Македонија
(Видео) Вархељ во Охрид ја поздрави иницијативата „Отворен Балкан“, Ковачевски нагласи дека главната цел е ЕУ

На самитот за иницијативата „Отворен Балкан“ во Охрид, денеска пристигна и европскиот комесар за проширување и соседска политика, Оливер Вархељ.
Претходно беше најавено дека Вархељ ќе се обрати на официјалното отворање на самитот преку видеоврска, како и американскиот претставник за Западен Балкан, Габриел Ескобар.
Официјалниот и работен дел на состанокот на оваа регионална иницијатива почна со обраќања на лидерите од регионот.
Со поздравни говори и со желби за успешна работа пред учесниците и гостите на самитот се обратија македонскиот премиер, Димитар Ковачевски, српскиот претседател, Александар Вучиќ, албанскиот премиер, Еди Рама, како и премиерот на Црна Гора, Дритан Абазовиќ, и Зоран Тегелтија, претседавач на Советот на министрите на БиХ.
Во своето обраќање на отворањето на самитот премиерот Ковачевски, поздравувајќи ги присутните, ги истакна придобивките од регионалното поврзување и соработка.
„Ова е време на големи предизвици што бараат храбри одлуки и заедништво. Иницијативата ‘Отворен Балкан’ е наша заложба за стабилен регион, владеење на мир, за соработка и за економски развој – ова е нашата заложба за подобар живот на нашите народи. Наша автохтона иницијатива за европеизација на регионот.
„Отворен Балкан“ веќе ги дава првите резултати за граѓаните и за стопанствениците. Зелената лента за транспортни возила на граничните премини Ќафасан и Табановце овозможува значително побрз проток на камионите што превезуваат земјоделски производи или храна. Внимателно следиме како се одвива протокот, дали и каде им застој. Нашите институции се во постојана комуникација со крајна цел на овие зелени ленти целосно да ги отстраниме меѓуграничните рампи и бариери. Знам дека чекањето на камионите е намалено, но знам дека можеме уште подобро и за тоа се залагаме заедно преку намалување на контролите и бирократијата и преку зголемување на довербата меѓу институциите на трите држави.
Бенефитите од „Отворен Балкан“ и меѓусебното помагање меѓу државите и народи ние го осетивме уште летоска. Како резултат на договорот за заедничко дејствување за време на природни и други катастрофи, соседите на Северна Македонија ѝ помогнаа во интервенција на пожарите што ја зафатија нашата земја минатото лето“, нагласи премиерот Ковачевски.
Тој посочи дека денеска ќе бидат потпишани нови договори и меморандуми за соработка.
„Со ваемното признавање на дипломи и научни звања издадени во високообразовните и другите овластени институции во трите земји, ќе ја забрзаме постапката за создавање единствен заеднички пазар на трудот. Недостатоците од работна сила најпрвин ќе си ги надополнуваме меѓусебно, што е причина повеќе младите да ни бидат тука, да не ни бегаат во светот.
Денес, отвораме и ново поглавје во нашата соработка во областа туризам. „Отворен Балкан“ заеднички ќе го промовираме како регионална атрактивна туристичка дестинација.
Денес, лансираме нова соработка и во областа култура. Се договоривме за креирање заеднички календар на културни настани, што ќе донесе поголема мобилност на публиката и ќе ја поттикне културната размена.
На овој самит ќе се потпише и меморандумот за разбирање за соработка на даночните администрации меѓу земјите од регионот, со што создаваме нова можност за полесно прекугранично движење на луѓе, стоки или услуги“, рече Ковачевски, кој истакна дека се остварува нешто што е вообичаена и нормална пракса во ЕУ.
Премиерот нагласи дека политичка цел на земјите од иницијативата е јасна и единствена, а тоа е дека Западен Балкан мора да стане дел од Европската Унија.
„Местото на секоја земја од регионот е во Европската Унија. По тој пат одиме. Заедно се европеизираме“, порача Ковачевски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
(Фото) Признанија за најдобрите ученици од општина Илинден

