Спорт
Легенди на своите клубови – емотивни збогувања за Лоренцо Инсиње и Марк Нобл
Како што се доближува крајот на сезоната, повеќе фудбалери се збогуваат со своите навивачи пред трансферите во текот на летото, но денеска беше посебно емотивно во Лондон и во Неапол, каде што фановите се простија со две легенди и капитени на своите клубови – Марк Нобл и Лоренцо Инсиње.
На „Лондон стадионот“, Нобл, по 18 години во дресот на Вест хем, се прости со своите верни навивачи, добивајќи овации во 16. минута по бројот на својот дрес, за на крајот да заврши во солзи. Нобл, кој произлезе од академијата на „чеканите“ има над 400 мечеви за Вест хем во кариерата.
И на „Диего Армандо Марадона“ имаше слична атмосфера, каде што уште еден фудбалер кој цела кариера беше посветен на еден клуб се збогуваше со своите навивачи. Лоренцо Инсиње, кој на крајот на сезоната ќе премине во МЛС лигата во тимот на Торонто ФЦ, доби шпалир од своите соиграчи кога излезе на теренот со своите два син, по што доби подаароци од Дрис Мертенс и Калиду Кулибали и посебен трофеј од претседателот Аурелио де Лаурентис (кој пак беше исвиркан од навивачите).
„Знаете дека не сум добар со зборовите, но напишав нешто. Можам само да кажам благодарам на градот кој ми даде многу. Пораснав тука со вас. Славевме, страдавме, понекогаш се расправавме, точно како едно големо семејство. Да се напушти Наполи е како да се напушти домот, секогаш ќе ми неостасувате. Форца Наполи секогаш“, изјави Инсиње.
What an atmosphere as applause rings around the London Stadium in 16th minute, for Mark Noble ? #WHUMCI
— Sky Sports Football (@SkyFootball) May 15, 2022
An emotional Mark Noble says goodbye to the West Ham fans ahead of kick-off against Manchester City ⚒️pic.twitter.com/xQVGc1JOOI
— Sky Sports (@SkySports) May 15, 2022
Grazie di tutto Capitano.
Meriti solo il meglio.
Buona fortuna ?@Lor_Insigne #NapoliGenoa #ForzaNapoliSempre pic.twitter.com/Y1O2TX9NHw— Anna (@Azzurraluna410) May 15, 2022
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Борусија е во финалето на ЛШ – Хумелс го замолкна Париз
Фудбалерите на Борусија Дортмуд први изборија пласман во финалето на Лаигата на шампиони. „Милионерите“ и во реваншот го совладаа ПСЖ со 1:0. Стрелец на единствениот гол во Париз беше Матс Хумелс во 50.минута. Борусија по пауза ид 11 години е се бори за европската круна. Противник во финалето на „Вембли“ ќе и биде подобриот од второто полуфинале меѓу Реал Мадрид и Баерн Минхен.
ПСЖ имаше повеќе од играта, напаѓаше во првото полувреме, а во офанзива тргнаа во вториот дел, но Килијан Мбапе и соиграчите немаа доволно спортска среќа. Дури четири пати во второто полувреме ја погодија рамката од голот – двапати стативата и исто толку гредата.
И во првиот натпревар Французите двапати ја погодија стативата (Мбапе и Хакими), но ќе остане запишано дека во 180 минути не успеаја ниту еднаш да го совладаат голманот на Борусија, Кобел.
Стрелец на единствениот гол беше ветеранот Матс Хумелс во 50. минута. Јулијан Бранд одлично изведе корнер, а искусниот дефанзивец со глава го совлада Џиџи Донарума.
Спорт
Нан го однесе ПАО на завршниот турнир во Берлин
Кошаркарите на Панатинаикос по пауза од 12 години изборија пласман на завршниот турнир во Евролигата. Вечерва пред 20.000 навивачи во „ОАКА“, Панатинаикос ја доби мајсторката против Макаби со 81:72.
Панатинаикос клучната предност ја направи во воведните четири минути од последната четвртина, период во кој Макаби постигна само два поени.
Големо влијани врз конечниот резултат имаше и односот на слободните фрлања, Панатинаикос изведе 35, Макаби само 10.
Најефикасен во победата на Панатинаикос беше Кендрик Нан со 26 поени, Костас Слукас имаше уште една добра партија со 15 поени и шест скока, додека Хуанчо Ерненгомес постигна 11 поени. Матијас Лесор беше блиску до дабл-дабл учинок со девет поени и 11 скока. Францускиот центар од линијата за слободни фрлања погоди три пати од 14 обиди.
Кај Макаби најефикасен беше Лоренцо Браун со 17 поени.
На завршниот турнир во Берлин од 24 до 26 мај, Панатинаикос во полуфиналето ќе игра против победникот од четвртфиналето меѓу Монако и Фенербахче.
Спорт
Сашко Кедев на Велигден го искачи Макалу (8.485), петтиот највисок врв на светот
Кардиологот и алпинист Сашко Кедев утрото на Велигден се искачи на врвот Макалу кој е висок 8.485 метри и е петти највисок планински врз во светот.
Кедев со експедиција од четворица меѓународни алпинисти и петмина шерпаси се искачи на Макалу. Тој е првиот акедонец кој се искачил на овој врв.
Беше во придружба на искусниот Кили Пемба Шерпа, кој беше еден од 10-те непалски планинари кои се искачија на К2 во 2021 година.
Во историскиот успех на Кедев се запишани и врвовите Монт Еверест (8.848), К2 (8.611), Далагири (8.167), Манаслу (8.163), Броуд пик (8.051), Анапурна (8.091 метри), Cho Oyu (8.201), Нанга Парбат (8.126).