Македонија
ЈСП со изменет сообраќаен режим

Јавното сообраќајно претпријатие Скопје информира дека, денеска, од 11 часот, поради најавената блокада на улицата 11 Октомври (пред Собранието), возилата од јавниот превоз што сообраќаат во тој реон, ќе возат по изменет режим од вообичаениот, односно ќе бидат пренасочени по околните сообраќајници.
По изменети траси ќе сообраќаат следниве линии:
Линии 3, 3А и 3Б
* Во насока од Аеродром кон Клиничкиот центар и „Панорама“, од „Југодрво“ ќе продолжуваат право по улицата Кирил и Методиј, кај Домот на печатот ќе вртат лево по булеварот Мајка Тереза до Клиничкиот центар и „Панорама“;
* Во обратна насока, по булеварот Мајка Тереза кон центар, ќе вртат десно по улицата Јордан Мијалков, кај „Неуромедика“ ќе вртат лево по Јужниот булевар до раскрсницата кај Тутунски комбинат, потоа лево по улицата 11 Октомври и ќе продолжуваат по своите вообичаени траси.
Линија 4
* Во насока од населбата 11 Октомври кон Хром, од улицата 11 Октомври ќе врти лево по улицата Кирил и Методиј, кај Домот на печатот десно по булеварот Климент Охридски“ па лево на булеварот Партизански одреди и ќе продолжува по својата редовна траса;
* Во обратна насока, од булеварот Партизански одреди ќе врти десно по улицата Даме Груев (зад Собранието на РСМ), па преку улицата 11 Октомври ќе продолжува по својата редовна траса.
Линија 4А
* Во насока од Усје кон Тафталиџе, од улицата 11 Октомври ќе врти лево по улицата Кирил и Методиј, кај Домот на печатот ќе продолжува право и од кружнит тек кај Католичката црква ќе продолжува по улицата Митрополит Теодосиј Гологанов по својата редовна траса;
* Во обратна насока, од улицата Митрополит Теодосиј Гологанов, улицата Димитрие Чуповски, па десно по улицата Даме Груев (зад Собранието на РСМ), улицата 11 Октомври и ќе продолжува по својата редовна траса.
Линија 5
* Во насока од Ново Лисиче кон Ѓорче Петров, од „Југодрво“ ќе продолжува право по улицата Кирил и Методиј, па право по улицата Митрополит Теодосиј Гологанов и ќе продолжува по својата редовна траса;
* Во обратна насока, од улицата Митрополит Теодосиј Гологанов, улицата Димитрие Чуповски, па десно по улицата Даме Груев (зад Собранието на РСМ), улицата 11 Октомври и ќе продолжува по својата редовна траса.
Линија 7
* Во насока од Лисиче кон Карпош, од „Југодрво“ ќе продолжува право по улицата Кирил и Методиј, кај Домот на печатот десно по булеварот Климент Охридски, лево на булеварот Партизански одреди и ќе продолжува по својата редовна траса;
* Во обратна насока, од булеварот Партизански одреди ќе врти десно по улицата Даме Груев (зад Собранието на РСМ), улицата 11 Октомври и ќе продолжува по својата редовна траса.
Линија 15
* Во насока од Ново Лисиче кон Карпош, од „Југодрво“ ќе продолжува право по улицата Кирил и Методиј, кај Домот на печатот десно по булеварот Климент Охридски, па лево на булеварот Партизански одреди и ќе продолжува по својата редовна траса;
* Во обратна насока, од булеварот Партизански одреди ќе врти десно по улицата Даме Груев (зад Собранието на РСМ), улицата 11 Октомври и ќе продолжува по својата редовна траса.
Линии 21, 21A, 21Б и 22
* Во насока од Транспортен центар кон Бардовци и Волково, од кај комплексот банки ќе продолжуваат по булеварот Крсте Петков Мисирков, па лево по булеварот Гоце Делчев“ па по булеварот Партизански одреди и ќе продолжуваат по своите редовни траси;
* Во обратна насока ќе се движат по истата изменета траса.
Линија 23
* Во насока од Аеродром кон Дом на печат, од Југодрво ќе продолжува право по улица „Кирил и Методиј“ до Дом на печат
*Во обратна насока, од булеварот Мајка Тереза, булеварот Климент Охридски, десно по улицата Димитрие Чуповски, па десно по улицата Даме Груев (зад Собранието на РСМ), улицата 11 Октомври и ќе продолжува по својата редовна траса.
