Црна хроника
Кривична за 28-годишен Jорданец кој со лажни податоци извадил македонски документи
Одделот за сузбивање на организиран и сериозен криминал – Единица за финансиски криминал поднесе кривична пријава против Н.А.(28) од Јордан, поради постоење основи на сомнение за сторени кривични дела „поднесување лажни докази“ и „употреба на исправа со невистинита содржина“ и против Е.Ј.(50) и И.Ј.(39), поради постоење основи на сомнение за сторено кривично дело „злоупотреба на службена положба и овластување“.
Првопријавениот, државјанин на Јордан, во текот на јуни 2019 година во Управата за водење на матични книги – Подрачно одделение Скопје поднел лажни податоци дека е син на македонска државјанка, со што успеал да се стекне со извод од матична книга на родените, матичен број, македонско државјанство и биометриска патна исправа.
Второ и третопријавениот, службени лица – матичари, по приемот на барањето од Н.А. постапиле спротивно на чл.21 од Законот на матична евиденција. Е.Ј. без да изврши проверка на поднесените податоци и да направи дополнителни проверки, до МВР поднела барање за проверка на државјанскиот статус на мајката, а по повратно добиениот одговор дека предметното лице е македонски државјанин проследила барање до Одделението за управни работи Скопје за определување матичен број.
Додека И.Ј. преку својата шифра го завел првопријавениот во матичната книга на родени, ги внел податоците во електронскиот систем на Управата за водење матични книги со што овозможил издавање на лични документи.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Мигранти од Турција и Ирак најдени на автопат кај Неготино
Полициски службеници од ОВР Неготино пронашле тројца мигранти, двајца од Република Турција и еден од Ирак, соопшти Министерството за внатрешни работи (МВР).
Мигрантите се пронајдени рано утрово, во 02.15 часот, на автопатот А1 кај Неготино по што се предадени на Полициската станица за граничен надзор Михајлово за натамошна постапка.
Црна хроника
71-годишен пензиониран кувар кој работел за дневница на прослава е загинатиот во лифт
Седумдесет и едногодишниот В.П. од Штип е починатиот кој вчера настрада во несреќа со лифт. Според неофицијалните информации кои ги пренесоа дел од медиумите, тој бил пензиониран кувар кој работел за дневница и непријавен на прослава во хотелот во кој се случила трагедијата. Во лифтот се носела храна, а кога се случила несреќата заедно со В.П бил и Т.О. (56) од Штип. Тој е тешко повреден,а работел како келнер на истата прославата.
Од МВР денеска информираат дека во 16:24 часот во штипската полиција е пријавено дека во хотел, при извршување на работни задачи, со тешки телесни повреди се здобиле В.П.(71) и Т.О.(56), двајцата од Штип.
„Тие биле пренесени во Клиничка болница Штип, каде што В.П. им подлегнал на повредите. Увид извршиле полициски службеници при СВР Штип, а на местото излегол трудов инспектор“, велат од МВР.
По наредба на јавен обвинител телото на починатиот било дадено на обдукција.
Топ
Во сообраќајката на „Водњанска“ во Скопје со повреди завршија седум лица
Седум лица се повредени во тешката сообраќајна несреќа која синоќа се случи на улица „Водњанска“, пред влезот на Клиничкиот центар „Мајка Тереза“.
Од МВР денеска излегоа со подетални информации за сообраќајката во која учествувале четири автомобили, од кои два биле паркирани.
„Сообраќајната несреќа се случила помеѓу автомобил ‘БМВ’ со скопски регистарски ознаки управуван од М.М.(45) од Скопје, автомобил ‘ауди’ со скопски регистарски ознаки управуван од Н.Р.(40) од Скопје, и две паркирани патнички возила ‘голф’ и ‘мерцедес’, двете со скопски регистарски ознаки“, велат од МВР.
Во незгодата со телесни повреди се здобиле седум лица, а извршен бил увид од увидна екипа на СВР Скопје.