Регион
САД мислат дека Додик планира поделба на БиХ, тој негира
Српскиот член на Претседателството на БиХ во видеообјава на „Твитер“ изјави дека му е жал што има разни интерпретации за средбата на која присуствувал заедно со Карен Донфрид, помошник-државна секретарка за европски и евроазиски прашања на САД.
Додик изјави дека не е точно тврдењето на Донфрид дека раководството на Република Српска сака да ја сруши БиХ нагласувајќи дека се залага за почитување на Уставот на БиХ.
„Да се тврди дека раководството на Република Српска сака да ја сруши БиХ, не е точно, а точно е дека на средбата со Донфрид, а подоцна и во јавноста, кажав дека Република Српска го почитува територијалниот интегритет и меѓународниот суверенитет на БиХ, но и Уставот на БиХ, според кој е составена од два ентитета и три конститутивни народи“, посочи Додик.
За време на посетата оваа недела на БиХ, Донфрид испрати порака дека Вашингтон многу сериозно ги сфаќа заканите за стабилноста на БиХ, вклучително и оние од Република Српска.
„САД не се обидуваат да ја укинат РС, но нема да стојат настрана додека сегашното раководство (РС) се обидува да ја растури државата“, рече Донфрид за време на нејзиниот престој во Сараево потврдувајќи дека нејзината влада и понатаму е подготвена да прибегне кон нови санкции против сите оние што се однесуваат како Додик и се обидуваат да ја дестабилизираат БиХ.
Слични оценки даде и сенаторот Крис Марфи по посетата на делегацијата на американскиот Сенат во Сараево, кој на својот блог напиша дека постои реална опасност од можни дестабилизирачки потези кои Додик би можел да ги повлече и кои всушност би биле составен дел од стратегијата што ја води рускиот претседател, Владимир Путин.
Српскиот член на Претседателството на БиХ денеска истакна и дека на неодамнешната средба со американските сенатори јасно кажал дека е за договор и побарал да се почитува ставот на Република Српска.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Загинаа две лица, а пет се водат како исчезнати по судар на чамец и крузер во Дунав кај Будимпешта
Две лица го загубија животот доцна синоќа, а пет се водат за исчезнати во судар на мал моторен чамец и крузер на реката Дунав северно од Будимпешта, соопшти денеска унгарската полиција.
Телата на возрасен маж и жена се пронајдени северно од главниот град, а властите се уште трагаат по пет исчезнати лица.
Сома Чечи, портпарол на полицијата во Будимпешта, на прес-конференција рече дека, според досегашните сознанија, во чамецот имало вкупно осум возрасни лица и потврди дека две лица загинале, а пет се водат како исчезнати. Тројца мажи и две жени моментално се бараат со глисери и дронови, јавуваат унгарските медиуми.
Полицијата соопшти и дека во градот Комаром бил запрен поголем брод, а од увидот било откриено дека му е оштетен страничниот дел. Се врши увид и во тек е истрага за опасноста по водениот пат и смртта на неколку лица.
Регион
По обидот за атентат словачкиот премиер Фицо е надвор од животна опасност
Словачкиот премиер Роберт Фицо е надвор од животна опасност по обидот за атентат, изјави денеска министерот за одбрана и вицепремиер Роберт Калинак за словачката новинска агенција ТАСР.
Состојбата на Фицо се подобрува, а лекарската комисија утре треба да одлучи дали тој ќе биде префрлен. Фицо моментално се опоравува во универзитетската болница во Банска Бистрица.
Фицо беше тешко повреден на 15 мај, по седницата на Владата во градот Хандлова, кога 71-годишниот писател Јурај Цинтула, од непосредна близина неколку пати пукаше со пиштол во него. Специјалниот кривичен суд во словачкиот град Пезинок, со силно полициско обезбедување вчера му одреди притвор на Цинтула.
Регион
Под сомнение за планирање терористички напад уапсено е малолетно девојче од Црна Гора
Во Австрија е уапсено четиринаесетгодишно девојче од Црна Гора, кое, според австриските медиуми планирало терористички напад на Јакоминиплац во Грац, а истражителите од Државната служба за државна безбедност и борба против екстремизмот во Штаерска успеале да спречат тоа.
При претресот на куќата, како што пишува истиот медиум истражителите заплениле секира и нож.
Информациите за планираниот напад дојдоа од Европска безбедносна управа. На овој начин, локалните истражители од Државниот завод за државна безбедност и борба против екстремизмот (ЛСЕ) на Штаерска им влегле во трага на првично непознатите лица.