Свет
Во близина на Лас Вегас пронајдено буре со човечки останки, се сомничи мафијата
![](https://makfax.com.mk/wp-content/uploads/2022/05/0e086c11-ae9a-46bf-8fa8-38451bec60ed.jpg)
Буре со остатоци од човечко тело е откриено на калливиот брег на езерото Мид, недалеку од Лас Вегас, кое се повлече и се намали поради сушата, соопшти локалната полиција, очекувајќи да пронајде повеќе тела.
Пронајденото буре го забележале луѓе кои пловеле во чамец, соопшти полициската станица во Лас Вегас. АФП пишува дека местото историски се поврзува со мафијата, која ги фрлала телата на своите непријатели во длабоките води на езерото.
Историската суша што зафаќа голем дел од западниот дел на Соединетите Држави врши притисок врз изворите на вода, а нивото на водата во резервоарите и езерата паѓа невидено ниско. Езерото Мид на границата Невада и Аризона, кое се напојува од реката Колорадо откако ќе помине низ Големиот Кањон, е најголемиот вештачки резервоар во САД.
Создаден е во 1930-тите со изградба на браната Хувер и снабдува со вода за пиење 25 милиони луѓе. Но, неговото сегашно ниво, на само 321 метар, е најниско од 1937 година. Врз основа на пронајдените лични предмети, истражителите веруваат дека лицето, чии останки ќе бидат детално испитани од форензичарите, е убиено во 1980-тите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
Маж загина во автомобил во Атина, моторџија пукал осум пати во него
![](https://makfax.com.mk/wp-content/uploads/2024/07/bvfg.jpg)
Еден човек е убиен утрово во северните предградија на Атина кога бил застрелан додека бил во автомобил од моторџија, соопшти полицијата.
Од полицијата велат дека трагаат по напаѓачот, пренесе Катимерини.
Според првичните податоци, убиецот бил на мотор и дошол до автомобилот БМВ и пукал во жртвата најмалку осум пати пред да успее да побегне.
Регион
Пожари на грчките острови Крит, Кос и Хиос
![](https://makfax.com.mk/wp-content/uploads/2024/07/bb.jpg)
Се уште горат три пожари кои избувнаа на грчките острови Крит, Кос и Хиос, иако пожарникарите делумно успеаја да ги локализираат.
Пожар избувна на островот Кос во понеделникот и излезе од контрола бидејќи силните ветрови го шират кон Кардамаина, популарно туристичко одморалиште на источниот брег на островот, пренесува Екатимерини.
Петмина пожарникари се полесно повредени во операциите за гаснење, а околу 10.000 туристи и жители се евакуирани од областа и сместени во училишта, спортски стадиони и хотели во Антимакија, Мастичари и Мармари.
Регион
На Златарско езеро во Србија се преврте гумен чамец со човек, нуркачи трагаат по него
![](https://makfax.com.mk/wp-content/uploads/2024/07/gfd.jpg)
На Златарско езеро дошло до несреќа кога чамецот во кој се наоѓал човек се превртел среде водната површина, паднал во езерото и исчезнал без трага.
„Човекот бил на гумен чамец. Припадниците на нуркачкиот тим на полицијата денеска цел ден ја пребаруваат областа во потрага по исчезнатото лице“, беше потврдено за агенцијата РИНА.
Според првите неофицијални информации од терен се работи за средовечен маж.
Иако важи за едно од најубавите во Србија, Златарското езеро често одзема човечки живот. Затоа се повикуваат граѓаните да внимаваат и внимателно да влезат во водата и никогаш, доколку немаат искуство, да не се качуваат сами на возење со чамец.