Македонија
Силјановска-Давкова: И за лаик е јасно законот кој доведе до тепачка не може да одредува пензионирање на судии и обвинители
Пратеничката Гордана Силјановска-Давкова од ВМРО-ДПМНЕ посочи дека не и е јасно како на дел од судиите и обвинителите им се продолжени мандатите до 31 месецов, кога Судскиот совет и Советот на јавни обвинители немаат таква надлежност.
Таа смета дека не може со измени на Законот за работни односи да се даде можност судиите и обвинителите да ја обавуваат должноста до 67 години како останатите граѓани.
Според неа, во Законот за работни односи јасно стои дека пензионирање на 62 односно 64 години важи за сите, освен ако со друг закон, не е поинаку предвидено.
Во конкретниот случај, Законот за судии и јавни обвинители кој се носи со 2/3 мнозинство.
„ Судскиот совет не може да одлучува за одлагање на пензионирањето и единствениот закон кој може оваа материја да ја регулира е Законот за судии и јавни обвинители. Овде и за лаик е јасно дека има неуставност. Цел е спротивен на Уставот бидејќи утврдува дека Советот на јавни обвинители односно Судскиот совет може да продолжи некој мандат. Да, на Универзитетот може, бидејќи ректорот не вработува. Но Судскиот совет нема таква надлежност. Затоа сакавме овој закон да оди по редовна постапка. Надлежен за ваквиот закон е Министерството за правда, а не Министерството за труд и социјална политика“ – посочи Силјановска-Давкова.
Претседателот на Собранието, Талат Џафери требало да го врати законот и не смеел да оди со европско знаменце.
„ Предлогот законот е усогласен со препораките на оценската мисија за судска обука со основните начела на ОН, со европската повелба на статусот на судиите и европската конвенција за човекови права. Извинете, ниту еден од овие документи не е извор на европското право, ниту е регулатива“, кажа пратеничката.
Според неа, трката да се донесе побрзо законот е бидејќи на судии и обвинители им е продолжен мандатот до крајот на овој месец, а ако не се донесе, тие ќе треба да се пензионираат.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Променливо облачно, во текот на денот на повеќе места ќе биде нестабилно со пороен дожд и грмежи, локално во форма на невреме
Времето денеска ќе биде променливо облачно, во раните утрински часови со услови за изолирана појава на краткотраен пороен дожд, грмежи и засилен ветер.
Во текот на денот на повеќе места ќе биде нестабилно со пороен дожд и грмежи, локално во форма на невреме со интезивен пороен дожд, силен ветер (над 70 км/час) и град. Минималната температура ќе биде во интервал од 14 до 23, а максималната ќе достигне од 27 до 35 степени. UV=7
Во Скопје, ќе биде променливо облачно со повремен пороен дожд и грмежи, во делови од котлината во форма на невреме со интезивен пороен дожд, силен ветер (над 70 км/час) и град. Услови за краткотраен пороен дожд, грмежи и засилен ветер ќе има и во раните утрински часови. Минималната температура ќе се спушти до 20, а максималната ќе достигне до 31 степен.
Во среда и во четврток времето ќе биде променливо облачно и посвежо со повремен пороен дожд и грмежи и ќе дува умерен до засилен северен ветер. Потоа се очекува стабилно и потопло време.
Македонија
Без вода, делови од Општина Ѓорче Петров
ЈП Водовод и канализација известува дека денеска поради уличен дефект од Ф-400мм на ул.1670 во Ново Село, прекинато водоснабдување од 09,00 часот ќе имаат корисниците од ул.Лука Геров, Ново Село, Стопански двор, Кисела Јабука, Волково, Орман, Никиштани Општина Ѓорче Петров.
Македонија
(Видео) Со два хеликоптера на МВР изгаснат пожарот во Крушевско
Денеска, два хеликоптера од Одделот за воздухопловни единици го изгаснаа шумскиот пожар кој попладнево изби во атарот на крушевското село Пуста Река.
„По добиено барање од ЦУК, на пожарот двата хеликоптера исфрлија над 40 тона вода и во координација со пожарникарите, пожарот е целосно изгаснат“, соопшти МВР..