Спорт
Хрват ќе биде првото засилување во новата ера на Челси

Фудбалскиот клуб Челси има нов сопственик, конзорциумот зад кој стои Тед Боили. Роман Абрамович го продаде клубот за 5 милијарди евра.
Со продажбата Челси ја обезбеди својата иднина. Клупските челници сега можат да се насочат кон летниот преоден рок. Најмногу измени че има во одбраната на тимот. Цезар Аспиликуета, Андреас Кристенсен и Антонио Ридигер како слободни играчи ќе го напуштат клубот, а веројатно од Лондн ќе замине и левиот бек Маркос Алонсо.
Според англиските медиуми првото засилување во Лондон ќе пристигне од Лајпциг. Станува збор за Јошко Гвардиол, 20-годишниот централен дефанзивец. Менаџерот Томас Тухел е голем фан на Гвардиол.
Прашање е само колкава сума ќе побара Лајпциг, се шпекулира за сума од 30 до 50 милиони евра.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Александер-Арнолд се збогува со Ливерпул

Десниот бек, Трент Александар-Арнолд (ТАА), потврди дека како слободен играч ќе го напушти Ливерпул по завршувањето на сезоната.
ТАА јавно се збогуваше со клубот чиј член беше 20 години.
„По 20 години во фудбалскиот клуб Ливерпул, време е да потврдам дека заминувам на крајот од сезоната. Ова е најтешката одлука што некогаш сум ја донел во мојот живот. Знам дека многумина од вас ме прашаа зошто или бевте фрустрирани што сè уште не сум зборувал за ова, но отсекогаш ми беше намера целосно да се фокусирам на најдобрите интереси на тимот, а тоа е обезбедување на 20-та титула“, рече Александар-Арнолд.
„Овој клуб, 20 години беше целиот мој живот, целиот мој свет. Од академијата до сега, поддршката и љубовта што ги чувствував од сите во и надвор од клубот ќе останат со мене засекогаш. Засекогаш ќе ви бидам должен на сите вас. Но, никогаш не сум знаел ништо друго и оваа одлука се должи на нов предизвик, да излезам од мојата зона на удобност и да се туркам себеси и професионално и лично“.
“I want to say it’s not an easy decision and there’s a lot of thought and feeling that has gone into it. I’ve been here 20 years now, loved every single minute of it, achieved all my dreams, achieved everything I’ve ever wanted to here.”
Trent Alexander-Arnold’s interview ⤵️
— Liverpool FC (@LFC) May 5, 2025
ТАА има 26 години, дебитираше за првиот тим во 2016 година, а со Ливерпул освои две титули во Премиер лигата, како и Лигата на шампионите, ФА Купот, Лига Купот, Комјунити Шилд, Суперкупот на УЕФА и Светското клупско првенство на ФИФА.
„Секој ден во овој клуб давав сè од себе и се надевам дека ќе почувствувате дека ви се оддолжив за време на мојот престој тука. Им благодарам на сите од дното на моето срце – на моите тренери, менаџери, соиграчи, персонал и на нашите неверојатни навивачи“, истакнува ТАА.
„Бев доволно благословен да ги остварам моите соништа тука и никогаш, ама баш никогаш нема да ги земам здраво за готово посебните моменти на среќа што ги доживеав со сите вас. Мојата љубов кон овој клуб никогаш нема да згасне.“
Англичанецот најверојатно ќе ја продолжи кариерата во Реал Мадрид.
Спорт
Повредата на Мартин ги натера челнците на Мото ГП да сменат едно правило

Возачите во Мото ГП шампионатот кои пропуштаат најмалку три трки поради повреда ќе имаат можност да го тестираат својот прототип пред да се вратат на патеката. Новото правило беше воведено во прописите на Светското првенство по Големата награда на Шпанија, многу побрзо од очекуваното. Промената беше иницирана од Априлија со барање да му се дозволи на Хорхе Мартин да го тестира својот нов мотор, откако се повреди на првиот ден од предсезонските тестирања во Сепанг.
Откако ја освои титулата со Прамак Дукати, Мартин се пресели во Априлија, чиј мотоцикл го тестираше два дена по завршувањето на минатата сезона, и тоа само во Сепанг, каде што се здоби со скршеница на раката и ногата.
Шпанецот потоа ја скрши другата рака, поради што ги пропушти првите три трки од сезоната и се врати во Катар, каде што, за жал, доживеа уште една несреќа, во која се здоби со скршеници на 11 ребра, што доведе до пневмоторакс, поради што сигурно ќе отсуствува од патеката барем до јули.
Новото правило наведува дека доколку некој возач пропушти најмалку три трки или е отсутен од патеката 45 дена во кое било време од првиот тест до последната трка во сезоната – тој има право на еден ден тестирање пред да се врати на патеката.
Тој тест мора да биде организиран на патеката регистрирана од конструкторот според правилата за концесии или на која било патека каде што не е закажана трка до крајот на сезоната. Во секој случај, тестот не може да се организира во рок од осум недели пред трката на таа патека.
Дополнително, правилникот наведува дека користените гуми ќе се сметаат во рамките на распределбата на тест тимот на конструкторите за една сезона, а може да се користат максимум три сета.
Со оглед на моменталната ситуација, Мартин ќе има можност да направи тестирање пред да се врати на патеката, а реална опција за тоа е патеката „Анхел Нието“ во Херез, бидејќи таму трката се возеше пред две недели.
Во зависност од тоа кога ќе се врати на патеката, ќе има и други опции, како што е потенцијално тестирање на патеката во „Муѓело“, а секако и некои од патеките каде што Априлија има приватно тестирање.
Следната трка од шампионатот Мото ГП се вози претстојниот викенд на Големата награда на Франција во Ле Ман.
Спорт
Хасенхитл не го дочека крајот на сезоната во Волфсбург

Две кола пред крајот на сезоната во Бундеслигата, Волфсбург го отпушти тренерот Ралф Хасенхитл.
На Австриецот му пресуди серијата од осум натпревари без победа, по што Волфсбург се наоѓа на 12-то место на табелата, без шанса да се бори за пласман во европските натпреварувања.
Хасенхитл го наследи Нико Ковач на клупата на Волфсбург во март 2024 година, а неговиот последен натпревар беше токму против хрватскиот тренер, чија Борусија убедливо славеше во саботата со 4:0.
„Клоп од Алпите“ како што медиумите го нарекуваат Хасенхитл, претходната сезона успеа да го спаси Волфсбург од испаѓање од Бундеслигата, но оваа сезона резултатите на тимот се далеку по очекувањата.