Црна хроника
637 санкционирани возачи на мотоцикли
Во периодот од 20.6.2022 до 26.6.2022 спроведена е засилена акциска контрола на територијата на Република Северна Македонија за санкционирање прекршоци што ги прават возачите на мотоцикли, при што санкционирани се 637 возачи.
Од нив, 418 возачи не користеле заштитна кацига за време на возење, 115 возеле без возачка дозвола, 17 мотоцикли се одземени поради истечена сообраќајна дозвола и предизвикување голема бучава, а санкционирани се и други прекршоци.
Засилените акциски контроли продолжуваат и во наредните денови.
Апелираме до сите учесници во сообраќајот да ги почитуваат сообраќајните правила и прописи и заеднички да придонесеме за побезбедни патишта.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Кривична пријава за битолчанец, при претрес кај него пронајдени дрога и муниција
Полицијата до Основното јавно обвинителство Битола, поднесе кривична пријава против К.Т.(29) од овој град поради неовластено производство и пуштање во промет наркотични дроги, психотропни супстанци и прекурсори и неовластено изработување, држење, посредување и тргување со оружје и експлозивни материи.
Пријавениот во повеќе наврати продавал марихуана и амфетамин на други лица од Битола, а при претрес во неговиот дом, полициските службеници пронашле и одзеле марихуана, пет проектили од муниција за пушки, како и модели од автоматски оружја.
Црна хроника
Автобус и автомобил се судрија во Скопје, настрада пешак
Синоќа на булеварот Никола Карев во Скопје се случила сообраќајна несреќа помеѓу автомобил управуван од З.С.(27) од Скопје и автобус управуван од Т.М.(65).
„Во несреќата била удрена и 26-годишната Е.Ф. од Скопје, која улицата ја минувала како пешак. Таа се здобила со тешки телесни повреди и била пренесена на Комплексот клиники Мајка Тереза во Скопје“, објави МВР.
Извршен бил увид.
Црна хроника
Мотоциклист паднал избегнувајќи возило што престигнувало, МВР го бара возачот што не застанал да му помогне
МВР трага по возач кој не пружил помош на повреден мотоциклист во Охрид.
Според информациите од полицијата, до несреќата дошло вчера на булеварот „Јане Сандански.
„З.Ц.(60) од Охрид, управувајќи мопед „пежо“ со охридски регистарски ознаки, во обид да избегне директен судар со патничко возило, кое претекнувало друго возило, изгубил контрола и паднал на коловоз. Притоа, тој се здобил со тешки телесни повреди, констатирани во болницата „Св.Еразмо“ во Охрид. Полициската станица за безбедност во патниот сообраќај презема мерки за пронаоѓање на возачот на патничкото возило кој не застанал да му пружи помош на моторциклистот, туку веднаш го напуштил местото, по што ќе биде поднесена соодветна пријава“, велат од МВР.
Извршен бил увид.