Спорт
Ураган во Мајами за Ембид и друштвото, Феникс го декласира Далас
Кошаркарите на Мајами поведоа со 3:2 во полуфиналната серија од плеј-офот на Истокот. Во петтиот натпревар остварија убедлив триумф против Филаделфија со 120:85 и со тоа дојдоа на чекор до пласман во конференциското финале. Избраниците на Ерика Сполстра ќе имаат „меч топка“ на следниот дуел кој е закажан ноќта меѓу четврток и петок во Филаделфија.
Мајами синоќа го затвори Џоел Ембид и го задржа на 17 поени. Бам Адебајо одигра одлична одбрана над него, а во тимот на Филаделфија лошо одигра и Џејмс Харден кој постигна 14 поени од 13 обиди од игра.
Мајами веќе имаше голема предност од 66:44 на полувремето и уште тогаш беше јасно дека гостите не ги чека ништо добро. Последната период за гостите беше кобен, Мајами го реши во своја корист со 39:19 и ја заврши работата. Во победничкиот тим дури седум кошаркари имаа двоцифрен поентерски ефект.
Џими Батлер постигна 23 поени, а имаше и девет скока и шест асистенции, додека Макс Штрус додаде 19 поени со десет скока. Гејб Винсент постигна 15 поени, Виктор Оладипо 13, а Бам Адебајо 12.
Феникс Санс со убедлива победа (110:80) ја вратија контролата во серијата против Далас Маверикс. Тимот од Аризона го предводеа Девин Букер со 28 поени и Деандре Ејтон со 20 поени. Феникс се засили по полувремето, успеа да се одлепи со серија од 11:4, а не помогна ниту тајм-аутот на Џејсон Кид. Во третата четвртина гостите направија 12 грешки, што ги доведе до пораз.
Дончиќ заврши со 28 поени и 11 скока, Бренсон додаде 21 поен, но шутот на Далас беше околу 38%, а со такво издание силен противник не може да се победи.
Девин Букер постигна 800 поени во 30 натпревари во плејофот, само 18 играчи во историјата успеале да го направат тоа. Во овој век тој е во одлично друштво, Леброн, Ти-Мек, Винс Картер, Ален Ајверсон, Ентони Дејвис и Донован Мичел.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Аталанта избори место во ЛШ
Аталанта следната сезона ќе игра во Лигата на шампионите. Тимот од Бергамо на тој начин им се приклучи на Интер, Милан, Јувентус и Болоња со оглед дека Италија ќе има пет претставници во елитата.
Аталанта во претпоследното коло победи во Лече со 2:0.
Гостите пропуштија можности преку Пашалиќ во шестата, Скамака во 27. кога ја погоди гредата, Запакоста во 39. минута …
Сепак, во вториот дел, тимот од Бергамо постигна два гола, поведе преку Де Кетеларе во 48. минута, а само пет минути подоцна Скамака го постави конечниот резултат.
На две кола пред крајот Аталанта има шест бода повеќе од шестопласираната Рома, но и подобар меѓусебен скор, па теоретски си го обезбедија пласманот во Лигата на шампионите, додека Лече е во сигурната зона.
Спорт
Шампионот загуби од Шкупи, Шкендија избори квалификации во КЛ, Вардар ќе игра бараж за опстанок
Фото/ fcstruga.com
Спуштена е завесата на сезоната 2023/2024 во Првата македонска фудбалска лига. Струга ја одбрани титулата, а второто место го освои Шкендија.
Струга во претходното коло, со победата над Шкендија ја одбрани титулата, па за овој тим дуелот со Шкупи на домашен терен немаше никаква важност. Шкупи победи во Струга со 2:1.
Головите за Шкупи ги постигнаа Рамани во деветата и Аворњо во 51 минута. Голот за шампионот го постигна Шабани во 30. минута. изедначи на 1-1.
Шкендија во Скопје го победи Работнички со 2:0. Стрелци беа Красниќи во 34. минута и Аганспахиќ во 72. минута. Со овој триумф Шкендија се избори за место во квалификациите за Конференциската лига.
Од лигата испаднаа Брегалница и Македонија ЃП, а бараж за опстанок ќе игра Вардар.
Резултати, 33. коло:
Струга Трим Лум – Шкупи 1-2
Работнички – Шкендија 0-2
Вардар – Тиквеш 2-2
АП Брера – Македонија ЃП 5-3
Брегалница – Силекс 1-1
Воска спорт – Гостивар 1-1
Табела:
Спорт
(Видео) Марко Ројс со гол се прости од „Вестфален“
Легендата на Борусија Дортмунд, Марко Ројс постигна гол на својот последен натпревар за „милионерите“ во Бундеслигата.
Тимот од „Вестфален“, го пречека тимот од Дармштад кој одамна испадна од Бундес лигата и славеше со 4:0.
Ројс не можеше да има подобро збогување од навивачите. го постигна вториот гол во 18.минута.
Марко Ројс својот последен меч за Борусија Дортмунд ќе го одигра на „Вембли“, кога „милионерите“ во финалето на Лигата на шампионите ќе се сретнат со Реал Мадрид.
MARCO REUS https://t.co/v1V07JgTsH pic.twitter.com/tuK5kmytzp
— MUFTI MESSI🇰🇲 (@FahadPulga) May 18, 2024