повеќе од Кристал Палас кој е прв во зоната за испаѓање.
Веб-страницата на клубот не објави кога ќе биде назначен наследникот на Купер. Пред Лестер, Купер од клупата ги предводеше Нотингем Форест и Свонси.
Спорт
Мурињо ги отфрли гласините за Роналдо во Фенербахче
Многу светски медиуми пред неколку дена пишуваа дека Жозе Мурињо го контактирал Кристијано Роналдо и го прашал дали сака да му се придружи во Фенербахче по истекот на договорот со Ал Наср.
Беше истакнато дека стрелецот на 68 гола на 79 натпревари за клубот од Саудиска Арабија наводно е подготвен да се врати во Европа, но доколку тоа се случи, се чини дека во моментов нема комбинации кои повторно ќе ги спојат Мурињо и Роналдо.
Во текстовите кои ја пренесоа веста, се наведува дека Мурињо му се јавил на Роналдо, го прашал дали е среќен во Саудиска Арабија и дали сака да замине. Наводно и го прашал дали ќе дојде во Фенербахче.
„Весите за Кристијано Роналдо и Фенербахче се смешни. Кристијано може да дојде во Истанбул на ручек бидејќи е на половина пат меѓу Саудиска Арабија и Португалија. А можеби ќе дојде да го види својот стар пријател Жозе. Ќе ручаме во мојот хотел“, изјави Мурињо.
Фенербахче е турски рекордер со 28 освоени првенствени титули. Мурињо го водеше Роналдо низ дел од кариерата во Реал Мадрид.