Спорт
Скандал во тенисот – Тенисерите знаеле кога ќе бидат тестирани
Според британски Дејли Мејл, Меѓународната тениска федерација (ИТФ) им дозволила на тенисерите сами да си закажат допинг тестови.
Според извештајот, играчите биле поканети да закажат датуми за тестови за допинг на крвта пред овогодинешниот Мастерс во Мајами – метод за кој антидопинг експертите велат дека драстично ги зголемува шансите оние кои се допингувани да останат неказнети.
Исто така, на играчите им беше најавено дека ќе се земе примерок од крв пред Ролан Гарос во 2019 година и пред Ју-ес опен минатата сезона. Поранешниот претседател на Светската антидопинг агенција го спореди тој пристап со најпознатиот случај на допинг во велосипедизмот кој остана незабележан, допингот на Ленс Армстронг.
„Мејл он сандеј“, викенд-изданието на „Дејли мејл“, исто така дознава дека ИТФ го зголемила бројот на допинг тестови што наводно ги направила, погрешно прикажувајќи ги податоците.
„Мислам дека ИТФ не треба да им соопштува на спортистите кога ќе ги тестира. Слично нешто се случуваше во минатото во велосипедизмот, кога на сите им беше кажано дека ќе бидат тестирани пред Тур де Франс. Тоа не е добро“, изјави Луис Орта, поранешен шеф на португалската антидопинг агенција.
Како што понатаму се наведува, играчите добиле четири дена пред тестот пред мастерсот во Мајами. Според прописите на ВАДА, спортистите не треба да бидат известени за допинг тестовите.
Од јануари оваа година, ИТФ анти-допинг програмата ја води независно тело наречено Меѓународна агенција за интегритет во тенисот (ITIA). ITIA соопшти дека најавуваат тестови за играчите пред некои натпревари бидејќи тоа им овозможува да вршат повеќе тестови.
Сепак, експертите велат дека за т.н. „Крвниот допинг“ три-четири дена прави голема разлика.
Анти-допинг програмата на ИТФ често беше предмет на критики во минатото – во 2016 година, Роџер Федерер рече дека бил тестиран само еднаш во последните десет години помеѓу две сезони, а ИТФ во 2021 година рече дека само девет отсто од сите тестовите беа помеѓу две сезони.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Тиквеш го освои Купот на Македонија
Foot/ ffm.mk
Фудбалерите на Тиквеш испишаа историја и за прв пат во историјата го освоија Купот на Македонија. Исто така, оваа победа им овозможи на кавадарчани првпат да учествуваат во европските купови, тие ќе играат во квалификациите во Конференциската лига.
Во финалето кое се одигра на Националната Арена националниот стадион „Тодор Проески“ во Скопје ја совлада Воска Спорт со 2:1.
Тиквеш поведе преку Кристијан Стојкоски, кој постигна одличен гол од слободен удар во 41. минута.
Tikves markiert in der 41. Minute das 1:0 per Freistoß https://t.co/nOamIuabKS pic.twitter.com/GoNMIrOQ4K
— Makedonien.mk (@makedonien_mk) May 22, 2024
По еден час игра, Бразилецот Луан Силва зголеми на 2:0, за голема радост на 10.000 навивачи кои од Кавадарци дојдоа во главниот град да го бодрат својот тим.
#Tikves erhöht in der 59. Minute nach Eckball auf 2:0 https://t.co/ZgXE2lTKNk pic.twitter.com/pneNaK7TJI
— Makedonien.mk (@makedonien_mk) May 22, 2024
Голот за надеж за Воска го постигна Никола Саркоски во 77. минута, но охриѓани немаа сили да се вратат во мечот.
Со ова Тиквеш ја заокружи најуспешната сезона во клупската историја, во првенството овој тим го освои четвртото место.
Спорт
(Видео) Гасперини го надмудри Алонсо, Лукман со хет-трик го растури Баер, Аталанта ја освои Лига Европа
Фудбалерите на Аталната го освоија првиот европски трофеј во клупската историја. „Ла Деа“, во финалето во Даблин, го победи Баер Леверкузен со 3:0. Хет-трик постигна Адемола Лукман, кој го совлада Ковар во 12., 26. и 75.минута. Аталанта со победата во финалето стави крај на европскиот рекорд на Баер, играчите на Чаби Алонсо до овој меч немаа пораз на 51 натпревар.
Спорт
Борусија сите вработени ќе ги носи на финалето со Реал
Борусија Дортмунд на 1 јуни на „Вембли“ ќе го игра финалето од Лигата на шампионите против Реал Мадрид, а челниците на германскиот тим покажаа зошто популарните „милионери“ се голем клуб и колку се грижат за луѓето, кои се дел од целиот проект.
Сите вработени во клубот, на број се 519, ќе бидат специјални гости на мечот за највредниот трофеј во клупскиот фудбал. Сите трошоци ќе бидат на товар на Борусија.
На трибините ќе бидат сите од хигиеничарките до директорите.
На овој начин клубот сака да изрази благодарност за сето она што го прават секојдневно и придонесуваат за успехот на Борусија.
Освен тоа, „милионерите“ во Лондон ќе ги однесат сите членови на нивната младинска школа од 12 до 19 години, за да бидат дел од големиот спектакл.
Борусија Дортмунд последен пат беше во финалето на Лигата на шампионите во 2013 година кога токму на „Вембли“, загуби од Баерн (2:1).