Црна хроника
Ограбени продавница, стан и американски џип
Еден маркет во Скопје и еден стан се ограбени во петокот, при што се украдени дневниот промет, евра и накит, како и џип со американски регистарски таблички во Кичево, од каде се украдени пари и пасоши.
Во првиот грабеж, во петокот, околу 23.10 часот во ЕИК-Скопје непознато лице пријавило дека на ул.„Павле Илиќ“ во маркет, непознат сторител со закана со пиштол извршил разбојништво над вработените, при што ги одзел парите од дневниот промет, а потоа побегнал во непознат правец. Се преземаат мерки за пронаоѓање на сторителот и за целосно расчистување на случајот.
Исто така во петокот, во периодот од 11.15 до 12.45 часот во Скопје на ул.„Борка Талевски“, во стан сопственост на К.Е. (71), непознат сторител извршил тешка кражба. Сторителот со подесен клуч ја отворил влезната врата, влегол внатре и по извршено пребарување одзел 14.500 евра, женска чанта во која имало пари (евра и денари) во вкупна вредност од околу 420.000 денари и накит.
После тоа го напуштил местото и заминал во непознат правец. Се преземаат мерки за пронаоѓање на сторителот и за целосно расчистување на случајот. Во 2 часот телефонски во полициска станица Кичево, А.Б. (34) од село Колибари пријавил дека на во четвртокот околу 21.30 часот во автомобил „Џип Чироки“ со американски национални ознаки, од страна на непознат сторител била извршена кражба.
Сторителот одзел женска чанта во која имало 9.450 евра во разни апоени, 4.720 американски долари во разни апоени, накит, три патни исправи издадени од САД на име на пријавителот, неговата сопруга и нивниот син и две патни исправи издадени од Македонија на име од пријавителот и неговата сопруга.
Се преземаат мерки за пронаоѓање на сторителот и за целосно расчистување на случајот./крај/со/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Уапсен дилер од Штип, пронајдена дрога и голема сума пари
МВР информира дека вчера по преземени оперативни мерки и дејствија, полициски службеници од Отсекот за недозволена трговија со дрога и оружје го уапсиле 32 годишниот Б.М. од Штип.
При претрес во неговиот дом во Штип извршен по насоки од надлежен обвинител, биле пронајдени и одземени прашкаста материја, поголема сума на пари и дигитална вага.
„Лицето е задржано во полициска станица и во текот на денот со кривичната пријава ќе биде предаден на судија на претходна постапка за понатамошно постапување“, соопштија од полицијата.
Црна хроника
Стружанец објавувал експлицитна содржина од малолетничка
Полицијата во Тетово поднесе кривична пријава против А.А.(41) од Струга, поради постоење основи на сомнение за сторени кривични дела „злоупотреба на лични податоци“ и „производство и дистрибуција на детска порнографија“.
Пријавениот, на социјална мрежа, објавил фотографии и видео снимки со експлицитна содржина од женско лице, кое во тоа време било малолетно.
Црна хроника
Жена од Гевгелија измамила Грк дека е од Царина и му зела 2.000 евра
Полицијата поднесе кривична пријава против М.Ј.(46) од Гевгелија, поради измама.
„Пријавената, на 13 септември на царинскиот терминал на Граничниот премин „Богородица“, го довела во заблуда грчкиот државјанин К.Г.К., на начин што лажно се претставила дека е застапник во царински постапки и лажно му прикажала факти дека сторил тежок царински прекршок, поради што ќе биде задржан на македонско-грчката граница од страна на царинските власти и му побарала 2.000 евра, за да му помогне, на што се согласил“, објави МВР во дневниот билтен.