Спорт
Барселона преку Олимпијакос до третото место во Евролигата

Кошаркарите на Барселона го освоија третото место на завршниот турнир во Белград. Дуелот на поразените полу-финалисти, помеѓу Барселона и Олимпијакос заврши со резултат 84:74.
Барселона уште на стартот најави добар натпревар. Олимпијакос одигра лошо на двете страни од теренот, што им донесе предност на Шпанците од 10:2. Дури на крајот од првата делница Грците фатија приклучок. Везенков во последната секунда намали на 20:18.
Во втората четвртина црвено-белите од Пиреја одиграа многу подобра одбрана, но доминираа загубените топки на двете страни.
По 15 минути игра ги имаше дури 13.
Олимпијакос успеа да поведе, но на крајот од првото полувреме следуваше нова серија на Барселона. Сертак Шанли беше одличен, па на одмор се замина со 45:38.
Почетокот на третиот дел беше сличен на почетокот на натпреварот. Барса предводена од Миротиќ успеа да се одлепи на разлика од 15 поени.
Меѓутоа, кога се чинеше дека се е готово, Везенков ги крена на нозе навивачите од Пиреја, а тоа влијаеше на големото враќање на грчкиот тим.
Во решавачката четвртина Олимпијакос се доближја до 68:65, Јасикевичиус побара тајм-аут, а потоа играчите на грчкиот тим со серија грешки им овозможија на противниците да се одлепат на разлика од девет поени и да го добијат натпреварот.
Миротиќ беше најдобар со 19 поени (7/10 за два, 1/1 за три), 4 скока и 4 асистенции, Шанли додаде 16, Хигинс 11, Дејвис 10, а Калатес имаше 9 поени, 8 скока и 13 асистенции.
Во поразениот тим Саша Везенков постигна 20 поени со 11 скока, Слукас запиша 14 и 7 асистенции, Мекисик 11, а Тајлер Дорси 10.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Договорен е најголемиот трансфер во историјата на Премиер лигата

По долги преговори, Ливерпул и Баер Леверкузен го договорија трансферот на Флоријан Вирц.
Германскиот и англискиот клуб го потпишаа најголемиот трансфер во историјата на Премиер лигата, вреден 136,3 милиони евра, според англиските и повеќето европски медиуми и фудбалски инсајдери.
Договорот, исто така велат, е дефинитивно склучен, и сè што останува е двата клуба да го официјализираат договорот.
Ливерпул ќе му плати на Баер основни 117,5 милиони евра како обештетување и дополнителни 18,8 милиони во бонуси, па Вирц ќе може слободно да потпише петгодишен договор со „црвените“.
Вредноста на овој трансфер го надмина претходниот најголем во историјата на Премиер лигата, оној на Мојсес Кајсед од Брајтон во Челзи за 133 милиони евра.
Според порталот „The Atheltic“, во преговорите со Ливерпул, Баер побарал цели 150 милиони за Вирц, но на крајот, двете страни постигнале договор за помала сума.
Минатата сезона Вирц постигна 16 гола и 15 асистенции во 45 натпревари, а пред тоа беше клучен играч во шампионскит тим предводен од Чаби Алонсо.
Во 49 натпревари во шампионската сезона на Баер, тој постигна 18 гола и запиша 20 асистенции во 49 натпревари.
BREAKING: Liverpool and Bayer Leverkusen have come to an agreement on a British record deal for Florian Wirtz 🚨
The total package is £116.5m (€137.5 million), made up of a £100 m plus £16.5 million in potential add-ons. pic.twitter.com/HosbszL2r8
— Sky Sports News (@SkySportsNews) June 13, 2025
Спорт
По 34 години, Пипо ја врати Пиза во Серија А, па го напушти клубот

Поранешниот напаѓач на италијанската репрезентација, сега тренер, Филипо Инзаги, ја напушта клупата на Пиза еден месец по историската промоција во Серија А, објави клубот во петокот.
„Договорот на Инзаги, кој траеше уште две години, беше спогодбено раскинат“, објави тосканскиот клуб.
Се очекува 51-годишникот, како што тврдат медиумите ќе го преземе Палермо.
Палермо наводно ѝ платил на Пиза речиси милион евра за Инзаги. Сицилијанскиот клуб, во сопственост на Сити Фудбал Груп (сопственик и на Манчестер Сити), исто така се стреми кон враќање во Серија А.
Пиза заврши втора во Серија Б под водство на Инзаги, остварувајќи промоција во Серија А за прв пат по 34 години.
Алберто Џилардино е еден од кандидатите за клупата на Пиза, како и Марко Џампаоло, кој неодамна беше отпуштен од Лече.
Спорт
Гонзало Гарсија е новиот тренер на Хајдук

Гонзало Гарсија официјално го презеде Хајдук, потврди клубот. На клупата на третопласираниот тим од неодамна завршената сезона во Хрватска тој го наследи Гатузо.
Трансферот на тренерот беше потврден откако сплитскиот клуб постигна договор со Истра 1961, која претходно ја водеше Гарсија. Договорот е потпишан до летото 2028 година, а новиот тренер официјално ќе и биде претставен на јавноста следната недела, пред почетокот на подготовките на клубот за новата сезона.
Гарсија со Истра 1961 сезоната ја заврши на шестото место. Во 18 натпревари од вториот дел од сезоната, тој загуби само три пати, а покрај тоа, имаше седум победи и осум нерешени резултати.