Спорт
Димитиревски: Имав договор со Барса, поради Нето не го реализирав трансферот
Репрезентативецот на Македонија, Столе Димитиревски, во интервју за „Моцарт спорт“, открил како пропаднал неговиот трансфер во Барселона. Димитриевски со Рајо Ваљекано оваа сезона остана непоразен во дуелите со Барселона. Рајо двапати победи со 1:0.
Димитриевски беше клучен човек во победите на Рајо Ваљекано над Барселона. Во првиот натпревар му одбрани пенал на Депај, а во вториот со неколку одбрани не дозволи да биде совладан.
„Впечатокот е феноменален, двапати да се победи Барселона, мислам дека само Баерн Минхен успеа да го направи тоа оваа сезона во Лигата на шампионите. На првиот натпревар одбранив пенал, на вториот имав многу работа. Чувството е прекрасно, навистина сум среќен за сето тоа“, изјави Димитриевски.
Во зимскиот преоден рок тој беше пред трансфер токму во Барселона. На крајот сепак остана на „Ваљекас“.
„Да ви кажам искрено, сè беше готово, вториот голман на Барселона (Нето) требаше да го напушти клубот. Поради некоја причина, тој не сакаше да го напушти клубот, па јас останав во Рајо. Од моја страна трансферот веќе беше завршен, сите детали беа договорени“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Тен Хаг ќе добие отказ, можен наследник е Де Зерби
Иако Манчестер јунајтед го освои ФА Купот, гласините за отказот на Ерик Тен Хаг не стивнуваат. Доколку тоа се случи, прв фаворит на клупските челници е Роберто де Зерби.
Тен Хаг тврдеше дека новите луѓе во спортскиот сектор му рекле дека сакаат со него да го започнат новиот проект. Сепак, тој истакна дека доколку сакаат да го заменат, има каде да оди да освојува трофеи.
Можеби воторото сценариото ќе се оствари, бидејќи на „Олд Трафорд“ не се импресиоирани од она што во две сезони го оствари Тен Хаг.
Како што пренесува „Гардијан“, Џим Ретклиф го контактирал поранешниот тренер на Брајтон, Роберто де Зерби. Италијанецот ги напушти „галебите“ на крајот од сезоната, а неговото име се поврзува со голем број големи клубови.
Ако Де Зерби не ја прифати понудата, на листата кандидати следуваат: Томас Тухел, Киеран Мекена, Маурисио Покетино и Томас Франк.
Спорт
Трагедија: литвански кошаркар пронајден мртов во Џенова
Литванскиот кошаркар Ауримас Кибас го загуби животот под мистериозни околности во Џенова.
Кибас, кој има 27 години, паднал од заграда висока 20 метри.
Кошаркарот на Берингброу бил во посета на својот пријател Римантас Даунис кој игра за Сестри. Вечерта кога се случила несреќата бил во ноќен клуб.
Според луѓето кои го виделе, тој бил под дејство на опијати, а наводно бил вмешан во тепачка. Неговите пријатели го загубиле во текот на вечерта, која заврши трагично.
Полицијата не исклучува самоубиство, но не исклучуваат ниту други сценарија.
Спорт
Анчелоти кариерата ќе ја заврши во Реал
Реал Мадрид и Борусија Дортмунд во сабота од 21 часот ќе го играат финалето на Лигата на шампионите на Вембли. Тренерот на „кралскиот клуб“, Карло Анчелоти (64) даде интервју за „Ла Република“ пред последниот натпревар од сезоната. Меѓу другото, тој одби да зборува за доаѓањето на Килијан Мбапе, бидеќи овој трансфер се уште не е официјално потврден.
Најинтересниот одговор на Анчелоти секако е оној за крајот на неговата тренерска кариера.
„Мојата кариера ќе заврши во Реал, но прво сакам да освојам уште една Лига на шампиони. Јас сум Мадридиста, се идентификувам со клубот, сакам да ги израдувам луѓето во клубот и навивачите“, изјави Анчелоти и додаде дека верува оти неговиот син Давиде може да биде главен тренер, но засега остануваат заедно во Реал.
Анчелоти како фудбалер освои седум трофеи со Милан и пет со Рома како централен играч за врска, а уште поуспешена е неговата тренерска кариера.
Од 1992 година до денес ги предводел Реџана, Парма, Јувентус, Милан, Челзи, ПСЖ, Баерн, Наполи, Евертон и Реал, со кого има договор до летото 2026 година.
Досега четири пати ја освои Лигата на шампионите, по два пати со Реал и Милан.