Спорт
„Кралевите“ ги нудат Лука Јовиќ и Марко Асенсио за Рафаел Леао
Европскиот првак Реал Мадрид има намера да го купи Рафаел Леао, офанзивецот на Милан, кој беше еден од хероите при освојувањето на „скудетото“. Португалецот имаше сезона од соништата, а воедно беше прогласен и за најдобар играч во Серија А.
Откупната клаузула изнесува 150 милиони евра, тој има валиден договор до 2024 година, а директорот на Милан Паоло Малдини работи на продолжување на соработката најмалку до 2026 година. Сепак, Реал Мадрид има друг план.
Раководството на „кралевите“ е подготвено да ги испрати Лука Јовиќ и Марко Асенсио на „Сан Сиро“ и дополнително да плати пари, за да го доведе Рафаел Леао на „Сантијаго Бернабеу“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Реал во јануари сака да го донесе Александер-Арнолд
Повредата на Дани Карвахал е една од вестите на неделата во шпанскиот фудбал. Сезоната за десниот бек на Реал Мадрид и шпанската репрезентација заврши поради повреда. Карвахал, во саботата, против Виљареал ги скина вкрстените лигаменти во десното колено.
Реал, сега на оваа позаиција го има само Лукас Васкез, што значи дека клубот ќе мора да биде активен во зимскиот преоден рок.
„Марка“, утрово пренесува дека Реал започнал сериозна потрага по десен бек и дека прва мета е Трент Александер-Арнолд.
Овој фудбалер има договор до крајот на сезоната, а Ливерпул би можел да заработи доколку реши да го пушти во јануари. Оваа варијанта е тешко остварлива, барем од оваа перспектива, бидејќи Ливерпул води преговори со Арнолд околу новиот договор.
Спорт
Бонучи: Двапати ги одбив понудите од Гвардиола
Леонардо Бонучи по завршувањето на минатата сезона реши да стави крај на професионалната кариера. Легендата на Јувентус во пензија замина како играч на Фенербахче.
Најдобрите денови во кариерата Бонучи ги мина во Јувентус, гно свежи се сеќавањата кога реши да го напушти клубот и да се пресели во Милан.
Бонучи во интервју за „Скај Спорт“, се потсети на тој период од кариерата.
„заминав во Милан поради кавгата што ја имав со Масимилијано Алегри. Се создаде чудна атмосфера помеѓу мене, тренерот, клубот… Немаше повеќе ’проток на енергија’. Единствениот што можеше да го реши тоа бев јас. Клубот е тој што одлучува, Алегри доби нов договор по финалето во Лигата на шампионите и сите се договоривме дека треба да се разделиме. Можев да останам, но ќе беше многу тешко да ги вратам работите какви што беа претходно. Сакав да останам блиску до дома поради мојот син и проблемите со срцето што ги имаше. Не ми се допадна идејата да заминам во странство бидејќи тоа е секогаш ризик. Го избрав Милан затоа што тие во тоа време започнуваа нов циклус. Мирабели и Фасоне донесоа многу засилувања, мислам 12“.
Познато е дека тој со години беше голема желба на Пеп Гвардиола, најпрвин во Баерн, потоа и во Сити.
„Ми канеше две години по ред: 2016 и 2017 кога отидов во Милан. Очигледно во 2016 година не размислував да ја прифатам понудата, бидејќи немаше шанси Јуве да ме стави на продажба. И јас бев среќен. Но, во 2017 година ми се јавија Мирабели и Монтела и ми кажаа дека ќе бидам водач и капитен на новиот проект. Не сакав да ја напуштам Италија. Кога му дадов збор на Милан, имаше покани од Манчестер Сити и Пари Сен Жермен. Но, јас сум таков човек и мојот збор е важен. Нивните понуди беа подобри од понудата на Милан, но јаз го дадов зборот…“
Епизодата во Милано заврши неславно.
„На крајот на сезоната, кога се се распадна, ми рекоа: „Веќе нема место за тебе овде“. Тогаш решив да се вратам во Јувентус. Со текот на времето, повторно се зближивме и работите функционираа подобро од порано“.
Во интевјуто Бонучуи, кој во кариерата играл против Меси и Роналдо, кој играч му правел најмногу проблеми.
„Искрено, играч поради кого не спев ноќ пред натпреварот е Дуван Запата. Силен, моќен, подвижен“.
Спорт
Јувентус не е заинтересиран за Рамос, замената за Бремер ќе ја донесе во јануари
Јувентус, во средата, остана без најдобриот дефанзивец и еден од најдобрите играчи во тимот. Бразилецот Бремер, против Лајпциг ги скина лигаментите во коленото. Сезоната за него е завршена.
Тешката повреда на Бремер ги поремети плановите на Јувентус, медиумите шпекулираа дека клубот веднаш ќе го потпише Серхио Рамос, кој се уште е без клуб, но ќелниците на „старата дама“ имаат поинаков план, ќе го чекаат зимскиот преоден рок за да донесат замена за Бремер.
„Имаме играчи кои можат да одговорат на предизвиците на таа позиција. На крајот на краиштата, би можеле да реагираме на зимскиот пазар доколку се укаже вистинската можност, но сега е рано да се зборува за тоа“, рече спортскиот директор на Јувентус, Кристијано Џунтоли.
Во неделата на натпреварот против Каљари (1:1), стоперскиот тандем на Јувентус го сочинуваа Пјер Калулу и Федерико Гати.