Министерот за надворешни работи на Унгарија, Петер Сијарто, на конференцијата „Инвест Српска“ во Јахорина изјави дека е шокиран од начинот на кој западноевропските либерали и демократите од САД се однесуваат кон Република Српска и посочи дека санкциите што европските политичари сакаат да ги воведат врз претседателот на Српска, Милорад Додик, не ја одразува волјата на гласачите и народот во Српска.

„Оние што постојано бараат спроведување на демократијата во Брисел се, всушност, најголемите антидемократи. Кога имаме конзервативен патриотски политичар во земја или ентитет што победува на изборите, тие веднаш почнуваат да зборуваат за смртта и за крајот на демократијата, а ако победат, либералите велат дека демократијата никогаш не постоела толку силна“, рече Сијарто.

Тој посочи дека тоа е голема финта бидејќи демократијата е во тоа луѓето да може да ја изберат својата иднина, но и луѓе што имаат стратегија.

„Кога европските политичари сакаат да воведат санкции против претседателот на Република Српска, Милорад Додик, тогаш ја игнорираат волјата на гласачите и на народот на Република Српска“, рече Сијарто.

Претседателката на Народното собрание и потпретседателка на Српската напредна партија, Ана Брнабиќ, денеска изјави дека не е време за нови избори бидејќи, како што вели, Србија има многу важни работи до 2027 година, меѓу кои е и завршувањето на проектот „Експо“.

Брнабиќ рече дека СНС како партија се труди секогаш да биде подготвена за избори, да ги зајакне инфраструктурата и внатрепартиската работа, наведувајќи дека тоа е „елементарна партиска култура“.

„Но, дали планираме избори во овој момент, лично мислам дека не би било добро бидејќи Србија има толку многу работи што треба да ги направи до 2027 година“, изјави Брнабиќ за телевизијата „К1“.

Таа изјави дека Србија е потврден домаќин на светската изложба „Експо 2027“ и дека треба да му посакаат добредојде на целиот свет и да покажат каква е Србија, колку се променила и кои се нивните силни страни.

Претставата, во режија на американскиот актер Џон Малкович, ги налути националистите во Бугарија, кои ја сметаат за навреда на земјата, тврдење што холивудската ѕвезда го отфрла.

Минатонеделната премиера на драмата „Оружје и човек“ на ирскиот драматург Џорџ Бернард Шо, за српско-бугарската војна од 1885 година, предизвика насилни протести на националистичките групи.

Држејќи транспаренти, на кои пишуваше „Малкович, оди дома“, демонстрантите во четвртокот го блокираа пристапот до Националниот театар „Иван Вазов“ во Софија пред да се обидат да упаднат во зградата обвинувајќи го 70-годишниот режисер дека јгиисмева историјата на земјата и нејзините граѓани.

Protests erupted in #Bulgaria after #JohnMalkovich‘s production of #ArmsAndTheMan sparked outrage over its portrayal of Bulgarians during the 1885 #SerboBulgarianWar. Nationalists disrupted the premiere, claiming the play depicted #Bulgarian soldiers as cowards. pic.twitter.com/nf0K8rnKKR

— Ivan Kircanski (@KircanskiIvan) November 9, 2024

„Оваа претстава е срамота и мора да се забрани. Ги исмева нашите предци, кои загинаа за Бугарија“, извика 21-годишната студентка Јоана Илијева, која беше во разгневената толпа. По премиерата на претставата во речиси празна сала, Малкович изјави дека е воодушевен од тоа како била примена неговата продукција.

„Тоа е доста необична реакција, но чудно е времето во светот – сѐ повеќе луѓе сакаат да цензурираат работи со кои не се согласуваат“, рече тој на прес-конференција заедно со неколку актери на сцената.

Веејќи бугарски знамиња, толпа гневни демонстранти вербално и физички ги нападнаа директорот на театарот и поранешниот министер за култура. Обвинителството отвори истрага за конфликтите.