Свет
Талибанецот за кој САД нудат 10 милиони долари да го фатат: Ги чуваме непослушните жени дома

Авганистанскиот министер за внатрешни работи и помошник на заменик-лидерот на талибанците, Сираџудин Хакани, се појави пред камерите на Си-ен-ен во Кабул, само неколку месеци откако првпат го покажа своето лице во јавноста.
Запрашан за авганистанските жени што велат за тоа дека се плашат да ги напуштат своите домови под талибанско владеење, Хакани низ смеа рече: „Ние ги чуваме непослушните жени дома“.
Откога репортерот побара да го разјасни својот коментар, тој рече: „Кога реков палави жени, тоа беше шега, што се однесуваше на оние палави жени што контролираат некои други партии да ја преиспитаат актуелната власт“.
Хакани исто така рече дека на жените ќе им биде дозволено да работат во согласност со талибанското толкување на исламскиот закон и националните, културните и традиционалните принципи.
„Дозволено им е да работат во нивните рамки“, рече тој. Тој вели и дека во авганистанската влада нема никој против образованието на девојчињата.
„Многу набргу ќе слушнете многу добри вести за ова прашање, ако даде Господ“, додаде тој, без да прецизира временска рамка.
Соработниците на Хакани изјавија дека ова интервју е обид да се отвори ново поглавје во односите со САД и светот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
40 ранети во Израел, двајца критично

Вкупно 40 лица побарале медицинска помош по вечерашниот ирански ракетен напад врз Израел, соопштија локалните здравствени служби. Двајца од повредените се во критична состојба.
Најголем број пациенти се лекуваат во болницата Ичилов во Тел Авив – 18 лица.
Според лекарите, пријавените повреди вклучуваат рани од шрапнели, вдишување чад и состојба на шок.
Свет
Израелската војска: Иран истрела помалку од 100 балистички ракети, повеќето ги пресретнавме

Портпаролката на израелската војска, Ефи Дефрин, рече дека помалку од 100 балистички проектили биле истрелани од Иран кон Израел.
Дефрин рече дека „повеќето од ракетите биле пресретнати од воздушната одбрана или паднале пред да стигнат до израелска територија“.
„Регистрирани се ограничен број погодоци на згради, а дел од штетата е предизвикана од фрагменти од пресретнати проектили“, додаде тој.
Според израелските медицински служби, во нападот биле ранети 40 лица.
Свет
Нетанјаху: Ова е можност за иранскиот народ да се спротивстави на режимот

Израелскиот премиер Бенјамин Нетанјаху вечерва и порача на јавноста дека можат да ги напуштат засолништата, откако новиот бран ирански ракети прелета над израелска територија.
„Иранскиот режим никогаш не бил послаб. Ова е можност за иранскиот народ да се спротивстави на режимот“, рече Нетанјаху во вечерашното обраќање.
Тој директно им се обрати и на граѓаните на Иран: „Јас сум со вас, израелскиот народ е со вас“, рече тој.
Министерот за одбрана на Израел, Израел Кац изјави дека Иран „ја преминал црвената линија со лансирање ракети кон израелските цивилни области“ и најави: „Техеран ќе плати висока цена“.
Оваа иранска одмазда следеше по израелските воздушни напади на иранска територија, при што беа погодени нуклеарни постројки и беа убиени високи команданти и научници.