Спорт
Ф1 се враќа во Африка
Формула 1 ќе се врати во Африка. Би-би-си пренесува дека од наредната година повторно ќе се вози трката за Големата награда на Јужна Африка, на патеката Кјалами.
Првиот човек на Формула 1, Стефано Доменикали, отпатува за Јужна Африка, каде ќе се сретне со претставници на локалните власти и организаторите.
Носителот на маркетиншките права во Формула 1, „Либерти медиа“ се залага за што побрзо враќање на африканската трка во календарот.
Според некои информации, двете страни се блиску до договор, а трката за Големата награда на Јужна Африка би можела да се вклучи во календарот веќе во 2023 година.
Во тој случај, следната сезона во првенството би се возеле 24 трки.
Последната трка на патеката Кјалами се одржа во 1993 година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Раководството (засега) го поддржува Фонсека, ги критикува играчите
Настаните во Милано и понатаму се централна тема во италијанските медиуми, особено во светло на неверојатните сцени во Фиренца на натпреварот против Фиорентина. Тие настани ја обновија дебатата за статусот на тренерот Пауло Фонсека.
Токму кога Милан врза три победи во Серија А и навидум влезе во трката за врвот, се случи Фиренца. Пораз со два промашени пенали, не го остави рамнодушна ниту секогаш прбраниот Фонсека.
Тренерот им се налути на Тео Ернандез и Тами Ејбрахам што ја преземаа „одговорноста“ иако Кристијан Пулишиќ е првиот избор на Португалецот.
Под критики е и Фикајо Томори бидејќи кога беше доседен вториот пенал, тој ја зеде топката и му ја деде на Ејбрахам.
Кога на тоа ќе се додадат сцените од Рим од неодамнешното гостување кај Лацио, кога Рафаел Леао и Тео Ернандез се тргнаа на страна кога тренерот делеше совети, јасно е дека тренерот нема многу авторитет меѓу играчите. Барем не меѓу најголемите ѕвезди.
Тоа го препозна и управниот одбор кој го критикува и го осудува односот на играчите. И засега му даваат целосна поддршка на тренерот, иако резултатите не се најдобри.
Спорт
Иниеста: Мислев дека овој ден никогаш нема да дојде
Поранешниот шпански репрезентативец Андрес Иниеста во Барселона изјави дека му се исполнил сонот да стане фудбалер и додаде дека планира да стане тренер, пренесуваат шпанските медиуми.
Иниеста денеска и официјално се прости од фудбалот на церемонија во Барселона.
„Мислев дека овој ден никогаш нема да дојде. Овие солзи што ги гледате не се поради тага. Ова се солзите на едно дете од Фуенталбиља, кое сонуваше да стане фудбалер. И јас го остварив тој сон, со многу жртви. Не се откажав“, изјави Иниеста.
На церемонијата присуствуваа поранешните соиграчи на Иниеста и првиот тим на Барселона предводен од тренерот Ханси Флик и претседателот на клубот Џоан Лапорта.
„Семејството, сестрата и родителите отсекогаш ми биле движечка сила. Тие беа покрај мене, ми дадоа се. Денеска имам одлично семејство, сопругата и децата се мојата инспирација”, додаде поранешниот играч на Барселона.
Иниеста (40) кариерата ја започна во Албасете, а потоа играше за Барселона од 1996 до 2018 година. Со каталонскиот клуб освои 29 трофеи. Потоа играше за Кобе од 2018 до 2023 година, а минатата сезона беше член на клубот Емирати од ОАЕ.
„Ла Масија ме промени засекогаш. Тоа е најдоброто место каде што можев да напредувам. Доаѓањето во Барселона беше сон, бев на најдоброто можно место. Имав чест да го гледам „Ноу Камп“ секој ден, а потоа да играм на тој терен. Најдобриот период го поминав во Барселона. Уживавме во клубот и играчите и навивачите, не можам да ги заборавам соиграчите и тренерите од тој период.“ – вели Иниеста.
Иниеста за шпанската репрезентација од 2006 до 2018 година одигра 131 натпревар и постигна 13 голови. Со репрезентацијата на Шпанија го освои Светското првенство во 2010 година и Европското првенство во 2008 и 2012 година.
„Мојата приказна во репрезентацијата започна на 15 години. Сите тие тренинзи, соиграчи со кои играв..Им благодарам на сите што ги запознав. Ја имав привилегијата да бидам во националниот тим во неговиот најславен период”, изјави поранешниот шпански репрезентативец.
Тој најави дека планира да стане тренер.
„Не можам да бидам далеку од фудбалот. Тоа беше и ќе биде мојот живот. Мотивиран сум да бидам тренер. Би сакал да можам да играм до 90 години, но среќен сум бидејќи го исполнив сонот да бида фудбалер“, заклучи Иниеста.
Спорт
Реал му одаде признание на Иниеста: Тој гол ќе се памети засекогаш
Легендарниот Андрес Иниеста објави крај на кариерата, а Реал Мадрид, најголемиот ривал на Барселона, каде Иниеста настапуваше 16 години, му оддаде почит на еден од најдобрите шпански фудбалери на овој век.
Во соопштението на „кралскиот клуб“, по повод официјалното пензионирање на Иниеста се наведува: „Реал Мадрид, неговиот претседател и раководството на клубот сакаат да и оддадат признание и восхит на една од најголемите легенди на шпанскиот и светскиот фудбал.
Андрес Иниеста го збогати спортот со својата игра и вредности, со сите трофеи што ги освои во текот на кариерата.
Неговиот славен гол во финалето на Светското првенство во 2010 година засекогаш ќе остане во сеќавањето на секој шпански навивач.
Реал Мадрид нему и на неговото семејство му посакува се најдобро во ова ново поглавје во животот“.