Спорт
Маркез утре ќе ја заврши сезоната, мора да оди на операција
Шпанскиот мотоциклист Марко Маркез ќе ја заврши сезоната по трката во Муѓело, беше потврдено на прес-конференцијата одржана по квалификациите во саботата. Возачот на Репсол Хонда ќе мора да оди на операција, бидејќи се мачи со повреда на раката.
„Како што се сеќавате, Марк беше опериран пред 18 месеци и оттогаш има долг процес на опоравување и напорна работа со лекарите во Мадрид. За жал, позицијата на мотоциклот не е она што тој сака да ја има за време на тркачкиот викенд. По консултација со лекарите, во петокот добивме информација дека операцијата може да се изврши, дека е можно тоа да се направи сега и затоа Марк ќе ја заврши сезоната по оваа трка. Сметаме дека ова е правилната одлука за сите“, изјави Алберто Пуѓ.
Маркез повторно доживеа пад на квалификациите во Муѓело, во еден момент гореше неговиот мотор. Тој кажа дека целта му е да биде целосно подготовен за сезоната 2023.
Засега не се знае кој ќе го замени Маркез во тимот на Репсол Хонда. Алберто Пуѓ истакна дека допрва ќе одлучи за тоа, бидејќи веста за здравствената состојба на Шпанецот стигна во петокот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Рубљов го освои Мастерсот во Мадрид
Рускиот тенисер Андреј Рубљов победи на Мастерсот во Мадрид.
Рубљов во финалето го совлада Канаѓанецот Феликс Оѓер-Алиасим по три сета, со пресврт 4:6, 7:5, 7:5 по два часа и 49 минути игра.
Рускиот тенисер во главниот град на Шпанија ја освои втората титула од серијата 1000, а воедно осмиот тенисер во светот стана првиот во кариерата кој победил на Мастерсот во Мадрид и во сингл и во двојки.
Русинот лани во Монте Карло го освои првиот трофеј на турнирите од серијата 1000, а за 27-годишниот Русин ова е 16. титула во кариерата, втора во 2024 година.
Спорт
Димитријевиќ од следната сезона ќе игра во Евролигата
Три клуба од Евролигата покажале сериозен интерес за најдобриот македонски кошаркар, Ненад Димитирјевиќ.
Димитријевиќ неодамна ја доби наградата за МВП во регуларниот дел од сезоната, во ВТБ лигата. Сезоната ја заврши со просек од 19 поени, 6,6 асистенции, 3,6 скока и 1,3 украдени топки по натпревар.
Пред две недели турнските медуми објавија дека Фенербахче е сериозно заинтересиран за Димитријевиќ. Во неделата, се појави информацијата на „Република Болоња“ дека за Македонецот се интересираат најдобрите италијански тимови, Олимпија Милано и Виртус Болоња.
Извесно е дека Димитријевиќ следната сезона ќе го гледаме во Евролигата.
Спорт
Хаос во Берлин, повредени 155 полицајци
Најмалку 155 полицајци се повредени во нереди на навивачите на натпреварот меѓу Динамо Берлин и Енерџи Котбус во германската четврта лига, соопшти берлинската полиција.
Полицијата соопшти дека при вдишување на солзавецот испукан од полицијата за да се спречат немирите се повредени 43 градски и 73 федерални полицајци, телесно се повредени 28 федерални полицајци, а 11 од нив се здобиле со рани од пиротехнички средства.
Tog en promenad till Hohenschönhausen för att se BFC Dynamo – Energie Cottbus med ett gäng norrmän. Stökigt både under och efter match. pic.twitter.com/NwSCp3xSeZ
— Ryström | hahohe (@rystromj) May 4, 2024
„Билд“ наведува дека се уапсени 74 навивачи, а против 62 е поднесена кривична пријава, меѓу другото, за „нарушување на мирот, физички напади врз органите на прогонот и давање отпор при апсење“.
Натпреварот беше прекинат во 20. минута поради тепачка на трибините, при што навивачите на Динамо запалија шалови и знамиња со симболите на ривалскиот тим.
Во соопштението се додава дека навивачите пукале со пиротехнички средства кон полициските сили и редарите кои стоеле во близина на теренот, по што припадници на безбедносните сили влегле на трибините и се обиделе да ги приведат навивачите.
04.05.2024🇩🇪BFC Dynamo away against Energie Cottbus https://t.co/Fjy3xrlEmQ pic.twitter.com/8Cbjf0lsh1
— Hooligans.cz Official (@hooliganscz1999) May 4, 2024
Енерџи Котбус победи со 2:0, а судирите меѓу навивачите продолжија и по натпреварот, пишува „Билд“. Котбус остана лидер во поредокот на две кола пред крајот, со два бода повеќе од Грајсвалд, со големи шанси за враќање во третата лига.