Регион
Борел: Западен Балкан и процесот за пристапување е важен за ЕУ
Високиот претставник на ЕУ за надворешна политика и безбедност Жозеп Борел изјави дека со денешната средба со министрите за надворешни работи на шесторката од Западен Балкан, ЕУ сака да укаже колку е важен Западен Балкан и пристапниот процес за него.
„Имав средба со нив пред неколку дена овде во Брисел, а денеска тие ќе седнат во Советот за надворешни работи за да разговараат за ситуацијата на Западен Балкан – силно погоден од економската криза“, рече Борел пред дводневниот состанок на ЕУ во Брисел, како дел од работниот ручек на министрите за надворешни работи на ЕУ и Западен Балкан.
Борел додаде дека европските министри ќе разговараат и со министерот за надворешни работи на Украина, Дмитриј Кулеба, преку видеоконференција.
„Украинците продолжуваат да имаат многу жесток отпор, а ние ќе продолжиме да им обезбедуваме оружје за отпор“, рече тој.
Одговарајќи на новинарски прашања, Борел рече дека ЕУ силно ги поддржува Финска и Шведска, кои се обидуваат да влезат во НАТО. Тој рече дека шведската министерка за надворешни работи, Ане Линде, го информирала дека „процесот е започнат, дека ќе го информира кралот и дека има силна поддршка за оваа одлука во шведското општество и шведскиот политички спектар“.
„Значи, мислам дека земјите членки на Европската Унија ќе ја поддржат оваа одлука и се надевам дека би можеле да го надминеме противењето на некои членки на НАТО“, додаде тој.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Земјотрес со јачина од 4,7 степени во Хрватска, почувствуван и во БиХ
Земјотрес со јачина од 4,7 степени според Рихтеровата скала утрово во 05:38 часот е регистриран во Хрватска, објави Европскиот медитерански сеизмолошки центар (ЕМСЦ).
Според информациите од Европскиот медитерански сеизмолошки центар, земјотресот бил на 92 километри јужно од главниот град Загреб и на 14 километри од границата со Босна и Херцеговина, кај Тржачка Раштела.
Земјотресот бил на длабочина од 10 километри.
Земјотресот најмногу бил почувствуван во централна Хрватска и во дел од Босна и Херцеговина со интензитет од V-VI степени според Европската макросеизмичка скала.
Засега нема извештаи за повредени лица или за предизвикана материјална штета.
Регион
На таткото на момчето убиец од Србија му е продолжен притворот за уште 60 дена, има сомнение дека може да го повтори делото
Вишиот суд во Белград му го продолжи притворот за уште 60 дена на Владимир Кечмановиќ, таткото на момчето кое на 3 мај уби девет негови врсници и чувар во ОУ „Владислав Рибникар“.
На Владимир Кецмановиќ му е продолжен притворот поради сомнение дека доколку биде пуштен на слобода за краток временски период ќе го повтори кривичното дело, како и поради тоа што постои основано сомнение дека сторил кривично дело за кое е пропишана затворска казна над десет години, а начинот на извршување и сериозноста на последиците од кривичното дело доведоа до вознемиреност кај јавноста што може да го загрози непреченото и правично водење на кривичната постапка, соопштија од тој суд.
Во обвинението за тешко кривично дело против општата безбедност се товари Владимир К., а за сторено кривично дело недозволено изработување, држење, носење и тргување со оружје и распрскувачки материи, мајката на момчето Миљана К.
Регион
„Мислев дека регалот ќе падне врз мене“ – жена од Србија сведочи за силниот земјотрес
Земјотресот беше многу силен. Кратко, но силно, вели вознемирената Мила Петровиќ од Кладово – место кое утрово го погоди силен земјотрес.
Како што опишува преплашената жена, земјотресот ја исплашил и неа, но и останатите жители на Кладово.
„Мислев дека регалот ќе падне врз мене. Немаше време за бегство никаде. Сè се тресеше многу. За среќа, тоа беше кратко. Кога се смири, сите излегоа на улица“, раскажува таа за Телеграф.рс.
Земјотресот бил со јачина од 4,3 степени според Рихтеровата скала, на длабочина од 11 километри.
Колку бил силен, сведочи и фактот што бил почувствуван во Заечар, Неготин, Доњи Милановац, Бор и други градови на истокот на Србија, а некои граѓани го почувствувале и во Ниш.
„Почувствував земјотрес, се тресеше мебелот во куќата“, „Бев во кревет кога почна тресењето“, напишаа граѓаните.