Спорт
Дрес на Брајант од руки сезоната продаден за 2,73 милиони долари
Дресот што го носеше легендарниот НБА кошаркар Коби Брајант (1978-2020) во деби сезоната во НБА лигата е продаден за 2,73 милиони долари, објави „ЛА Тајмс“.
Аукциската куќа „СЦП“ денеска соопшти дека купувачот сакал да остане анонимен, како и продавачот кој го чувал дресот цели 25 години.
Извршниот директор на „СЦП“, Дејвид Келер, процени дека дресот од сезоната 1996-1997 година, кој Брајант го носеше на два натпревари во плејофот, може да биде продаден за сума помеѓу три до пет милиони долари, но сепак дресот е продаден за нешто помалку од три милиони.
Вториот дрес на Брајант од деби сезоната, минатата година беше продаден за 3,69 милиони долари.
Тој дрес го потпиша Брајант, а ја достигна највисоката цена досега за кошаркарски дрес.
Брајант загина на 26. јануари 2020 година во хеликоптерска несреќа во Калабасас, Лос Анџелес, кога загина неговата ќерка Дијана (13), како и уште седум други лица.
Photomatched game-used rookie Kobe jersey brought in $2.73 million last night at @SCPAuctions. pic.twitter.com/ZeVUwBEMI0
— Darren Rovell (@darrenrovell) June 5, 2022
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Швјонтек го освои Мастерсот во Мадрид
Тенисерката број еден во светот Ига Швјонтек ја освои титулата на Мастерсот во Мадрид. Таа во финалето ја победи Арина Сабаленка во три сета. За Швјонтек ова е 20-та титула во кариерата, а прва во Мадрид.
Резултатот по три часа и 14 минути борба беше 5:7, 6:4, 7:6 (9:7).
Спектакуларниот меч на двете најдобри во светот, кулминација доживеа во тај-брејкот во третиот сет кој Швјонтек го доби со 9:7.
Спорт
(Видео) Барди погоди од слободен удар
Енис Барди постигна гол за Трабзон, но неговиот клуб доживеа пораз од Самсин 3:1.
Капитенот на македонската репрезентација, во 32.минута погоди од слободен удар, ја намали предноста на 2:1, но само четири минути подцна Фернандес со авто-гол го постави конечниот резултат.
На три кола до крајот на сезоната, Трабзон се наоѓа на третото место со 58 бода, четири повеќе од Бешикташ. Доколку остане на третото место, Трабзон наредната сезона ќе се натпреварува во Лига Европа.
👌🏻👌🏻👌🏻 Trabzonspor 🔥Enis Bardhi pic.twitter.com/hnuPvPkxks
— 61post (@61post) May 4, 2024
Спорт
Тежок пораз на МЗТ од Спартак во Суботица
Македонскиот шампион МЗТ Скопје и наредната сезона ќе се натпреварува во Втората АБА лига. МЗТ, вечерва доѓивеа убедлив пораз на гостувањето кај најдобриот тим во регуларниот дел од сеозната, Спартак Суботица.
МЗТ имаше мали шанси да го изненади фаворизираниот противник, кој во Скопје победи со пет поени разлика. Но ниту најголемите песимисти не очекуваа дека македонскиот шампион ќе доживее тежок пораз.
Спартак сите дилеми, ако воопшто и ги имаше, ги реши во првото полувреме. Екипата од Суботица реализираше 80 отсто од шутевите за три поени во првиот дел (8/10) и на пауза замина со резултат 57:32.
Вториот дел беше само одработување на започнатото за Спартак кој славеше со 98:64.
Спартак за место во АБА лигата ќе се бори со Војводина.