Забава
(Видео) Најголеми трансформации на актери, од Џесика Бел до Џаред Лето
Некои од големите ѕвезди во Холивуд, кои се појавуваат во телевизиски серии и филмови, постои шанса да не ги препознаете.
Џесика Бел неодамна глумеше во „Кенди“, серија на „Хулу“ базирана на вистинска приказна за домаќинка убиец Кенди Монтгомери и нејзината жртва Бети Гор. Со кратка кадрава перика, големи очила и типична мода од 80-тите, Бел е речиси непрепознатлива како актерка што глумеше во хит-серијата на „Нетфликс“, „Грешникот“.
Џаред Лето – „Куќата Гучи“
Џаред Лето е речиси непрепознатлив како Паоло, син на Алдо Гучи и внук на основачот на модната империја „Гучи“ во драмата на Ридли Скот од 2021 година – „Куќата Гучи“.
Не сите беа задоволни со конечниот изглед – според „Асошиетед прес“, Патриција Гучи, правнука на Гучио Гучи, го осуди сетот фотографии што ги откриваат „несредената коса и сомотскиот костум во боја на јоргован“ на оскаровецот како Паоло. „Ужасно, ужасно“, рече таа. „Сѐ уште се чувствувам навредено“.
Шарлиз Терон – „Чудовиште“
Друга трансформација наградена со „Оскар“ беше онаа на Шарлиз Терон во крими-драмата „Чудовиште“ од 2003 година кога таа ја портретираше Ајлин Вуорнос, сериски убиец.
Веѓите на Терон беа избелени и делумно избричени, а таа беше покриена со полутрајно мастило за тетоважи за да ја направи нејзината кожа да изгледа стара. Таа се здебели 14 килограми за филмот.
Кристијан Бејл – „Машинист“
Во овој филм од 2004 година Кристијан Бејл го игра Тревор Резник, машинист со тешка несоница. Бејл мораше драстично да ја намали тежината од 78 на 49 килограми.
За да ги намали килограмите, актерот (најпознат по улогите во „Мрачниот витез“ и „Американски психо“) беше на драконска диета речиси четири месеци – една конзерва туна и едно јаболко дневно.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Кејт Мидлтон направи нова фотографија, има добра причина за тоа
Кенсингтонската палата објави нова слика од принцезата Шарлот за да го прослави нејзиниот деветти роденден.
„Среќен 9-ти роденден принцеза Шарлот! Ви благодариме за сите љубезни пораки денес“, пишува во описот покрај фотографијата објавена на социјалните мрежи.
Happy 9th Birthday, Princess Charlotte! 🎂
Thank you for all of the kind messages today.
📸 The Princess of Wales pic.twitter.com/2DSDiuO93c
— The Prince and Princess of Wales (@KensingtonRoyal) May 2, 2024
Како што е наведено, фотографијата ја направила принцезата од Велс.
Пред нешто повеќе од една недела на социјалните мрежи беше објавена нова фотографија и од нејзиниот помлад брат, принцот Луис.
Фотографијата, исто така направена од принцезата Кејт, беше споделена на 23 април за да го одбележи шестиот роденден на младиот член на кралското семејство.
Најстарото дете на Вилијам и Кејт, принцот Џорџ, ќе наполни 11 години на 22 јули.
Забава
Празнично ретро шоу на автомобили-олдтајмери на Градскиот плоштад во Крива Паланка
Градскиот плоштад во Крива Паланка, во сабота (4 мај), ќе биде возбудливо место на празнично Меѓународно ретро шоу на автомобили-олтајмери од Македонија и соседството, кои ќе бидат изложени за јавноста од 11,00 – 13,30 часот.
Љубителите на старите атрактивни автомобили ќе можат да уживаат во овој ретро авто-собир и ревијата на околу 30-тина автомобили, стари и по 40 години, од моделите на Мерцедес, Опел , Шевролет и други.
Ретро шоуто на олдтајмери го организира Општина Крива Паланка, во соработка со Клубот “Олдтајмер Витези” од Куманово, а учесници се повеќе олдтајмер клубови од нашата држава и од Србија.
Старата класа возила од минатиот век ќе тргне од собирното место во Куманово и ќе пристигне во 10,30 часот на паркингот кај ресторан „Облаче“ каде сите автомобили ќе бидат нумерирани и обележани со симболите на „Крива Паланка-Град на културата“. Возилата ќе продефилираат низ централното градско подрачје до Градскиот плоштад каде ќе бидат изложени и поставени нивните обележја.
Настанот ќе биде збогатен со настап на ДЏ Буѓо, а сите граѓани ќе можат одблиску да се запознаат со ретките примероци на олдтајмери, нивната приказна и историја, па дури и да си обезбедат специјално возење со овие стилски антиквитети на четири тркала.
Во 13,30 часот, олтајмерите ќе се упатат кон манастирот „Св. Јоаким Осоговски“ каде ќе бидат изложени на паркингот над црквата.
Ретро шоуто на олтајмери за првпат се организира во нашата општина , а е дел од манифестацијата „Крива Паланка- Град на културата 2024“.
Забава
Принцезата Шарлот денеска полни девет години, обожавателите со нетрпение очекуваат фотографија
Принцот и принцезата од Велс, имаат уште една причина за славење оваа недела – роденденот на принцезата Шарлот.
Принцезата Шарлот денеска наполни девет години и обожавателите со нетрпение ја очекуваа годишната роденденска фотографија што семејството ќе ја објави на нивниот посебен ден, објави Мирор.
Сепак, тие ја прекинаа традицијата минатата недела кога принцот Луис наполни шест години, а се чини дека планираат да го сторат истото и овој пат.