Регион
Вучиќ: „Не сакаме непријателство со големите сили“
Александар Вучиќ и премиерот на Унгарија Виктор Орбан присуствуваа на свеченото отворање на 89. Меѓународен саем за земјоделство.
Вучиќ по отворањето им се обрати на медиумите каде ги коментираше сите актуелни случувања.
Претседателот, како што објавија медиумите во соседството ги коментирал и зборовите на поранешниот американски амбасадор Курт Волкер, кој и порачал на Србија дека сега мора да сфати дека е опасно да се биде руски пријател.
„Знаете дека има уште една изрека, која вели поинаку. Но, не верувам во приказни за големи пријателства, туку во интерес. Како што еднаш рекол Хенри Кисинџер: „Постои една работа поопасна од тоа да се биде непријател на Америка. А тоа е да се биде пријател на Америка“. Не би се согласил со тоа, го ценам нашето пријателство. Мали сме и не сакаме непријателство со големите сили. Ќе ги заштитиме нашите реки и земја и нека прават што сакаат со нивните интереси“, рече тој.
Вучиќ рече дека наша работа е да се бориме за нашата земја и да се придржуваме до одлуката на Советот за национална безбедност, пренесуваат српските медиуми.
Вучиќ изјавил и дека во наредниот месец во Белград се очекуваат многу интересни работи и дека многумина ќе бидат изненадени.
Тој ги коментирал заканите од Загреб дека ќе го блокира патот на Србија кон ЕУ поради обвиненијата за воени злосторства.
Вучиќ потсетил на зборовите на владиката Сергије дека сите напади врз него се сигнал дека прави добро за својот народ.
„Им пречеа и ќебапите со Шарл Мишел. Па, добро зарем требаше да ме удри со стап. Но, добро, тоа тие ќе го направат“, кажал Вучиќ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Србите објавија детали за дочекот на кинескиот претседател во Белград: „Вучиќ ќе му служи српски вина“
Претседателот на Кина, утре пристигнува во дводневна посета на Белград, а во тек се последните подготовки за неговото пристигнување.
Тој ќе биде придружуван од делегација од 400 луѓе, а ќе го обезбедуваат 3.400 полицајци.
„Блиц“ го објави планот за неговиот пречек.
Кси на аеродромот ќе биде пречекан со свечена церемонија и фолклор. Покрај патот во Белград ќе бидат поставени кинеско-српски знамиња, а на надвозниците ќе бидат испишани пораки.
Свечен дочек ќе биде организиран и пред Палатата Србија. Српскиот и кинескиот претседател ќе потпишат триесетина договори.
За време на ручекот ќе се служат српски јадења и вина, а претседателот Вучиќ лично ќе служи Џинпинг со српски вина, од пенливи до десертни вина, од кои повеќето се автохтони српски сорти.
Девојка од Србија ќе ја отпее песната „Татковино и јас“ на кинески, додека хорот „Чаролије“ ќе ја изведе песната „Прекрасен јасмин цвет“, исто така на кинески. .
Програмата ќе заврши со песната „Ова е Србија“, објави српскиот портал.
Регион
(Видео) Вo Шпанија уапсен еден од најбараните наркобосови во Србија
Шпанската полиција разби српска организирана криминална група осомничена дека го нападнала домот на ривалскиот клан од Србија минатиот јануари. Во акцијата беа уапсени 11 лица, меѓу кои и лидерот, по кого Србија распиша потерница уште во 2021 година.
Во провинциите Малага, Мадрид и Барселона се извршени апсења поради вмешаност во криминални дејствија – киднапирање, грабеж со насилство, недозволено поседување оружје, телесни повреди, фалсификување документи, трговија со дрога и членство во криминална организација.
Во акцијата на шпанската полиција одземени се три парчиња огнено оружјо. На некои им беа избришани сериските броеви. Запленети се и сто парчиња муниција, седум лажни лични документи, дрон и 16.000 евра во кеш.
Извршени се и седум претреси, од кои пет во Естепона.
Меѓу уапсените е и водачот на криминална група по која Србија распишала потерница во 2021 година. Тој е еден од најбараните луѓе во Србија.
Регион
300 милиони луѓе го гледале интервјуто на Вучиќ за кинеската телевизија
300 милиони луѓе го гледале интервјуто на српскиот претседател Александар Вучиќ за кинески CCTV.
Вучиќ во интервјуто посочи дека Србија може и треба да научи, како што наведе, „илјада работи од своите кинески пријатели“.
– Правиме големи подготовки за ЕКСПО. Кога управувате со земја имате високи цели. Секогаш мора да ги ставате новите цели на прво место. Ако сакаме да го постигнеме тоа, најдобар можен партнер за тоа отсекогаш била, и секогаш ќе биде, Народна Република Кина. Тука е и претседателот Кси, бидејќи тој секогаш го држи зборот. Го гледам како обичен, скромен човек, кога ќе вети нешто, го исполнува. Не можам да ви кажам дали имаме големи работи во железничкиот сектор, целокупната инфраструктура или индустрискиот сектор, економијата, туризмот, културата, но секако има илјадници работи што можеме и мораме да ги научиме од нашите кинески пријатели – рече Вучиќ во интервјуто за кинеската телевизија.