Спорт
Канело ќе одбие римеч со Бивол за „трилогија“ со Головкин
Едно од најголемите боксерски ривалства на денешницата ќе ни донесе нова епизода, откако Саул Канело Алварез потврди дека ќе избегне римеч со ВБА шампионот Дмитриј Бивол за во септември по третпат да влезе во рингот со својот најлут противник, Генадиј Головкин.
Алварез „скокна“ категорија во средно-тешка за да боксува со Бивол за титулата, но доживеа убедлив пораз на поени, покажувајќи дека оваа категорија не е за него. Сега, тој се решава за трилогија со Головкин, со кого имаше ремиво средна категорија во 2017, пред да го победи на поени следната година.
„Веќе имав договор со Головкин, така што продолжуваме според планот. Мислам дека тоа се двата најголеми боксерски мечеви на денешницата, мечот со Головкин и реваншот со Бивол. За жал загубив, но тоа не значи дека нема да се обидам повторно. Сега се враќам во септември и наскоро ќе го потврдиме датумот“, изјави Канело за „ЕСПН“.
Првите два меча меѓу Алварез и Головкин се сметаат за „класика“ кај фановите на боксот. Првиот меч беше контроверзен поради судиските оценки – едниот судија имаше 115:113 за Головкин, а вториот 114:114, додека судијката Аделејд Бирд оцени дека Алварез добил 10 од 12-те рунди. Ова предизвика истрага и таа беше суспендирана.
Римечот беше закажан за мај, но мораше да биде одложен откако Алварез беше позитивен на кленбутерол, по што Головкин се исмеваше со позитивниот тест. Тогаш, двајца судии го оценија мечот 115:113 за Алварез, а третиот сметаше дека било нерешено 114:114.
Канело го победи Головкин на поени во ри-мечот во Вегас (видео)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Шоу на Ел Каби против Астон Вила, Фиорентина во 91.минута го скрши Бриж
Во првите полуфинални натпревари на Конференциската лига, Олимпијакос победи со 4:2 против Астон Вила во Бирмингем, додека Фиорентина го совлада Клуб Бриж со 3:2. Реваншите се за седум дена во Грција и Белгија.
Олимпијакос одигра сензационално против Астон Вила, среде Бирмингем имаше двојно помал посед на топката, помалку шанси и помалку удари кон голот на противникот, но успеа да постигне четири гола.
Вистински херој е напаѓачот Ел Каби кој постигна хет-трик.
Ел Каби погоди во 16. минута, па во 29. минута, но впечатокот грчкиот тим го распиа во финишот на првиот дел, во 46.минута кога Воткинс го намали резултатот.
Тој гол донесе офанзива на Вила на почетокот на вториот дел, која ја материјализираше Дијаби.
Вториот гол на Вила не ги поремени играчите на Олимпијакос, набргу Ел Јаби од пенал во 56. минута погоди за 3:2, а Хезе иа ја врти предноста од два гола на црвено-белите од Пиреа.
Вила имаше шанса да го намали резултатот, но во 84. минута Даглас Луиз од пенал ја погоди стативата.
Фиорентина двапати имаше предност против Бриж. Сотил беше стрелец во петтата минута од играта, а израмни Ванакен од пенал во 17. минута. Белоти повторно и го врати водството на Фиорентина во 37. минута. Во продолжение Бриж остана со играч помалку во 61.минута, кога за само три минути Оњедика доби два жолти каротн.
Две минути по црвениот картон на Оњедика, Игор Тиаго го изедначи резултатот.
На крајот, сепак, Фиорентина сепак успеа да забележи победа. Голот за 3:2 го постигна Нзола во 91.минута.
Спорт
(Видео) ЛЕ: Баер зачекори во финалето, Аталанта избори реми во Марасеј
Баер Леверкузен победи на „Олимпико“, со што направи џиновски чекор кон пласманот во финалето на Лига Европа. На добар пат да му се придружи е и Аталанта која одигра нерешено со Олимпик во Марсеј.
Четата на Чаби Алонсо нема намера да запре, од почетокот на сезоната се уште нема пораз. Вечерва новиот шампион на Германија ја победи Рома во Рим со 2:0, во првиот полуфинален натпревар во Лига Европа.
„Фармацевтите“ водеа со 1:0 по првиот дел со голот на Вирц цо 28.минута, а победата ја потврди Андрих со спектакуларен гол во 73.минута.
На „Велодром“ во Марсеј сите дилеми околу конечниот резултат беа решени во првите 20 минути. Скамка и донесе предност на Аталанта во 11.минута, девет минути подоцна изедначи Мбемба.
Реванш натпревари на програмата се наредниот четврток.
Спорт
(Видео) Челси ги згасна сништата на Тотенхем за пласман во ЛШ
Челзи го победи Тотенхем со 2:0 во одложениот натпревар од 26. коло на англиската Премиер лига. Со овој пораз Тотенхем речиси остана без шанси да дојде до четвртото место и пласман во Лигата на шампионите. Тотенхем има седум бода помалку од Астон Вила на три кола до крајот на сезоната.
Челзи беше многу подобар тим во градското дерби, постигна голови на време и не им дозволи на Спарс да создаваат сериозни прилики. Во 24. минута Тревор Чалоба погоди со глава кога одлично реагираше на центаршутот на Конор Галагер.
До тој гол „сините“ имаа две шанси, а Тотенхем. Прво шанса пропушти Мудрик, а потоа Ромеро за Тотенхем.
Во вториот дел долго се чекаше на вистинска шанса. Во 72.минута Кол Палмер ја погоди пречката од слободен удар, а на топката налета Николас Џексон и го постигна вториот гол.