Европа
Орбан денеска ги најавува првите потези по воведувањето на вонредната состојба во Унгарија
Унгарскиот премиер Виктор Орбан воведе втора вонредна состојба во земјата, овој пат за отстранување на последиците од војната во Украина, а првата вонредна состојба поврзана со пандемијата на коронавирусот истекува во вторник следната недела, јавуваат новинските агенции.
„Светот е на работ на економска криза. „Унгарија мора да остане настрана во оваа војна и да ја заштити финансиската сигурност на своите семејства“, објави унгарскиот лидер на „Фејсбук“, пренесува „Франс прес“.
Орбан, кој го освои својот четврти последователен мандат на 3 април, претходно користел извршни наредби за да ја спречи миграцијата, а потоа и во пандемијата на коронавирусот, пренесува „Ројтерс“.
Новата вонредна состојба повторно ќе ѝ овозможи на владата на Орбан да усвои итни мерки, без парламент.
„Користејќи го своето уставно право, владата од полноќ прогласува вонредна состојба поради војната“, додаде тој.
Непосредно пред ова соопштение новоположениот парламент го измени уставот за да овозможи воведување ваква мерка поради конфликт. Таму партијата Фидес на Виктор Орбан има двотретинско мнозинство.
Првите одлуки донесени во оваа нова законска рамка ќе бидат објавени в среда, рече Орбан.
Орбан, кој е на власт во последните 12 години без прекин, западните партнери редовно го обвинуваат за злоупотреба на моќта во неговата земја, членка на ЕУ и НАТО, пренесе „Н1“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц ја откажа изборната кампања и ги посети поплавените региони во Германија
Германскиот канцелар Олаф Шолц денеска ги посети поплавените региони во западната германска сојузна покраина Сарланд, каде обилните дождови предизвикаа поплави и лизгање на земјиштето, а неколку згради беа евакуирани.
Шолц ја откажа својата изборна кампања во Сар, на границата со Франција, и наместо тоа, го обиколи делумно поплавениот пат во селото Клајнблитерсдорф заедно со регионалниот гувернер Анке Релингер.
Тој ја потврди солидарноста на сојузната влада со Сарланд.
„За жал, не е првпат да треба да се справиме со голема природна катастрофа, па ќе разгледаме што треба да се направи овде и што е неопходно“, им рече Шолц на новинарите.
Службите за итни случаи одговорија на илјадници повици за помош во главниот град на покраината, Сарбрикен.
Европа
Напаѓачот на Фицо доби мерка притвор за да не побегне и да не го повтори делото
Специјалниот кривичен суд во словачкиот град Пезинок, со силно полициско обезбедување денеска му одреди притвор на 71-годишниот Словак Јурај Цинтула, кој на 15 мај годинава во градот Хандлова со пет истрели го застрела премиерот Роберт Фицо и тешко го рани во стомакот.
Притворот за осомничениот е побаран поради опасност да не избега или да го повтори делото.
Осомничениот за нападот врз словенечкиот премиер Јурај Цинтула денеска призна вина.
Адвокатите предупредија дека признавањето на вината е спорно, бидејќи Цинтула веднаш по атентатот и апсењето бил сослушан во шок, без присуство на адвокат.
Европа
Премиерот Фицо уште е во животна опасност, напаѓачот призна вина
Осомничениот за нападот врз словенечкиот премиер Јурај Цинтула денеска пред Специјализираниот кривичен суд во градот Пежинок призна вина. Состојбата на премиерот Фицо и понатаму е сериозна.
Обвинителството вчера побара притвор за 71-годишниот Цинтула поради евентуално бегство или повторување на кривичното дело. Напаѓачот беше спроведен под силно полициско обезбедување, а ниту на новинарите им беше дозволен влез во Судот.
Премиерот на Словачка, Роберт Фицо на 15 мај беше застрелан во градот Хандалова додека се поздравуваше со насобраниот народ. Цинтула веднаш по нападот е приведен.
Тој се соочува со обвинение за обид за убиство од одмазда, за што е предвидена казна од 25 години до доживотен затвор.
Словачките политичари изјавија дека нападот врз Фицо не е политички мотивиран.