Свет
САД ќе испратат ново оружје во Украина вредно милијарда долари
Претседателот на САД, Џо Бајден, најави дополнително оружје за Украина, вредно милијарда долари.
За новото оружје, Бајден телефонски го известил украинскиот претседател Володимир Зеленски.
Како што е наведено, помошта вклучува дополнително артилериско и крајбрежно одбранбено оружје, како и муниција за артилерија и напредни ракетни системи.
Бајден најавил и дополнителни 225 милиони долари хуманитарна помош за украинските цивили. Помошта вклучува снабдување со вода за пиење, критични медицински материјали, како и пари за основните потреби на жителите.
Зеленски се заблагодари за помошта
Зеленски му се заблагодари на американскиот претседател за испраќањето воената помош.
„САД најавија ново засилување за нашите одбранбени сили, нов пакет поддршка од 1 милијарда долари. Благодарен сум за оваа поддршка, таа е особено важна за нашата одбрана на Донбас“, изјави Зеленски денеска за „Гардијан“.
„Даваме сè од себе да ги надминеме предностите на Русите“
„Благодарен сум и на американската влада за мобилизирањето на партнерската помош. Разговарав со Бајден за тактичката ситуација на бојното поле и како да ја забрзаме нашата победа“, рече украинскиот претседател.
„Се разбира, даваме сè од себе за да ги надминеме предностите на Русите. Секој ден се борам Украина да го добие потребното оружје и опрема. Она што не можеме да го воведеме е храброст, мудрост и тактички вештини, а нашите херои ги поседуваат овие доблести“, додаде тој.
Русија: Западот индиректно војува со Русија
Рускиот амбасадор во ОН, Василиј Небензја ги обвини западните земји за „индиректна војна со Русија“.
„Сакам да им порачам на западните земји кои ја снабдуваат Украина со оружје – крвта на цивилите е на вашите раце“, рече тој.
Украина ги повикува САД и другите западни земји да и снабдат оружје поради зголемениот притисок од руската армија во источниот регион Донбас.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Четворица тинејџери под истрага за нападот на германскиот пратеник во Европскиот парламент Матијас Еке
Четворица германски тинејџери се под истрага за нападот врз германскиот пратеник во Европскиот парламент (ЕП) Матијас Еке, кога беше тешко повреден и му беше потребна операција, соопшти полицијата.
Полицијата соопшти дека 17-годишникот дошол во полициската станица во саботата и рекол дека бил вклучен во нападот врз Еке, а полицијата идентификувала уште тројца напаѓачи во неделата, откако ги пребарала нивните домови и собрала докази, објави Ројтерс.
Сите четворица се германски државјани на возраст од 17 до 18 години.
Регион
300 милиони луѓе го гледале интервјуто на Вучиќ за кинеската телевизија
300 милиони луѓе го гледале интервјуто на српскиот претседател Александар Вучиќ за кинески CCTV.
Вучиќ во интервјуто посочи дека Србија може и треба да научи, како што наведе, „илјада работи од своите кинески пријатели“.
– Правиме големи подготовки за ЕКСПО. Кога управувате со земја имате високи цели. Секогаш мора да ги ставате новите цели на прво место. Ако сакаме да го постигнеме тоа, најдобар можен партнер за тоа отсекогаш била, и секогаш ќе биде, Народна Република Кина. Тука е и претседателот Кси, бидејќи тој секогаш го држи зборот. Го гледам како обичен, скромен човек, кога ќе вети нешто, го исполнува. Не можам да ви кажам дали имаме големи работи во железничкиот сектор, целокупната инфраструктура или индустрискиот сектор, економијата, туризмот, културата, но секако има илјадници работи што можеме и мораме да ги научиме од нашите кинески пријатели – рече Вучиќ во интервјуто за кинеската телевизија.
Свет
Едно лице е тешко повредено во експлозија во зграда во Турција
Едно лице е тешко повредено во експлозија во станбена зграда во турскиот град Текирдаг, во северозападна Турција.
Засега не е познато што ја предизвикало експлозијата во станот на последниот кат од петкатницата, а како што неофицијално дознава телевизијата ТРТ, најверојатно е дека експлодирала плинска боца.
Од силината на експлозијата оштетени се ѕидовите во станот, а искршени се прозорците.