Македонија
Време е за одмор – патна аптека за летување
Патната аптека за летување за повеќето вообичаено не е прва од сите важни подготовки потребни за летување, но дефинитивно е една од неопходните за мирен одмор. Особено ако патувате со деца. Потребно е да бидете подготвени и со вас да имате од сè по нешто со цел денот од одморот да не го поминете во потрага по локална аптека, каде може и нема да успеете да се разберете со фармацевтот. Летото е пред нас и треба да се подготвиме за плажа, сонце и многу забава.
Но, што да се спакува во патната аптека треба да одлучиме пред да тргнеме во аптеки.
Првиот и многу важен чекор при посетата на аптеката е да се одберат производи на производител кому му верувате, кој го познавате и чиј квалитет на производи е докажан и постојан. Галеника, производител чии производи ги користиме веќе 77 години е фармацевтска компанија која е посветена на луѓето и верна на здравјето.
Фармацевтот во аптеката, пак, може да ви помогне со секоја дилема што ја имате за начинот на користење на производот.
Составот на патната аптека треба да се прилагоди и на стилот на одморање – мирна недела покрај море или одмор исполнет со адреналин на планина. Но ова се основите производи што треба да ги имате со вас.
МАЧНИНА
Не секој добро го поднесува патувањетo. Во вашата аптека имајте и лек кој ќе ја превенира мачнината, повраќањето или вртоглавицата. Нашиот избор е dimenhidrinat. Може да се користи и за деца со претходна консултација со лекар.
НАСТИНКА
Кога симптомите се на почеток доволно е некој домашен лек, на пример карамелизирано млеко да го смири грлото. Но, добар избор е подигнување на имунитетот за организмот подобро да се справува со настинките. Може да користиме Oligovit за подигнување на имунитетот и комбинација на ibuprofen со pseudoefedrin за справување на симптомите на настинка.
ЛЕК ЗА БОЛКИ И ТЕМПЕРАТУРА
Вообичаено дома секој има парацетамол, истиот претставува прв избор кој помага и за намалување на болките и за регулирање на телесната температура.
ПАТУВАЧКА ДИЈАРЕА
При патување, поради промената на средината често знае да дојде до појава на дијареа. Користењето пробиотик пред и за време на патувањето е секогаш вистинско решение за регулирање на цревната флора и заштита од појава на дијареа како и третман на истата. Од богата понуда на пробиотици во аптеките, одбравме пробиотик од семејството на Flonivin.
НЕГА НА КОЖАТА ПО СОНЧАЊЕ
По млеко за сончање со висок заштитен фактор, кожата треба да се потхрани и подготви за следното излегување на сонце. Pantenol и Pantenol Pena се одличен избор за смирување на кожата по сончање и нејзина хидратација. Одлично надополнување за нега на кожата, особено за изгореници од сонце, каснување или разни иритации на кожата е Jekoderm.
АЛЕРГИИ И УБОД НА ИНСЕКТИ
При појава на осип предизвикан од алергиска реакција или убод од инсект еден од лековите од избор е desloratadine. Во форма на таблети и сируп прилагодени форми за возрасните и децата.
АНТИБИОТИК
Вообичаено и лекарите не препорачуваат со себе да носите антибиотик. Ако постои потреба, најдобро е да посетите лекар, кој ќе ви објасни дали е потребен антибиотик или само симптоматска терапија.
Убав и безбеден одмор!
(ПР текст)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Посебен сообраќаен режим утре и задутре во Тетово поради предизборни митинзи
СВР Тетово информира дека поради одржување на митинзи на политичките партии во рамки на предизборната кампања во следните два дена (недела и понеделник) ќе има посебен сообраќаен режим во центарот на градот.
