Европа
Од Калининград пристигна руска закана за Литванија
Русија се закани со последици кои ќе имаат сериозно негативно влијание врз населението на Литванија поради забраната на оваа земја за транспорт на стоки, кои се под санкции на ЕУ, кон руската ексклава Калининград.
Домаќинот на средбата во Калининград, Николај Патрушев, секретар на Советот за безбедност на Руската Федерација и близок соработник на Путин, рече:
„Русија сигурно ќе одговори на ваквите непријателски дејствија. Се развиваат соодветни мерки во меѓуминистерски формат и ќе бидат преземени во блиска иднина. Нивните последици ќе имаат сериозно негативно влијание врз литванското население“.
Руската новинска агенција РИА го цитира Патрушев дека блокадата на Литванија, по предлог на западните земји, со кршење на нормите и принципите на меѓународното право, покажува дека не може да им се верува само на усните изјави на Западот, туку и на писмените.
Во исто време кога Патрушев е во Калининград, во Министерството за надворешни работи во Москва беше поканет и амбасадорот на Европската Унија во Русија.
И рускиот претседател Владимир Путин рече дека земјата дополнително ќе ги зајакне своите вооружени сили за да ги земе предвид потенцијалните воени закани и ризици, објави „Ројтерс“.
Новите руски интерконтинентални балистички ракети „Сармат“, способни да носат 10 или повеќе нуклеарни боеви глави и мамки, ќе бидат распоредени до крајот на годината, додаде тој.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц ја откажа изборната кампања и ги посети поплавените региони во Германија
Германскиот канцелар Олаф Шолц денеска ги посети поплавените региони во западната германска сојузна покраина Сарланд, каде обилните дождови предизвикаа поплави и лизгање на земјиштето, а неколку згради беа евакуирани.
Шолц ја откажа својата изборна кампања во Сар, на границата со Франција, и наместо тоа, го обиколи делумно поплавениот пат во селото Клајнблитерсдорф заедно со регионалниот гувернер Анке Релингер.
Тој ја потврди солидарноста на сојузната влада со Сарланд.
„За жал, не е првпат да треба да се справиме со голема природна катастрофа, па ќе разгледаме што треба да се направи овде и што е неопходно“, им рече Шолц на новинарите.
Службите за итни случаи одговорија на илјадници повици за помош во главниот град на покраината, Сарбрикен.
Европа
Напаѓачот на Фицо доби мерка притвор за да не побегне и да не го повтори делото
Специјалниот кривичен суд во словачкиот град Пезинок, со силно полициско обезбедување денеска му одреди притвор на 71-годишниот Словак Јурај Цинтула, кој на 15 мај годинава во градот Хандлова со пет истрели го застрела премиерот Роберт Фицо и тешко го рани во стомакот.
Притворот за осомничениот е побаран поради опасност да не избега или да го повтори делото.
Осомничениот за нападот врз словенечкиот премиер Јурај Цинтула денеска призна вина.
Адвокатите предупредија дека признавањето на вината е спорно, бидејќи Цинтула веднаш по атентатот и апсењето бил сослушан во шок, без присуство на адвокат.
Европа
Премиерот Фицо уште е во животна опасност, напаѓачот призна вина
Осомничениот за нападот врз словенечкиот премиер Јурај Цинтула денеска пред Специјализираниот кривичен суд во градот Пежинок призна вина. Состојбата на премиерот Фицо и понатаму е сериозна.
Обвинителството вчера побара притвор за 71-годишниот Цинтула поради евентуално бегство или повторување на кривичното дело. Напаѓачот беше спроведен под силно полициско обезбедување, а ниту на новинарите им беше дозволен влез во Судот.
Премиерот на Словачка, Роберт Фицо на 15 мај беше застрелан во градот Хандалова додека се поздравуваше со насобраниот народ. Цинтула веднаш по нападот е приведен.
Тој се соочува со обвинение за обид за убиство од одмазда, за што е предвидена казна од 25 години до доживотен затвор.
Словачките политичари изјавија дека нападот врз Фицо не е политички мотивиран.