Спорт
Германскиот херој Геце се врати во Бундеслигата со Франкфурт
Херојот на Германија од СП во 2014 годдина, Марио Геце се врати во својата татковина, откако потпиша тригодишен договор со Ајнтрахт Франкфурт, заминувајќи од ПСВ Ајндховен.
30-годишиот Геце, кој го постигна победничкиот гол во финалето на Мундијалот во Бразил против Аргентина, си замина од Бундеслигата во 2020 по разочарувачкото враќање во Борусија Дортмунд, по што ја врати кариерата на вистински пат во холандската лига.
„Факт што фудбалер како Марио Геце го избра Ајнтрахт Франкфурт и покрај повеќето понуди зборува дека нашиот клуб успеал да изгради имиџ во последните години“, вели спортскиот директор на клубот, Маркус Кроше.
Откако стана ѕвезда како тинејџер во Борусија, тој направи трансфер во Баерн Минхен, пред во 2016 година по само три сезони да се врати во својот клуб. Проблемите со повредите и со физичката подготвеност значеа дека тој беше ограничен на само 15 настапи во последната сезона во Дортмунд.
✍️? Eintracht Frankfurt have signed Mario Götze from @psveindhoven on a three-year contract until 2025.#Götze2025 #SGE
— Europa League Winners 2022 (@eintracht_eng) June 21, 2022
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Фенербахче експресно најде замена за Вилбекин
Американскиот кошаркар Сабен Ли стана нов член на Фенербахче.
Скоти Вилбекин, синоќа ги скина предните вкрстени лигаменти на првиот натпревар од новата сезона во Евролигата кога Фенербахче пред своите навивачи го победи Олимпијакос со 82:71.
Како што пренесуваат Арис Баркас и порталот „Јурохупс“, челниците на Фенербахче веднаш стапиле во контакт со колегите од Маниса и го договориле трансферот на Сејбен Ли.
Поранешниот НБА играч на Детроит, Филаделфија и Феникс блесна на првиот натпревар од Лигата на шампионите на ФИБА во дресот на Маниса и забележа 36 поени и по шест скока и асистенции во победата над Мурсија 103:97.
Ли е поранешен судент на универзитетот Вандербилт. Инаку, неговиот братучед Трент Форест моментално е член на Басконија.
Спорт
Ѓоковиќ спаси две сет топки, во два тај-брејка го победи Микелсон
Новак Ѓоковиќ потешко од очекувањата победи на стартот на Мастерсот во Шангај. Српскиот тенисер во два тај-брејка го победи 43. играч на АТП листата, Американецот Алекс Микелсон.
Новак Ѓоковиќ по пет години пауза се врати на Мастерсот во Шангај, беше пречекан со овации од публиката, но малдиот Микелсон не беше импресиониран, ниту од величината на противникот, ниту од атмосферата.
Двата сета имаа ист тек, во првиот Микелсон во раната фаза направи брејк, водеше со 3:0, Ѓоковиќ успеа да се врати, а во тај-брејкот пресуди неговото искуство.
Во вториот, Ѓоковиќ прв стигна до брејк и кога се очекуваше рутински да го заврши мечот, му дозволи на Микелсон да се врати. Тај-брејкот беше драматичен Ѓоковиќ спаси две сет топки, а ја искорсити својата трета меч топка за триумф.
Во третото коло Ѓоковиќ ќе игра против Вавринка или Коболи.
Спорт
Се продава најстариот фудбалски клуб во Италија
Фудбалскиот клуб Џенова е ставен на продажба, објави извршниот директор Андрес Бласкез.
Членот на Серија А е во сопственост на американски инвеститори (групата 777 Пантерс), тие го купија клубот пред три години и го вратија во елитните редови по испаѓањето во Серија Б.
Бласкез не можеше да им вети на навивачите дека нема да има продажба на играчи, но тврди дека клубот ќе остане финансиски стабилен и покрај промената на сопственичката структура.
Џенова е основана во 1893 година и е најстариот клуб во Италија кој сè уште постои. Во текот на нивната долга историја девет пати биле шампиони, а последен пат пред точно 100 години.
Сезонава под палката на Алберто Џилардин се на 17. место во Серија А.