– Ќе се воведе посебен режим на сообраќајот и тоа по булевар „Илирија“од влезот на Тетово сè до плоштадот, односно кружниот тек со булевар „Илинденска”, при што нема да се дозволува паркирање на возилата низ булеварот. Исто така, за време на митинзите сообраќајот ќе биде пренасочен по другите улици, и тоа по улиците „ЈНА“, „Тодор Ципоски-Мерџан”, „Јане Сандански“ и улица „Никола Тесла“, се вели во соопштението на СВР Тетово.
Отттаму со апел возачите да бидат трпеливи и да ги почитуваат наредбите што ќе ги издаваат полициските службеници.
Македонија
Ковачевски: Имаме задача да не се откажеме од европскиот сон за подобра и просперитетна држава за идните генерации
„Нашата генерација има задача да не се откаже од европскиот сон на земјата и да направи сè за Македонија да стане рамноправна членка на Европската Унија“, порача претседателот на СДСМ, Димитар Ковачевски, на митингот на Коалицијата за европска иднина во Кичево.
Ковачевски истакна дека денеска кога чествуваме 121 година од смртта на македонскиот револуционер, идеолог и учител, Гоце Делчев, важно е да се потсетиме дека низ историјата нашиот народ не се откажувал дури ни пред најтешките предизвици. Порача дека 8 мај е нов историски крстопат, денот кога сите прогресивни и демократски сили во државата треба да одлучат државата одлучно да продолжи на патот кон Европската Унија.
„Само така ќе изградиме подобра и просперитетна држава за идните генерации. Држава со европски животен стандард, европски вредности, европски правила на игра“, рече Ковачевски.
Ако ВМРО ДПМНЕ и Силјановска се дограбат до власта, ќе стават рампа на патот на Македонија кон Брисел и ќе можеме да се збогуваме од ЕУ, истакна Ковачевски.
„Не смееме да ја повториме грешката од минатото и да дадеме преголема моќ во рацете на десничарска партија како ВМРО ДПМНЕ. Уште се свежи раните што ѝ ги нанесоа на државата за време на нивното 11-годишно владеење на Македонија. Сетете се на заробените медиуми, замолчените вработени во јавниот сектор, натепаните студенти во библиотеките и плоштадите. Сетете се на милионите потрошени за жални врби, лажен барок, евтин стиропор само за да се богатат поединци од ВМРО – ДПМНЕ“, истакна Ковачевски.
Лидерот на СДСМ пред граѓаните на Кичево најави повисоки плати и пензии, пакети за поддршка на учениците и студентите, одговорна социјална политика и одлучна борба против криминалот и корупцијата.
Македонија
Проданоски: Експресниот пат Градско-Прилеп ни од далеку не е готов, да ставиме крај на лагите на СДСМ на 8 мај
Тука сме на лице место за да ги разобличиме лагите кои што СДСМ се обидуваат да ги пласираат до јавноста, рече Дејан Проданоски, претседател на ОК на ВМРО-ДПМНЕ Прилеп.
– Овде во Дреновската клисура каде што сме на самиот старт на почетни градежни активности, а за кои што слушнавме дека во 90 % експресниот пат е завршен. Овие се истите лаги исто како оние на почетокот на нивниот мандат кога Фејсбук и Гугл чекаа на граница, истите лаги како фабриката за автомобили во Тетово. Но, македонските граѓани треба да видат и да знаат дека овде на ова место е сам старт на почеток на градежни активности, а не е видлив ниту крајот на она како што тие сакаат да го пласираат. Да не зборувам тука и за третата фаза од експресниот пат за која што има обезбедено средства и за која што можеше исто да биде завршена ако не беа платени пеналите кон компанијата на која што и се бараше рекет за да остане да го гради автопатот и се изгуби значително голем период од изградба на патот и барање на друга компанија, рече тој.
На лагите од СДСМ им нема крај, овие лаги мора да завршат, затоа на 8-ми мај ве повикувам сите да заокружите број 2 за да и ова автопатско решение биде завршено и биде ставено во функција на секој граѓанин на Република Македонија, додаде Проданоски.