Спорт
„Србин, Хрват и Босанец се меѓу најлошите трансфери со историјата на Реал“
Фудбалскиот портал „Goal.com“, информацијата дека Реал Мадрид сака да се ослободи од Лука Јовиќ ја надополни со список на играчи за кои смета дека биле разочарувања во трансфер политиката на клубот. На списокот, покрај Јовиќ се и еден Хрват, и еден Босанец. Станува збор за Роберт Просинечки и Елвир Баљиќ.
Роберт Просинечки (од Црвена звезда за 15 милиони евра во 1991 година)
„Од еден од најдобрите таленти од Балканот се очекуваа големи работи, талентиран играч за врска кој штотуку и помогна на Црвена звезда да го освои трофејот во Купот на европските шампиони. Врвот на неговата тригодишна кариера во Мадрид беше неговиот гол на Ел Класико Барселона. а и тоа остана во сенка на фактот дека тој потпиша за Каталонците во 1995 година. Тоа што не се докажа таму беше мала утеха за фрустрираните навивачи“, пишува порталот.
Лука Јовиќ (од Ајнтрахт за 66 милиони евра во 2019 година)
„Во сезоната 2018/19 тој изгледаше како следниот голем напаѓач во Европа. Тој постигна 10 гола на 14 натпревари во Лига Европа за Ајнтрахт и импресионираше во Бундеслигата. Ова го убеди Мадрид да плати превисока сума за играч кој беше позајмен во Франкфурт. од Бенфика, што резултираше со комплексен двоен трансфер на Јовиќ, кој потпиша за германскиот клуб пред да потпише за Реал следниот ден. Јовиќ постигна само три гола на 51 натпревар за Реал“.
Елвир Баљиќ (од Фенербахче за 26 милиони евра во 1999 година)
“Џон Тошак беше импресиониран од Босанецот додека работеше во Турција и го убеди клубот да плати шокантно висока цена за напаѓачот. Набргу по доаѓањето тој го повреди коленото. По само една сезона и еден гол во Ла Лига, беше вратен во Фенербахче на позајмица“.
Покрај Јовиќ, Просинечки и Баљиќ на оваа листа се наоѓаат уште неколку познати имиња. Порталот ги наведува Николас Анелка (од Арсенал за 34,5 милиони евра во 1999 година), Данило (од Порто за 31,5 милиони евра во 2015 година), Кака (од Милан за 65 милиони евра во 2009 година), Еден Азар (од Челзи за 120 милиони евра во 2019 година)…
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Димитријевиќ од следната сезона ќе игра во Евролигата
Три клуба од Евролигата покажале сериозен интерес за најдобриот македонски кошаркар, Ненад Димитирјевиќ.
Димитријевиќ неодамна ја доби наградата за МВП во регуларниот дел од сезоната, во ВТБ лигата. Сезоната ја заврши со просек од 19 поени, 6,6 асистенции, 3,6 скока и 1,3 украдени топки по натпревар.
Пред две недели турнските медуми објавија дека Фенербахче е сериозно заинтересиран за Димитријевиќ. Во неделата, се појави информацијата на „Република Болоња“ дека за Македонецот се интересираат најдобрите италијански тимови, Олимпија Милано и Виртус Болоња.
Извесно е дека Димитријевиќ следната сезона ќе го гледаме во Евролигата.
Спорт
Хаос во Берлин, повредени 155 полицајци
Најмалку 155 полицајци се повредени во нереди на навивачите на натпреварот меѓу Динамо Берлин и Енерџи Котбус во германската четврта лига, соопшти берлинската полиција.
Полицијата соопшти дека при вдишување на солзавецот испукан од полицијата за да се спречат немирите се повредени 43 градски и 73 федерални полицајци, телесно се повредени 28 федерални полицајци, а 11 од нив се здобиле со рани од пиротехнички средства.
Tog en promenad till Hohenschönhausen för att se BFC Dynamo – Energie Cottbus med ett gäng norrmän. Stökigt både under och efter match. pic.twitter.com/NwSCp3xSeZ
— Ryström | hahohe (@rystromj) May 4, 2024
„Билд“ наведува дека се уапсени 74 навивачи, а против 62 е поднесена кривична пријава, меѓу другото, за „нарушување на мирот, физички напади врз органите на прогонот и давање отпор при апсење“.
Натпреварот беше прекинат во 20. минута поради тепачка на трибините, при што навивачите на Динамо запалија шалови и знамиња со симболите на ривалскиот тим.
Во соопштението се додава дека навивачите пукале со пиротехнички средства кон полициските сили и редарите кои стоеле во близина на теренот, по што припадници на безбедносните сили влегле на трибините и се обиделе да ги приведат навивачите.
04.05.2024🇩🇪BFC Dynamo away against Energie Cottbus https://t.co/Fjy3xrlEmQ pic.twitter.com/8Cbjf0lsh1
— Hooligans.cz Official (@hooliganscz1999) May 4, 2024
Енерџи Котбус победи со 2:0, а судирите меѓу навивачите продолжија и по натпреварот, пишува „Билд“. Котбус остана лидер во поредокот на две кола пред крајот, со два бода повеќе од Грајсвалд, со големи шанси за враќање во третата лига.
Спорт
(Видео) Баер 48 натпревари не знае за пораз
Фудбалерите на Баер Леверкузен одамна ја обезбедија првата титула во Бундес лигата и се на два чекори првенството да го завршат без пораз.
Избраниците на тренерот Чаби Алонсо во 32. коло од Бундеслигата убедливо го совладаа Ајнтрахт со 5:1 на гостински терен и со тоа го забележаа 48. последователен натпревар во сите натпреварувања без пораз.
Баер, да потсетиме, е блиску до пласман во финалето на Лига Европа, а наскоро ги очекува финалето во Купот на Германија против Кајзерслаутерн.
Избраниците на Алонсо последен пат загубија на 27 мај минатата година во последното коло од Бундеслигата против Бохум со 3:0.