Спорт
Нејмар се предомислува, „Олд Трафорд“ можна дестинација?
Иако претходно се тврдеше дека одбивал било каква шанса да си замине од Париз, најскапиот фудбалер во историјата, Нејмар сега е отворен за идејата за трансфер од Пари Сен-Жермен, чувствувајќи се „предаден“ од сопственикот Наасер Ал-Хелаифи.
30-годишниот Бразилец пристигна во Париз во 2017 година за рекордни 222 милиони евра и има годишна плата од речиси 30 милиони евра, но и со него ПСЖ не успеаја да стигнат до главната цел, трофејот од Лигата на шампионите. Неодамна, Ал-Хелаифи не ја отфрли можноста Нејмар да замине од тимот.
„Дали е можно заминување на Нејмар ова лето? Можам само да ви кажам дека очекуваме сите фудбалери да направат многу повеќе од минатата сезона. Многу, многу повеќе“, изјави Ал-Хелаифи за „Ле паризиен“.
Нејмар, наводно, се пронашол во овие коментари на претседателот на клубот, со што се зголемиле шансите за негово заминување. Сепак, тоа нема да биде лесно да се оствари поради неговата висока плата и поради тоа што има уште три години од договорот со ПСЖ.
Според шпанскиот „АС“, Нејмар веќе бил понуден на Јувентус, но од италијанскиот клуб му било порачано дека тие не можат да му понудат иста плата како ПСЖ. Францускиот „РМЦ Спорт“, пак тврди дека Манчестер јунајтед би можеле да бидат опција, со што би се придвижил „домини-ефект“ – „ѓаволите“ би дозволиле Кристијано Роналдо да замине во Рома.
A possible Neymar departure from PSG faces major financial obstacles, due to the transfer fee and 'imposing' wage demands. (RMC)https://t.co/WfLZk9Lmu3
— Get French Football News (@GFFN) June 26, 2022
?? Les récents propos de Nasser Al-Khelaïfi à son sujet n'ont pas plu à Neymar et la réflexion autour d’un départ est ouverte. Aussi bien du côté du Brésilien que du PSG.https://t.co/JiGAfQ7wwv
— RMC Sport (@RMCsport) June 26, 2022
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Сунес: Салах е најсебичниот играч што некогаш сум го видел
Греем Сунес, легендата на Ливерпул, кој со клубот од Енфилд освои пет титули во англиското првенство и три европски купа, го нарече Мохамед Салах најсебичниот играч што некогаш го видел.
Салах пристигна во Ливерпул во трансфер од Рома во 2017 година, тој одигра 346 натпревари за клубот, постигна 210 голови и забележа 88 асистенции.
Сонес верува и дека Салах наскоро ќе го напушти „Енфилд“.
„Мислам дека Мохамед Салах ќе го напушти Ливерпул. Беше одличен и ако замине во Саудиска Арабија ќе стане најголемата ѕвезда таму. Има многу високо мислење за себе и беше лут што не го започна натпреварот против Вест Хем. Тој е најсебичниот играч што некогаш сум го видел.“
Спорт
Шумахер најавува пропаст на Ред Бул
Ралф Шумахер (48) смета дека заминувањето на Адријан Њуи од Ред Бул е значаен момент за Формула 1. Поранешниот Ф1 возач смета дека ова е позначајно дури и од трансферот на Луис Хамилтон од Мерцедес во Ферари.
Пред два дена Ред Бул објави дека спогодбено ќе се раздели со најдобриот дизајнер во Ф1. Шпекулациите велат дека Њуи би можел да му се придружи на сонародникот Хамилтон во Ферари следната сезона.
Дури и да не се случи тоа, Ралф Шумахер е убеден дека без врвниот дизајнер, Ред Бул ќе стане просечен тим.
Помладиот брат на еден од најголемите возачи на сите времиња, Михаел Шумахер, кој и самиот имаше солидна кариера во Формула 1 (182 трки, 27 подиуми, 6 пол-позиции, 6 победи) отиде чекор понатаму и објави дека Њуи е само првиот во низата клучни луѓе на тимот на Ред Бул кои наскоро ќе ја напуштат базата во Милтон Кејнс.
„Да, тоа е факт и повеќе луѓе ќе си заминат“, одговори Шумахер на прашањето за организациската криза во најдоминантниот тим на првенството.
„Тоа е јавна тајна, но во реалноста сè започнува од фактот дека Кристијан Хорнер верува дека не му треба ниту еден од тие луѓе и дека најдобро знае како треба да изгледа Ф1 тим. Конечно, ја има целосната поддршка од тајландските инвеститори“, изјави Германецот, а пренесува шпанска „Марка“.
Спорт
Алкараз го откажа настапот на Мастерсот во Рим
Шпанскиот тенисер Карлос Алкараз поради повреда нема да настапи на Мастерсот во Рим.
Третиот тенисер во светот има прблем со десната подлактица, но и покрај тоа реши да игра на Мастерсот во Мадрид каде не успеа да ја одбрани титулата, во четвртфиналето дожиева пораз од Андреј Рубљов.
„Почувствував болка на турнирот во Мадрид, непријатност во раката. Денеска направив прегледи и имам оток на мускулот на подлактицата, што е резултат на претходна повреда. За жал, не можам да играм во Рим, морам да почнам со рехабилитација за да играме 100 отсто без болка“, напиша Алкарас на социјалната мрежа „Икс“.
Алкарас во краток период се откажа од три турнири. За еден месец се откажа од Монте Карло, Барселона и сега од Рим.