Црна хроника
Притвор за прилепчанец, кој се обидел да ја убие поранешната сопруга
Прилепското Основно јавно обвинителство донесе наредба за истражна постапка против 47-годишен жител на градот осомничен за обид за убиство.
Како што информираат од Обвинителството, постои основано сомнение дека тој на 20 јуни, при вршење семејно насилство, во куќа на улицата Дабничка во Прилеп, со умисла се обидел да ја убие својата поранешна сопруга.
„Утрото на критичниот ден тој дошол во куќата во која живеела оштетената, се качил во собата во која таа спиела и најпрвин почнал да ја дави со рацете околу вратот и да ја удира со тупаници по главата и телото. Во тој момент пристигнала мајка ѝ, која се обидела да го оттргне, но осомничениот ја турнал. Од појасот извадил нож и на поранешната сопруга ѝ нанел неколку убодни рани во телото и ногата. Потоа бил совладан од тројца соседи, кои го изнеле од куќата и го спречиле да ја оствари намерата“, се наведува во соопштението, во кое од Обвинителството откриваат детали за настанот.
Јавен обвинител до судија на претходна постапка доставил предлог за определување притвор за осомничениот оценувајќи дека постои опасност тој да се даде во бегство, да влијае врз сведоците и оштетените или да го реализира кривичното дело.
Судијата го прифатил предлогот и на осомничениот му определил притвор во траење од 30 дена.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Скопјанец пукал со воздушна пушка и ја погодил мачката на соседот, полицијата му го одзеде оружјето
Вчера во 10.06 часот во СВР Скопје, 47-годишниот Б.П. од Скопје пријавил дека околу 09.50 часот на подрачјето на Кисела Вода, неговиот сосед, 64-годишниот З.К. од Скопје пукал со воздушна пушка и погодил мачка, сопственост на пријавителот, извести МВР.
Со пријавениот бил извршен службен разговор и од него била одземена воздушната пушка, дијаболи и потврда за пријавено оружје, сопственост на неговиот син, извести МВР.
По целосно документирање на случајот ќе следува соодветен поднесок.
Црна хроника
Тетовец измамен за 800 евра
Вчера во 08.30 часот во СВР Тетово, 38-годишен тетовец пријавил дека на 22.04.2024 бил измамен од едно лице за сума од 800 евра, извести МВР.
„Според пријавеното, лицето дошло во неговиот деловен објект и му понудило мобилен телефон за сумата, за што му приложил и фактура. Како што е пријавено, тој одлучил да го купи телефонот, а откако се обидел да го активира кај неколку сервисери, тие му кажале дека телефонот не е оригинал и сфатил дека бил измамен“, соопшти МВР.
Се преземаат мерки за расчистување на случајот.
Црна хроника
Пожар во концертна сала на Факултетот за музичка уметност „Илија Николовски-Луј“, нема повредени
Вчера во 15.00 часот во СВР Скопје било пријавено дека настанал пожар во концертна сала на Факултетот за музичка уметност „Илија Николовски-Луј“ во Скопје, извести МВР.
Од Бригадата за противпожарна заштита Скопје пожарот бил изгаснат, а повредени лица нема, додаваат од МВР.
Извршен бил увид од увидна екипа од СВР Скопје.