Линија 24
* Во насока од Кисела Вода кон Тафталиџе, од подвозникот ќе врти лево по улицата Кирил и Методиј, кај Домот на печатот десно по булеварот Климент Охридски, па лево по булеварот Партизански одреди и ќе продолжува по својата редовна траса;
* Во обратна насока, од булеварот Партизански одреди ќе врти десно по улицата Даме Груев (зад Собранието на РСМ), по улицата 11 Октомври и ќе продолжува по својата редовна траса.
Линија 26
* Во насока од Карпош кон Железара, од булеварот Партизански одреди ќе врти лево по мостот „Гоце Делчев“, па по булеварот Гоце Делчев, лево по булеварот Крсте Петков Мисирков и ќе продолжува по својата редовна траса;
* Во обратна насока ќе се движи по истата изменета траса.
Линии 27, 33 и 44
* Во насока од Аеродром кон Домот на печатот, од „Југодрво“ ќе продолжуваат право по улицата Кирил и Методиј до Домот на печатот;
* Во обратна насока, од булеварот Мајка Тереза, булеварот Климент Охридски, па десно по улицата Димитрие Чуповски, десно по улицата Даме Груев (зад Собранието на РСМ), улицата 11 Октомври и ќе продолжуваат по својата траса.
Линија 41А
* Во насока од населбата Драчево кон Клиничкиот центар, од улицата 11 Октомври ќе врти лево по улицата Кирил и Методиј, па лево по булеварот Мајка Тереза до Клиничкиот центар;
* Во обратна насока, од булеварот Климент Охридски, улицата Димитрие Чуповски, па десно по улицата Даме Груев (зад Собранието на РСМ), улицата 11 Октомври и ќе продолжува по својата редовна траса.
Линии 43, 50, 50А, 57, 57А и 59
*Во правец на Клиничкиот центар, Домот на печатот, Козле и Карпош, од постојка кај Бит-пазар ќе вртат десно по булеварот Гоце Делчев, а по мостот „Гоце Делчев“ и булеварот ВМРО, ќе продолжуваат по своите редовни траси;
*Во обратна насока ќе се движат по истите изменети траси.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
(Фото) Герасимовски во Капиштец: Вложуваме во квалитетен живот на центарци, програмата заедно ќе ја пишуваме

Општина Центар, синоќа го почна караванот „Се гледаме во маало со Горан Герасимовски“ во населбата Капиштец.
Герасимовски, како што соопштува Општината, во интерес на транспарентноста и решавање на проблемите на центарци, во следните три недели ќе ги посети жителите и заеднички ќе дискутираат за проектите што се спроведуваат, но и ќе ги сослуша сите проблеми и идеи со кои ќе се креира новата четиригодишна програма за уште поубав Центар.
Пред жителите на Капиштец, Герасимовски информираше дека програмата за работа мора да произлезе од центарци, затоа што само така може општината да работи во интерес на граѓаните. Тој истакна дека во завршна фаза е реконструкцијата на паркот во Капиштец на површина од 7.800 м², кадешто има ново зеленило, нови патеки, урбана опрема и ЛЕД осветлување.
„Вложуваме во сè што значи квалитетен живот. Паркот во Капиштец целосно го обновивме и хортикултурно го уредивме, со нови дрвја, клупи и осветлување. Инвестираме во нова инфраструктура, ги реконструиравме улиците „Козара“, „Шарски Одред“ и го реконструиравме тротоарот на ул. „Народен Фронт“. Детското игралиште кај трговскиот центар „Зебра“ и спортското игралиште на ул. „Народен Фронт“ ги обновивме. Можам да кажам дека ги подобривме условите во целата населба. Пензионерите добија свој пензионерски клуб во Капиштец кадешто секојдневно се дружат и социјализираат“, рече Герасимовски.
Герасимовски, потенцираше дека се расчистени дивите депонии спроти Католичка црква и на ул. „Народен фронт“. „Општинските служби секојдневно се грижат за хигиената на општината, чистејќи го и сметот, но и дивите депонии. Изминатиов период, ЈП „Комунална хигиена“ потфрли во чистењето на контејнерите на територија на Центар поради што спремаме и кривични пријави. Недозволиво е централното градско подрачје да изгледа вака поради пропусти на градската власт“, посочи Герасимовски.
Караванот „Се гледаме во маало со Горан Герасимовски“ продолжува и денеска, на средби со центарци во Дебар маало, кај клупата на Горан Стефановски, со почеток во 18.30 часот.
