Спорт
Џошуа: Јас сум „кралот“, ќе му се одмаздам на Усик
Откако самиот се прогласи за „крал за камбек“, Ентони Џошуа вети одмазда против Олександер Усик за по третпат да стане шампион во тешка категорија кога двајцата ќе се сретнат во римечот во Саудиска Арбија ова лето.
„Бесот на Црвеното Море“, како што е наречен ри-мечот во Џеда на 20 август, ќе биде шанса Џошуа да покаже дека умее многу повеќе откако во првиот меч во септември, Усик доминираше за да стигне до победа на поени. На прес-конференцијата во Џеда, Англичанецот вети одмазда.
„Дефинитивно гладот за победи е тука. Грешки се случуваат во животот, но посветеноста, менталната сила и постојаноста секогаш ќе победат. На пат сум за апсолутната титула во тешка категорија со божја помош“, вели 32-годишиот Џошуа.
По поразот од Усик, Џошуа се раздели од својот долгогодишен тренер Роберт Меккракен и го ангажираше респектабилниот Роберт Гарсија. И покрај ова, Усик е фаворит кај обложувалниците пред вториот меч
„Го почитувам противникот и неговат способност. Но, сега ќе бидам подобар од него во втората шанса. Кога бев тинејџер имав проблеми во животот и добив втора шанса. Јас сум кралот за камбек“, додава Џошуа.
Усик се враќа во рингот откако во март ја напушти Украина со посебна дозвола од властите, бидејќи првично се пријави во територијалната одбрана во војната со Русија.
„За мене е голема чест што сум тука. Сите знаеме дека дома не сме во најдобра состојба, но го правиме тоа што е потребно, заедно со мојот тим и работиме да ги оствариме целите. Никогаш не сум давал некои големи говори, наместо тоа работев на тренинг-кампот и ќе продолжам така до мечот. Потоа ќе влезам во рингот и ќе ве усреќам“, изјави Усик.
? FACE OFF ??@usykaa vs @anthonyjoshua: The rematch!
? Unified World Heavyweight Titles
?️ Aug 20#UsykJoshua2 #RageOnTheRedSea pic.twitter.com/spImJF4aEz— Matchroom Boxing (@MatchroomBoxing) June 21, 2022
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Се продава најстариот фудбалски клуб во Италија
Фудбалскиот клуб Џенова е ставен на продажба, објави извршниот директор Андрес Бласкез.
Членот на Серија А е во сопственост на американски инвеститори (групата 777 Пантерс), тие го купија клубот пред три години и го вратија во елитните редови по испаѓањето во Серија Б.
Бласкез не можеше да им вети на навивачите дека нема да има продажба на играчи, но тврди дека клубот ќе остане финансиски стабилен и покрај промената на сопственичката структура.
Џенова е основана во 1893 година и е најстариот клуб во Италија кој сè уште постои. Во текот на нивната долга историја девет пати биле шампиони, а последен пат пред точно 100 години.
Сезонава под палката на Алберто Џилардин се на 17. место во Серија А.
Спорт
Евра: Мбапе се уште не е на нивото на Бензема
Селекторот на Франција Дидие Дешамп не го повика Килијан Мбапе (25) за натпреварите од Лигата на нации против Израел на 10 октомври и Белгија на 14 октомври. Дешам изјави дека не сака да ризикува со напаѓачот на Реал Мадрид, кој во последно време има проблеми со повреди.
Пензионираниот француски дефанзивец Патрис Евра (43) го коментираше изоставувањето на Мбапе од списокот на репрезентативци во програмата на радио Монте Карло.
„Не е само Дешам, туку цела Франција му даде премногу на Мбапе. Сите го претворивте во легенда. Со сета почит што ја имам кон Мбапе, тој се уште не е на нивото на Карим Бензема“, смета Евра, кој забележа 81 настап за Франција, а освои 20 трофеи со Манчестер јунајтед и Јувентус.
Покрај тоа што играше за Монако, ПСЖ и Реал, Мбапе одигра одлични партии и за националниот тим. Тој има постигнато 48 гола на 86 настапи и го освои Светското првенство во 2018 година, Лигата на нации во 2021 година и играше во финалето на Светското првенство во 2022 година.
„Ако го повикате Мбапе и тој се повреди, ќе ги расипете односите со Флорентино Перез. Реал не е ПСЖ, не можете да ризикувате“, заклучи Евра.
Да потсетиме, Антоан Гризман, напаѓачот на Атлетико Мадрид и еден од најдобрите француски фудбалери стави крај на репрезентативната кариера.
Спорт
Инзаги го откачил Манчестер јунајтед
Тренерот на Интер, Симоне Инзаги, нема намера да го напушти клубот и да се пресели во Манчестер јунајтед, објавија италијанските медиуми.
Навосно луѓе од Манчестер јунајтед го контактирале Инзаги кој експресно добил било какви разговори. Тренеот кој минатата сезона на Интер му ја донесе 20.титула во Серија А има цврст договор со клубот.
Инаку, Јунајтед се подготвени да го отпуштат Ерик Ден Хаг, а веројатно тоа ќе се случи доколку утре не успее да ја победи Астон Вила во Бирмингем.
Откако Инзаги ја одбил понудата, како можни кандидати се споменуваат Холанѓанецот се споменуваат Масимилијано Алегри, Томас Тухел и Герет Саутгејт.