Свет
Полскиот претседател: Вратете ни сè што ѝ дадовме на Украина
Помошта за Киев ги исцрпи воените резерви на Варшава, создавајќи празнини, вели полскиот претседател.
Полскиот арсенал на оружје е премногу намален поради воената помош за Украина, а на земјата ѝ се потребни западните сојузници за да ја компензираат огнената моќ што му била испорачана на Киев, им рекол полскиот претседател Анджеј Дуда на своите команданти.
„Очекуваме дека празнините во нашите ресурси ќе бидат пополнети во рамките на механизмите за поддршка на сојузниците“, рече Дуда на воениот брифинг.
Полска е најголемиот снабдувач на Украина со тешко оружје, вклучувајќи стотици тенкови, артилерија и друга опрема, додаде тој. Помошта вклучуваше стотици илјади куршуми, како и беспилотни летала и системи за противвоздушна одбрана.
Дуда рече дека Варшава брзо тргнала да ги задоволи потребите на соседна Украина на бојното поле, обезбедувајќи само воена помош во износ од околу 1,7 милијарди долари, откако Русија ја почна својата воена операција во февруари. Може да бидат потребни години за да се замени таквото оружје, додаде тој.
„Затоа, сега им се обраќаме на речиси сите наши сојузници, особено на нашите главни, да ни испратат опрема, која не мора да биде нужно нова“, рече Дуда.
„Напротив, дониравме користена опрема, за да можеме да прифатиме користена опрема сè додека барем делумно го компензира она што сме го изгубиле на начин што го сметаме за оправдан и очигледен. Полска е водечки застапник за казнување на Русија со санкции и за давање на Украина напредно оружје за да се одбрани од офанзивата“.
Радослав Сикорски, член на Европскиот парламент и поранешен полски министер за надворешни работи, отиде дотаму што сугерираше дека Западот може да му даде нуклеарни боеви глави на Киев за да се брани. Сепак, упорната проукраинска политика на Варшава има своја цена. Полска прими повеќе од три милиони украински бегалци и ја обвини ЕУ дека не обезбедила компензација за огромните трошоци. Очигледно, не целото оружје што го донираше Полска пристигна на бојното поле во Украина. Руското Министерство за одбрана на почетокот на овој месец соопшти дека во воздушните напади биле уништени тенковите Т-72 и други оклопни возила што и’ биле доставени на Украина од источноевропските земји. Tенковите биле скриени во објекти за поправка на вагони во Киев.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Вашингтон одложил неколку испораки на оружје за Израел
Администрацијата на американскиот претседател Џозеф Бајден одложи неколку испораки на оружје за Израел во изминатите две недели, изјави неименуван извор за Политико.
Изворот близок до администрацијата тврди дека Вашингтон на тој начин сака да испрати политичка порака до Тел Авив.
Белата куќа, се вели, не може да поддржи израелска офанзива врз градот Рафах во јужниот дел на Појасот Газа без соодветен и веродостоен хуманитарен план.
Одложените пратки вклучуваат опрема за наведувани бомби направени од Боинг, дизајнирани да бидат попрецизни.
Свет
(Видео) На аеродромите во Велика Британија илјадници патници блокирани: Проблемот е на „национално ниво“
Аеродромите низ Велика Британија се во хаос откако сите порти беа затворени поради компјутерска грешка во граничните служби, пишува Дејли мејл.
Сликите на социјалните мрежи покажуваат огромни редици пред портите додека илјадници луѓе чекаат да им ги проверат пасошите.
At Heathrow Airport and no one is allowed to get through passport security. The queue is way longer than this. Apparently the issue is a system outage. pic.twitter.com/QdGhlLezZS
— Roshane Thomas (@RoshaneSport) May 7, 2024
Се шират гласини дека Хитроу не е единствениот аеродром погоден од наводната грешка, туку и Манчестер и Гетвик.
Big issues at Heathrow Passport Control with every single E-Gate not working. This is T3 pic.twitter.com/EkzcYGRckP
— Sam Morter (@SamuelMorter) May 7, 2024
Персоналот на Хитроу, наводно, им рекол на патниците во редици дека тоа е национален проблем.
Fun at Heathrow T5. Computers down at border control. Massive queue. Staff trying their best to keep people informed and some very entitled people here! #heathrow #bordercontrol #T5 pic.twitter.com/kKk2SdUtT4
— Nikki Woodruff 💙 (@ManicPeanut) May 7, 2024
Една патничка за „Дејли мејл“ изјавила дека чекала ред цел час, а персоналот на аеродромот почнал да дели вода.
Таа додаде дека на луѓето им било кажано дека аеродромот работи на алтернатива за проверка на документите на патниците.
Регион
Кси слета во Србија: Претседателот на Кина пречекан од Вучиќ и државниот врв
Заедно со претседателот на Србија Александар Вучиќ и првата дама, кинескиот претседател Кси Џинпинг беше пречекан на црвениот тепих од српската делегација составена од премиерот Милош Вучевиќ, претседателката на Собранието Ана Брнабиќ, министерот за надворешни работи Марко Ѓуриќ, српската амбасадорка во Кина Маја Стефановиќ и кинескиот амбасадор во Белград Ли Минг со сопругата.
Свечениот пречек на кинеската делегација која брои 400 лица е закажан за в среда пред палатата „Србија“.
Домаќин на претседателот Кси Џинпинг ќе биде српскиот претседател Александар Вучиќ, а двајцата лидери ќе разговараат за широк спектар на теми – од политички, економски и технолошки до соработка во областа на културата.
За време на дводневната посета на Кси Џинпинг на Србија, планирано е да се потпишат над 30 договори.
Беше организиран и свечен ручек на кој кинескиот претседател ќе има можност да дегустира српски јадења и вина, а ќе има и музичка програма на српски и кинески јазик, која ќе заврши со песната „Ова е Србија“.
Поради доаѓањето на кинескиот претседател преземени се големи безбедносни мерки, па неговата делегација ќе ја обезбедуваат 3.400 полицајци.