Црна хроника
Пронајдено одземено возило и вратено на сопственикот
Синоќа околу 01.40 часот на ул.„Вашингтонска“ во Скопје, полициски службеници од СВР Скопје – Полициско одделение Шуто Оризари го лишиле од слобода А.М.(22) од Скопје.
Во моментот на лишувањето тој управувал товарно возило „Мерцедес Вито“ со скопски регистарски ознаки, сопственост на С.Т.(67) од Скопје, за кое тој на 06.05.2002 пријавил дека му било одземено.
Возилото било вратено на сопственикот. По преземени мерки биле пронајдени и предметите кои биле во возилото, а кои А.М. ги продал на повеќе лица. Предметите, исто така, биле вратени на сопственикот.
Лицето било приведено во полициска станица и во службен разговор го признал делото.
По целосно документирање на случајот против него ќе биде поднесена соодветна пријава.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Топ
Залутан куршум заврши во грбот на скопјанец додека возел велосипед низ Чаир
Додека 35-годишниот А.Ф. од Скопје се возел со својот велосипед во Чаир, почувствувал болка во грбот. Бил пренесен во болница, каде било констатирано дека бил погоден од залутано зрно од огнено оружје.
Според информациите од МВР, настанот се случил вчера напладне, а велосипедистот завршил на Комплексот клиники Мајка Тереза.
Се преземаат мерки за расчистување на случајот, велат од полицијата.
Црна хроника
Две групи се тепале во Карпош, а насилството продолжило и на Комплексот клиники
Синоќа во 22.30 часот во Карпош, поради нарушени меѓусоседски односи, настанала физичка пресметка помеѓу Ф.Ј.(22), Б.Ј.(39) и тројца малолетници од една страна и Е.Г.(52), Г.Г.(23) и Х.Т.(29) од друга страна, сите од Скопје.
Употребени биле тврди и метални предмети, соопшти МВР.
Подоцна било пријавено дека околу 01.55 часот во Ургентниот центар во Комплексот клиники „Мајка Тереза“, додека Д.Ј.(52) со роднините С.Ј.(25) и И.Д.(38) чекал резултати за неговиот повреден син во претходната пресметка, биле физички нападнати од Е.Г.(52), Б.С.(43), А.С.(48), Б.С.(44) и И.Г.(36), при што употребиле метални и тврди предмети.
Набргу, по преземените мерки, полициските службеници од Единицата за интервентна полиција при СВР Скопје на подрачјето на Центар ги лишиле од слобода Е.Г., Б.С., А.С., Б.С. и И.Г.. Додека, во Полициската станица Карпош биле приведени Ф.Ј. и Б.Ј. и тројцата малолетници.
По целосно документирање на случајот против лицата ќе биде поднесена соодветна пријава.
Црна хроника
Се запали автомобил на патот Скопје-Велес
Автомобил се запали на автопатот Скопје-Велес.
Според првичните информации, нема повредени лица, а возилото целосно изгорело.
Повеќе информации се очеквуаат од МВР.