Градоначалникот на општина Илинден Александар Георгиевски приреди прием за учениците од општинските основни училишта кои освоија високи места на државните натпревари и им додели признанија за постигнатите резултати.
Градоначалникот им ги честиташе успесите на учениците и нивните ментори и истакна дека е горд што има голем број наградени ученици од општина Илинден. Тој додаде дека локалната самоуправа посветено цели да ги промовира и поттикнува постигнатите успеси и достигнувања на учениците од општината.
На вкупно 20-тина ученици и нивните ментори и годинава им беа доделени признанија за постигнатиот успех, што претставува признание за трудот на наградените, но и мотив за останатите. Учениците беа наградени за високи достигнувања на државните натпревари по македонски јазик, англиски јазик, биологија, природни науки, како и на натпреварот по Информатичко размислување, велат од Општината.
Македонија
(Фото) Герасимовски: Граѓаните со големи пофалби за новоизградената градинка Пролет

Вчера, во рамки на караванот „Се гледаме во маало“, градоначалникот Горан Герасимовски се сретна со жителите на населбата Пролет, каде пред само еден месец беше отворена најубавата и најмодерната градинка „Пролет“ во Македонија.
Жителите на оваа населба упатија големи пофалби за новоизградената градинка, прва и единствена во Пролет која претставува вистински пример за современа детска заштита. Изградена според највисоки светски стандарди, со целосно нова, безбедна и инклузивна средина, таа денес е гордост на целата општина, велат од Центар.
„Овие маалски средби ни се многу важни, тие се можност директно да го слушнеме мислењето на граѓаните, нивните идеи, предлози и предизвици. Затоа и го правиме овој караван, затоа што општината не треба да чека граѓаните да дојдат кај нас, туку ние треба да одиме кај нив и да работиме исклучиво во нивен интерес“, изјави Герасимовски.
Средбата се одржа на маалско игралиште кое беше опремено од градоначалникот Герасимовски, каде што децата безгрижно растат, учат и се дружат. Центарци го поздравија континуираниот развој на Центар, во изминатиот период беа реконструирани 20 улици, подобрени беа условите во сите градинки и основни општiски училишта, а есенва ќе биде пуштена во употреба и реконструираната спортска сала „Работнички“, уште еден капитален проект во интерес на граѓаните, соопшти Општината.
Македонија
Оставки од Тошковски и Јанев и кривична одговорност, бара СДСМ

Последната акција на ОЈО ГОК потврди сè. СДСМ ја говореше вистината за Кочани од првиот ден.
Уапсените полициски службеници вчера се лица кои СДСМ ги објави во серијалот „Вистината за Кочани“ како директно одговорни за дозволување на нелегалното работење на „Пулс“, велат од опозициската партија.
„Благодарение на објавените факти и притисокот, конечно се постапува. Но, останува фактот дека четири месеци директорот на Бирото за јавна безбедност Александар Јанев, министерот Панче Тошковски и целиот врв на ВМРО-ДПМНЕ се обидуваа да ги заштитат и да ја прикријат одговорноста.
Тие бранеа и криеја свои функционери, ја лажеа јавноста и вршеа притисоци врз Обвинителството за да не се постапува против нивните кадри кои се докажано директно одговрни за пожарот во кој изгореа 62 деца“.
Според СДСМ, Александар Јанев, како прв човек на БЈБ, има директна одговорност за своите подредени. Тој, како што велат, ги поставил, тој давал наредби и затоа додаваат дека мора да понесе оставка и да следи кривична одговорност.
„Истото важи и за Панче Тошковски, кој целиот период ја штитеше структурата во полицијата и тврдеше дека нема вина.
Христијан Мицкоски, пак, со недели ја користеше трагедијата за политички напади, обвинувајќи ги сите, освен оние што ги поставил на функција. Ги лажеше родителите, ја манипулираше јавноста и се обидуваше да ја задуши вистината.
Без одговорност за Јанев, Тошковски и Мицкоски, нема целосна правда. А правда за Кочани мора да има“, потенцираат од СДСМ.