Македонија
Арсовска: Аценце, те чекам на ТВ дуел

Градоначалничката на Град Скопје, Данела Арсовска преку социјалните мрежи го повика градоначалникот на Ѓорче Петров на ТВ дуел.
„Во меѓувреме да ти го разбијам интервјуто со факти: ‘Аце рекол: Ги демантирам ставовите на градоначалничката на Град Скопје за наводна изградба на хемиска фабрика на територија на општина Ѓорче Петров’ не се тоа ставови Аце туку факти, еве секој во Македонија кај тебе на веб страна може да ги види па и ти.
Аце рекол: „Ова се обиди на градоначалничката на Град Скопје да создаде хаос меѓу граѓаните“ – многу јако, јас сама, а ти против мене со целата владеачка партија од 4-тата економија во Европа со која изгласавте ДУП со хемиски фабрики
Аце рекол: „Како да е фиксирана за општината Ѓорче Петров“ – па нели на Чаир бев фокусирана, што си се уплашил толку
Аце рекол: „Арсовска работи, инвестира на други места додека пак во Ѓорче Петров не работи ништо“ – Аце од сите нови 29 улици што ги имаш во Ѓорче, 27 ти ги направив јас!!!
Аце рекол: „Најодговорно тврдам пред целата македонска јавност дека на тој потег, ниту пак на било кој друг дел на територијата на општина Ѓорче Петров не постои локација на која што е предвидено или ќе се градат било каков тип на објекти од тешка индустрија“ – Аце многу директно ти кажав 157.000м2 објекти хемиска индустрија која е класифицирана како загадувачка
Аце рекол: „Објектот (Лафома) поседува сопствена пречистителна станица, под постојан надзор на Министерството за животна средина и сите релевантни државни органи“ – Аце нели не загадува хемиската индустрија, што тогаш пречистува фабриката и што го истура во Лепенец? Бидејќи знаеш многу за фирмата и ги застапуваш, ајде чекаме да ни кажеш??
И за сѐ ова јас имам докази, а ти соопштение што ти го напишале во штаб.
Ајде уште еднаш да те прашаме, дали ти ги праша жителите на Ѓорче Петров дали тие сакаат хемиски фабрики на 157.000 m2 и над 30 висококатници да се градат сред општината? НЕ!“, напиша Арсовска на својот фејсбук профил.
Македонија
(Фото) ДЗС: Пронајдени артилериска граната од 75 mm и рачна бомба од Првата светска војна

Во последното деноноќие, вчера во пределот на преспанскиот дел од Национален парк Галичица, беа пронајдени една артилериска граната 75 mm и рачна бомба, при што од страна на Дирекцијата за заштита и спасување е интервенирано за безбедно отстранување неексплодирани убојни средства (НУС) од минатите војни, извести ДЗС.
Дирекцијата за заштита апелира до граѓаните, при прошетки во природата во случај кога ќе пронајдат неексплодирани убојни средства да не ги фаќаат и поместуваат, туку едноставно да се јават на Единствениот повикувачки број за итни случаи 112 во ЦУК, по што надлежните институции и служби ќе се погрижат безбедно да бидат отстранети или неутрализирани, согласно конкретните пронајдени НУС. Така ќе бидат заштитени животите и безбедност на тие што ги пронаоѓаат тие потенцијално опасни заостанати оружја од минатите војни, а и животите на идните посетители во природата.
Пронајдените гранати веќе биле употребени, а неексплодирани и претставувале потенцијална опасност за граѓани коишто се на прошетка во природата или пак за пожарникари коишто гаснат шумски пожари во тој предел. Конкретно, артилериска граната од 75 mm со потекло од Прва светска војна била истрелана и помината низ топовска цевка и имала временска запалка којашто од непознати причини не извршила активација на гранатата кога со нејзе се дејствувало. Опасноста за активирање, кај вакви веќе истрелани гранати, постои при дејство, удирање, врз запалката и при висока температура, на пример при пожар и слично.
Рачната бомба, од германско производство, била одбранбена бомба од Прва светска војна со активирана каписла од времето кога била фрлена, употребена.
Двете неексплодирани убојни средства (НУС) од минатите војни се безбедно подигнати и транспортирани на безбедно место за понатамошна постапка до нивно уништување, според оперативните стандардни процедури. од пиротехничарот во ДЗС Битола, Ѓорги Стефанов и овластениот пиротехничар Митко Ташков од ДЗС Гевгелија, соопшти Дирекцијата за заштита и спасување.