Спорт
На Просинечки не му се верува дека навивачите на Звезда се против Пикси
Поранешниот фудбалер и тренер на Црвена звезда, Роберт Просинечки вели дека е неверојатно што „Делиите“ се свртија против српскиот селектор Драган Стојковиќ-Пикси со свирежи и транспаренти на „Маракана“.
За време на финалето на Купот на Србиј, кога Стојковиќ беше на стадионот, навивачите извадија траспарент на кој пишуваше: „Никогаш не била твоја, ти никогаш не си бил нашиот. На деценискиот потоп по тебе се сеќава секој звездаш. Сајонара“. Просинечки, кој исто како Пикси беше дел од славната генерација на Звезда која освои европска титула е зачуден.
„Не сум добро упатен и не сакам да навлегувам во приказната. Не знам што би кажал освен дека тоа не е нормално. Пикси беше претседател, петта ѕвезда, легенда на клубот и сега има проблеми со навивачите и клубот. Тоа не е нормално. Не знам дали тоа е став на клубот или само на навивачите. Во навивачките групи се случуваат многу чудни работи. И претходно имаше такви работи, но сега е посериозно и омразата е поголема, што треба не загрижува. Пикси ја води Србија на СП, тимот одлично му игра и нема подршка. Сосема чудно“, вели Хрватот за „Спорт клуб“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Жиру ќе се повлече од националниот тим
Оливие Жиру на Европското првенство ќе ги одигра последните натпревари во дресот на Франција. 37-годишникот кој од наредната сезона ќе игра за Лос Анџелес ФК реши да стави крај на кариерата во репрезентацијата.
„За мене репрезентативната приказна ќе заврши по Европското првенство. Мора да им оставиме простор за младите играчи“, изјави меѓу другото напаѓачот за „Лекип“.
Од своето деби за „Триколорите“ во 2011 година, Жиру одигра 131 натпревар и постигна 57 голови, со Франција стана светски првак во 2018 година.
Франција на ЕУРО 2024 ќе се натпреварува во групата Д заедно со Полска, Холандија и Австрија.
Спорт
(Видео) Со солзи во очите Клаудио Раниер замина во пензија
Каљари во минатато коло обезбеди опстанок во Серија што беше главна цел на екипата од Сардинија, која од клупата ја предводи легендарниот Клаудио Раниери. Синоќа 72-годишникот последен пат во кариерата водеше една екипа на фудбалскиот терен. Со солзи во очите тој замина во пензија.
Каљари ја пречека Фиорентина, натпреварот заврши со победа на гостите од Фиренца 2:3. Виола постигна гол за победа од пенал во 103.минута.
На почетокот на натпреварот целиот стадион, играчите на двата тима, па дури и судиите му аплаудираа на Раниери. Тој е можеше да ги задржи солзите.
Claudio Ranieri fighting back the tears as he receives a standing ovation ahead of his final game as Cagliari manager and likely his entire managerial career. pic.twitter.com/xtGU1Y1IYe
— HLTCO (@HLTCO) May 23, 2024
„Одлучив Каљари да биде последниот клуб во мојата кариера. Морам да напоменам дека не сум кандидат за селектор на Италија. И да, Каљари е последен клуб со кој раководам во мојата кариера.
Ова е навистина вистинското место за крај, чувствувам дека го затворив кругот. Мојата кариера започна тука, Каљари ме покани и веруваше во мене иако бев млад и неискусен. Тоа беше пред 35 години, не ни знаев дали ќе станам тренер. Започна со идејата да се вратиме во Серија Б за неколку години, а од Серија Ц стигнавме во Серија А за две години. Оттогаш Каљари е во моето срце“, рече Раниери.
Раниери 38 години беше тренер, од кои 31 година беше тренер во Серија А. Со Лестер ја освои Премиер лигата во 2016 година и тоа е негов најголем успех. Со Фиорентина го освоил Купто на Италија во 1996 година. Во Шпанија со Валенсија го освоил Купот во 1999 и Суперкупот во 2004 година.
На почетокот на кариерата го водеше Каљари, потоа Наполи, Фиорентина, Валенсија, Атлетико Мадрид, Челзи, Валенсија, Парма, Јувентус, Рома, Интер, Монако, Лестер, Нант, Фулам, Сампдорија и Ватфорд.
Тој беше селектор на Грција и во 2014 година, но само четири пати ја водеше репрезентацијата и оствари само едно реми.
Спорт
(Видео) Браун броеше до 40, Бостон води против Индијана 2-0
Кошаркарите на Бостон ја победија Индијана со 126:110. Селтикси поведоа со 2-0 во финалето на Источната конференција во НБА лигата.
За разлика од првиот натпревар од оваа серија, кој беше решен по продолжението, Бостон во вториот не дозволи возбудувања, па по првата четвртина стекна двоцифрена предност која лесно ја одржуваше во останетите три четвртини.
Индијана водеше со 27:22 на нешто повеќе од една минута до крајот на првата четвртина, но потоа Селтикс направија серија 20:0, па домашните стигнаа до плус 15 (42:27).
Џејлен Браун ги предводеше Селтикси до 2-0 со 40 поени, најдобро го следеа Џејсон Тејтум и Дерик Вајт со по 23 поени, додека Џру Холидеј запиша 15 поени и десет асистенции.
Во редовите на Индијана најефикасен беше Паскал Сијакам со 28 поени, Ендрју Нембард додаде 16, Оби Таупин 11. Голем проблем за Индијана е повредата на надобриот играч Тајрис Хејлбартон. Плејмејкерот се повреди во третата четвртина, до тој момент постигна десет поени.
Следниот натпревар од оваа серија се игра ноќта меѓу сабота кон недела, а домаќин ќе биде Индијана.